الانتقال من مدينه لمدينه اخرى

السلام عليكم

مساك الله بالنور

اسمعني ياخوي نصيحه من واحد مجرب ، والدعوه بسيطه كلها ..

دامك على حســـــــابك رح لـ ارخص معهد ف امريكا ، والديره الي تجوز لك
بس لاتزم تســوي تعديل البيانات في موقع الملحقيه وترسل لهم بدايه الدراسه .
عشان مايقروشونك مثـلي
انا نقلت من معهد درست فيه شهرين ، ورحت لمعهد جديد ، ودرست فيه اسبوع ، وجاني التحاق
رجعــو معلوماتي كلها على المعهد الاول .. صحيح اني تقروشت شـوي لاكن رجعو معلوماتي على المعهد
والان انا ، رحلتي بعد شــوي لـ سياتل لـ معهد جديد يعتبر رقم 3 , والله يكتب الي فيه الخير

لاكن بقولك شي
انا متاكد ان اغلب الشباب اللي عندك ، يقولون لك .. رح كاليفورنيا
كاليفورنيا زينه ، كاليفورنيا فيها ، كاليفورنيا فيها

ترا والله ياكاليفورنيا غاليه على الفاضي
تبي مناظر تبي طبيعه تبي توسع صدرك ، هذي كلها تلقاها لو أنك ف اي ولايه او اي مدينه

لاكن ، كاليفورنيا غاليه وانت رجال على حسابك نصيحتي لك رح لـ ارخص ارخص معهد
وطقطق فيه لين تلتحق ف البعثه
ثم عقبها ، رح لـ اطلق معهد في مخــك

وسبب رئيسي في الاختيـــــــار لا بد انك تصلي صلاة الاستخارررره مهم ضروري ياخوي
وانا شفت انك بتروح لديره اخترتها وضايق صدرك ، ف لا تروح لها ترا مافيها خير لك
وان كان اخترت ديره ووضعك تمام ماضاق صدرك ولا شي ، ف الخيره فيها
والله يوفقك ويكتب لك الخير وين مارحت

هههههههههههههههههههههههههههههههههههههه

اخوي ، سان دييغو ماتصلح لك ، اعلمك انا
صحيح فيها معاهد رخيصه ، ولاكن الديره ماجازت لي ولا حبيتها ياخوك ،
مدري يمكن تعجبك ، ولاكن غاليه على الفاضي
انا الان في سياتل ، وساكن شقه لحالي غرفه ومطبخ ، ودورة مياة وانت بكرامه ، وحوش موقف فيه السيكل
على كيف كيفك ، وفوق هذا والله ياخوك ، 10 خطوات جنب المسجد
انا كان اكبر همي المسجد اجي جنبه ، والحمدلله تحقق مطلوبي

اما بورتلاند ، ف واحد من العيال جالس جنبي الحين ، في سياتل بيكمل فيها دراسه
يقول ، بورتلاند رخيصه ، مافيها تاكس ، بارده
ناسها حلوين ، الاجار فيها ، نفس سياتل ،
سئلته عن المعاهد يقول ، الاسعار على 2400 دولار ، شهرين ونص ، يعني كوارتر
ولاكن مانصحك دام أنه كذا
هذا كلام واحد من العيال كان ف بورتلاند جنبي ، وكتبته لك والله
وسياتل توني فيها يالخوي ولا علمتك بكل شي ، فيها
__________________________________
اذا بغيت سان دييغو .. فيه معهد أسمه .. national university
المعهد رخيص ، وسلك لـ نفسك فيه لين تلتحق ف البعثه .. واسكن في { Balboa }
حول مسجد أبو بكر ... يصير تروح لـ المعهد على باص 27 ، 15 دقيقه ، يوقف بك قبل المعهد ب اشاره تقريبا ، تمشي 10 دقايق لـ انت ف المعهد
لاكن ، فيه 6 لفلات .. كل لفل ب 600 دولار ، كل 3 شهور بـ 1800 دولار ، مع تامين طبي لـ مده 3 شهور ب 200 .. يطلع 2000 دراسه شهور
وفيه طريقه حلــوه .. اول ماتجي المعهد بيسوون لك اختبـار تحديد مستوى سو نفسك ضايع ولا تحل شي صح
يحطونك في لفل أسمه ECS الشهر فيه ب 300 دولار ، اجلس فيه شهرين ، في هاللفل ، بعدين رح لـ لفل 400 ، وشد حيلك
لين يجيك الحاق ف البعثـــــــــــــــه ..
،
وترا والله الديره ماهي هذاك الغلا يعنــي ، بحكم اني رحت لـ مدن كثير ف امريكا .. وما خليت لا ولايه الا جيتها ،
لاكن يمكن يطلع الفرق ، بين 3 إلى 5 دولار

والله يوفقك ، ويكتب لك الخير وين مارحت ، ابي منك دعووة ياصديقي