استفسار عن معهد Clackamas Community College في اوريغون

ياريت اخي الفاضل تسألهم عن التسجيل كل كم شهر يفتح لأني مارح الحق على الدراسة في شهر ٣
اتمنى تسألهم عن مواعيد التسجيل للشهور القادمة
ونبغى نعرف مميزات و عيوب المعهد ان وجد
وهل الطلاب و الطالبات هناك ينصحو بدراسة اللغة فيه ام الافضل التغيير لمعهد اخر
و الف شكر لك مقدما


( تمت المشاركة باستخدام تطبيق مبتعث )

ابشر.. تم اضافة سؤالك بالقائمة.. وبإذن الله بجيبلك الإجابة..
وكذلك ضروري اني اسأل الطلاب هناك عن رأيهم بالمعهد.. وهل ينصحون فيه ولا لا..

ولا يهمكم.. عارف انكم تحتاجون احد في امريكا يساعدكم.. وبإذن الله ما احد يسبقني بمساعدتكم.. ادعو ربي يسهل لي اموري ويجيني الإبتعاث بأسرع وقت.. لأني ادرس على حسابي.. ربي يوفقكم ويسهل أموركم..

يا إخواني وخواتي ارجو الإنتباه لفرق الوقت بيننا (في بورتلاند) وبينكم (بالسعودية) ..
اذا الساعه عندكم ١ الظهر.. يكون الوقت عندي ٣ الليل
يعني قبلكم بـ 9 ساعات.. هذا التنبيه عشان تعرفو الوقت اللي اقدر ارد عليكم بسرعه سواءاً بالواتساب او الإيميل..
واتساب:
0533117151
ايميل:
HelpKSAstudents @ hotmail . com

( تمت المشاركة باستخدام تطبيق مبتعث )

الله يوفقك و يسهل امورك و يعجل لك بالانضمام للبعثة
جزاك الله الف خير


( تمت المشاركة باستخدام تطبيق مبتعث )

والله أحرجتني بتفانيك في خدمة اخوانك وخواتك الله يجعلها في موازين حسناتك
ويا رب تلتحق بالبعثة في أقرب وقت لان مثلك وشرواك يستاهل كل خير..

انا استغربت من طلبك لاني ما فهمته ولكن حتى رابط المعهد كنتي تقدرين تطلعينه من نفس موقع الكلية انا لغتي ضعيفة ولكن افتح ترجمة قوقل واقعد اخبص في الموقع الين اطلع الي ابيه والطريقة هذي تتعبك شوي ولكن تستفيد وتتعلم كلمات جديدة على العموم.. الموضوع سوء تفاهم وانا تسرعت في الاجابه..فالك التوفيق

السلام عليكم يا اخيSalom77 ايش صار معاك ننتظر ردك الله يعطيك العافيه

معلومات كويسة ..
بننتظر مزيد من المعلومات و التقارير .. للفائدة

جزيتم خير الجزاء

ابشركم.. رحت للمعهد الإثنين الماضي.. واستفسرت منهم واخذت معلومات وافيه..

قالو لي تقدر تساعد الطلاب اللي يبغون يسجلون عندنا.. ترسلهم الابلكيشن وتجي هنا وتجيبه لنا.. وتكون انت المنسق بيننا وبينهم

طبعاً عندي الابلكيشن جاهز وكذلك البيانات المطلوبة والمهمه اللي لازم تعبيها فيه.. كلها محددة عندي..

تكلمت مع احد الطلاب هناك وقال لي تقييم المعهد من جيد الى جيد جداً .. ويوصي فيه للي عندهم شوية لغه عشان يتقدمون فيه

وكذلك المعهد يركز على المحادثة اكثر شي.. (بحسب كلام احد الطلبة هناك-سعودي)

لكن هذا مايعني انه سيء للمبتدئين.. لكن انا اذا راح ادرس على حسابي ومستعد ادفع ٣٠٠٠ دولار للترم (ثلاثة شهور) يعتبر المعهد مقبول بهذي الحالة..

