استفسار عن مطار سياتل

لا إله إلا الله

وعليكم السلام ورحمة الله وبركاته

اول شي البس صيييييييييفي ... الاجواء عندنا هالايام من احلا ما يكوون ..

والمواصلات بصراحه ما ادري وش اقولك لاني اول ما جيت استقبلني شخص اعرفه

لكن من وجهة نظري انك لو حجزت سياره بالنت وطلبت من الاكسسوارات الاضافيه جهاز GPS

وتكون مسجل العنوان اللي تبي تروح له .... صدقني ما راح تضيع ابدد ابدد

السواقه في امريكا سهالات .. شعب محترم ولا في مضايقات ولا تكبيس ولا بواري ولا شي من خرابيط ربعنا

الزيدة ايجاز سياره هو الحل الاوفر ماديا وبتكون السياره معك عشان تدور شقه وتسسسنع امورك ،، ابحث في قوقل عن الشقق واكتب عناوينها و اضبطها في الGPS وروح شف الشقق اليما تستقر

رجع السياره الايجار ،، و كمل دراستك او حياتك باللي يناسبك سواء باصات او تشتري سياره او تقلبها كعابي ع قولتهم

،،، اما طلب ليموزين هو الحل الاسهل لكنه مكلف نوعا ما ،، لانه بس بيوصلك لوجهتك ويمشي وانت بعدين راح تحتاج تتنقل وتدور شقق وكذا

وبالمناسبه ترى سيارتي للبيع كان لك خاطر ... http://www.mbt3th.us/vb/forum82/thread419029.html
تفك نفسك من بعض المصاريف مثل الليموزينات او سيارات الايجار

انا مسوي تاجيل وع وشك ارجع للسعوديه
واتسب 00966556610477

مشكور أخوي على التوضيح الكامل
أنا ان شاء الله بشتري سيارة بعد شهر أو شهرين
بس أخوي الله لا يهينك اذا بغيت أشتري سيارة رخصة السعودية تكفي؟ وإذا ما تكفي وشي شروطها؟

لازم تطلع رخصة ولاية واشنطن ،، وشروطها تجتاز الاختبار النظري والعملي

انا اول ما وصلت وقفتني دوريه وسجل لي مخالفه ٥٥٠ دولار . لان رخصتي السعوديه غير معترف بها .. على كلام الشرطيه
وسويت اعتراض ومحكمه والغوها

يعني انا احررص عليك تطلع رخصتهم ولاهي صعبه بس المشكله الاختبار بالانجليزي
وايضا لازم تامن على سيارتك ،، لانه لو وقفك وما معك تامين بيصكك بمخالفه جاااامده

بالتوفيق

سالفه الرخصه السعوديه مو معترف فيها لا طبعا معترف

صاحبتي ابوها معاه سياه والرخصه السعوديه باقي ماطلع الامريكيه ولا له نيه يطلع الا اذا خلصت مده الشرط لانه الرخصه السعوديه تقدر تسوق فيها ٦ شهور

ووحده من البنات ابوها يستاجر سياره بين فتره وفتره عالرخصه السعوديه وتقول كملنا سنه والحين مايقدر يعني اتوقع لايه واشنطن شرط

الرخصه السعوديه سنه

وكمان وحده زوجها مطلع السياره وعالرخصه السعوديه

زبدة الهرج تقدر عالرخصه بس لابد بالنهايه تطلع رخصه الامريكيه

اختي .. انا ما جبت لك كلام فلانه وفلان .. انا نقلت لكم تجربتي الشخصيه

وهي اني اخذت مخالفه في اول شهر بقيمه 550 دولار .. والسبب ع كلام الشرطيه اللي وقفتني انه (( رخصتي غير معترف بها ))
وازيد على ذلك المكتوب في موقعهم على الانترنت WA State Licensing: Moving? Get WA driver license

By law, you have 30 days to get your Washington driver license once you establish residency in Washington State.

حسب النظام، اذا كنت تنوي الاقامه في ولاية واشنطن لابد تاخذ رخصه خلال 30 يوم ..

اما اذا فلان وعلان لهم سنه وامورهم ما شيه ،، فهذي توافيق من الله وتساهيل ،، لكن صدقيني لو وقفتهم دوريه او صار له حادث لا قدر الله .. ما حد معترف بهالرخصه اللي معه
ومكاتب الايجار وغيرها تاجر لك سياره ،، بناء على انك زائر او سائح ،، فقط ولو الود ودهم اجروك سياره بدون رخصه ،،، لانهم يدورون المكسب المادي ..

في امريكا .. الناس تتبع النظام حرف حرف .... ولو عسكري وقفك وعطيته الرخصه السعوديه ومشاك بدون مخالفه ... بتكون انسان محظوظ وامك داعيه لك ..