أي خدمه من كولارادو- دنفر من عيوني

السلام عليكم أخي فهد
مشكور على موضوعك وانا حاولت كثير القى مساعدة في القبول بولاية كلورادو لكن للأسف مافي أي ردود ..أنا مبتعثة من المرحلة الثالثة وعييت احصل قبول في فلوريدا لأني مقيمة مع عائلة أختي وخايفة أخسر بعثتي بسبب صعوبة القبول من غير معدل توفيل . ياريت لو تقدر تساعدني بقبول من كلورادولأنه يقولوا انها ولاية حلوة وزوج اختي يمدحها وممكن ناوي ينتقل هناك .. بس المشكله في القبول حقي أنا ابغى ادرس بكالوريا كمبيوتر واكون ممنونه لك اذا ساعدتني والله يجزاك كل خير
أختك أسماء

الله يجزاك كل خير يا اخوي فهد

انا جاي امريكا بعد 5 ايام ورايح ادرس شوية لغة في اوريجن في OSU لاني مو محتاج لغة وناوي اختبر توفل
اما الماجستير فانا مقدم على كولورادو ات دنفر على البزنس سكول وارسلت لهم التوصيات والترانسكريبت وعبيت الابليكشن اونلاين وباقي ارسلهم الارواق الباقية والرسوم
انا كلمتهم ايميل قلت اذا ممكن يعطوني قبول مشروط عشان الجيمات لانه قالولي اخر موعد 30 ابريل بالنسبة للي بيبدا في اوغسط 2008 واتوقع ما يمدين اجيب جيمات قبل 30 ابريل التوفل ممكن مو مشكلة
فاذا عندك معلومة اذا اقدر اخذ قبول مشروط او ممكن اني اسلم نتايج التوفل والجيمات بعد 30 ابريل
الشي الثاني ودي تعطيني فكرة عامة عن اسعار السكن في كولورادو دنفر وحجمها مستواها بعدها من الجامعة البزنس سكول

والله يجزاك كل خير

هذا من طيبك

تسلم على مساعدة اخوانك

أخي Patriot966بالنسبة للقبول المشروط فهو يختلف من قسم الى اخر لكن حسب معلوماتي من أصدقائي اللي عندهم خبرة بأن معظم الاقسام تطلب في الجيمات بالاضافة للتوفيل كشرط أساسي للقبول .. فلذلك انصحك أخي أنك تسوي جيمات لما توصل مباشرة وتبعثه لهم وحتى لو حصلت معدل قليل مافي مشكلة المهم التوفيل يكون عالي .. وبالنسبة لموعد التقديم فهو يختلف بالنسبة للطلبة الدوليين المتواجدين في أمريكا حيث يعاملوا معاملة الطلاب الامريكان من ناحية تأخير موعد التقديم ...بالنسبة للسكن في دنفر يتراوح من 650- 900دولار شهرياً للعوائل .. وبالنسبة للعازب ممكن يحصل على ٌRoommate أو السكن مع عائلة تقريباً 600 دولار في الشهر .. الجامعه راقية ولها ترتيب جيد بين الجامعات الامريكية وتقع في وسط المدينة ويسهل الوصول اليها من أي مكان .. ودنفر شهورة بفصولها الاربعة .. والله يوفقك

أختي أسماء الرجاء الاطلاع على هذا الرابط

www.cudenver.edu

أخي Super_Ksa الله يسلمك وبارك اله فيك

عزيزي tmt بعد التحيه والسلام .

انا مبتعث من المرحلة الثالثه دراسة ماجستير تخصص هندسه كهربائيه وانقبلت في معهد تابع لجامعه اسمائها على النحو اتالي وسوف تكون الدراسه بإذن الله يوم 13 شهر 10 ميلادي:
Interlink language centers
Colorado school of mines
سؤالي هو هل بعد هذا المعهد استطيع ان ادخل الجامعه التابعه للمعهد ام يوجد اختبار توفل او جيمات ...إلخ

وسؤالي الأخر : هل استطيع بعد الدراسه في هذا المعهد ان حول لجامعه اخرى في نفس الولايه وهل يحتاج اختبار توفل... إلخ لإلتحاق في اي جامعه اخرى.

وشكرا اولا وأخيرا على هذا الموضوع ويارب يتقبلها في ميزان حسانتك وميزان اي احد يفيدنا

اخوي شنو افضل الجامعات في كولورادو

university of colorado denver
http://www.cudenver.edu/Pages/home.aspx

او
university of denver
http://www.du.edu/

هل في جامعات افضل ؟؟

انا راح ادرس لغة على حسابي في البداية

هلا حبيبي eng.hamed بالنسبه للدخول في الجامعه فهذا يعتمد على حسب القبول اللي معك (مشروط ولا غير مشروط ).بس أغلب الجامعات(إذا مو كلهم) تطلب التوفل والجيمااات خاصه لدراسة الماجستر حتى لو درست في معهدهم .
بالنسبه للتحويل هذا سهل لاكن التوفل والجيمات مطلوبه منك كشرط اساسي .
حبيبي انا اسف على التأخير مره ثانيه واي خدمه انا تحت امرك