بعض الطلبة مستعد يدفع اكثر من ١٠٠٠ دولار في معهد، وهو على حسابه.. لكن انا شخص على قد حالي.. ورغبتي في البداية هي الإبتعاث.. يعني امشي حالي بمعهد مقبول الى جيد مقابل ميزانيتي المنخفضه وانتظاري للإبتعاث..

هنا أنا اقبل بمعهد clackamas كمعهد يمشي حالي لين تتيسر لي البعثة وبعدها اروح اشوف أفضل معهد في امريكا ومقبول في الوزارة.. مثل معاهد ELS ..

بصراحة اشوف ان معهد كلاكماس مناسب لي لأنه غير مكثف.. لأنه ما ياخذ يومي كله مذاكرة مقابل اني ادرس على حسابي..

بخصوص اللي جايين مرافقين مع زوجاتهم او اخواتهم.. او المرافقة مع اخوها او زوجها

في الأبلكيشن.. في صفحة تخص المرافقين.. واذا انت بتقدم راح يجيك الآيتوني لك انت والمرافق او المرافقة
وبتكون تأشيرة المرافق او المرافقة F-2 اما الطالب الاساسي تأشيرته F-1 ويعتبر مقيد بالدوام من اول يوم بالترم
اما المرافق او المرافقة غير مقيد بالدوام من اول يوم..

مثلاً انا راح ابدأ الدوام يوم ٦ يناير (اول يوم بالترم) ولكن زوجتي (المرافقة) غير مقيدة بالدوام معاي.. وتقدر تتأخر لو اسبوع او اسبوعين.. يعني الموضوع تساهيل مع المرافق او المرافقة لأن النظر مكثف على الطالب او الطالبة الأساسيين..

اذا بتسجل لازم تحصل على تأمين طبي..
واسعار التأمين متفواته من ٣٠٠ دولار الى ٥٠٠ دولار وانت طالع..

من رأيي تاخذ لك اي تأمين يمشي الحال وعشان تسكت المعهد فيه.. حتى تجيك البعثة وقتها خذ لك أقوى تأمين ولا يهمك أحد.. عندها تقدر تضبط امورك الصحية بأفضل المستشفيات.. (أبعدنا الله وإياكم عنها)..

بخصوص الأبلكيشن..

تحصلون الابلكيشن بموقع المعهد..

لكن انا جاتني فكرة.. اذا ودكم اترجم لكم الابلكيشن واحدد لكم البيانات اللازمة وطريقة كتابتها.. وكيف تكتب بيانات المرافقين..

انا مستعد الان.. اكتبوا اي طلباتكم وانا تحت امركم

الله يعطيك العافية أخي الكريم ..
بالنسبة للتأمين الصحي فيه فورم خاص .. وكمان حاطينه في اﻷبلكيشن .. نخبرهم فيه انو ماعندنا تأمين ونوقع؟

و بالنسبة لي أنا مبتعثة و معايا زوجي وأطفالي وقريبة لي مبتعثة أيضا .. بإمكاننا نلحق مقعد لنا حاليا و نقدم اﻷبلكيشن من اﻵن ؟ﻷنو الخوف انو يتكدس المعهد و نتورط
ﻷنو أقرب ترم ترم الشتاء ويبدأ من 6ديسمبر والخوف إنو مانقدر نلحق لهدا الوقت ممكن الاجراءات تطول ..ففيه إمكانية إنو نقدم من اﻵن على أساس ترم الربيع ؟وﻻ ماراح يوافقو؟

و بالنسبة للأبلكيشن ياليت و الله إنك تساعدنا في اﻷشياء المحددة المطلوبة و المهمة عشان ..ماتنقصنا أشياء
الله ييسر لك أمورك .. و يزيدك من فضله