استفسار عن معهد Clackamas Community College في اوريغون

السلام عليكم
اخوي سلوم هل المعهد يدرس اللغة الاكاديمية ام اللغة بشكل عام
هل يؤهلني بشكل ممتاز لدراسة الماجستير
هل يدرسون الجيمات في معهدهم

شكرا لك

السلام عليكم ورحمة الله وبركاته

مشكور اخوي سليمان على المساعدة والمعلومات جعلها في موازين حسناتك الله ييسر أمرك ويرزقك

عندي استفسار عن الحضانة كم السعر في الشهر الواحد للفول تايم .. في رد سابق لك بس ماطلع واضح لدي ياليت تفيدني وهل الحضانة نفس السعر لجميع الأعمار مثلاً الطفل الشهر التاسع نفس السعر ولك جزيل الشكر
وعندي استفسار عن الحجاب كيف في المعهد والمدينة طبعاً تغطية الوجه
وكم عدد المتزوجين السعوديون في المعهد
وكم عدد السعوديون ككل
كم الساعة يبدأ المعهد وكم الساعة ينتهي

ماعليش على كثر الأسئلة

ومشكور بارك الله فيك

الله يعطيك العافية مااتقصر ياخوي أبشرك الحمدلله ردو علي وقالو أنه I-20 راح توصلني بعد ثلاث أو خمس أيااام والله يسهل علينا باقي أمورنا
إذا إستجد عندك أي معلومات عن السكن والحضانات وعن المدينة وكل شي ممكن يساعدنا فيها ياليت تكتبه لنا عشان يصير مرجعنا وجزاك الله خير ع مساعدتك لأخوانك

بالتوفيق للجميع

طيب و السكن مع عائلة متوفر في مدينة اوريغون او بعيد عنها

Up........................up

اعتذر منكم على التأخر بالرد.. والله اني محرج منكم.. لكن لعلكم تعذروني لأني انشغلت مع السفر والحمد لله الان انا بالسعودية من ترتيبات زواجي ان شاءالله.. وقدامي اسبوعين فقط على عودتي الى اوريقون سيتي..
الان ارد على استفساراتكم..

حياك ربي يالغالي.. ويارب تكون كفو للخير وجاد فيه..

نعم المعهد يدرس اللغة الاكاديمية..
ويوجد فيه طلاب يدرسون اللغه وهدفهم ماجستير مثلك..
اما الجيمات .. الله اعلم وسألت لك عنها صراحة ولم اجد اجابة..

الا بسألك: ايش هي هذي الجيمات؟ 😁🙈

العفو اختي الغاليه..

بخصوص الحضانه...

في بداخل الكليه حضانه اسمها
children care
في قسم:
Family Resource Center
(احد اقسام الكلية)
رقمهم عند الرغبة في الإتصال بهم:
5036579795
اسعارهم:
اليوم الكامل من ٦ الصباح الى ٦ المغرب ٨٠٠ دولار
ونص اليوم من ٦ الصباح الى ١٢ حوالي ٥٢٣ دولار
لا شك أن الاسعار للأعمار من ٦ اسابيع وحتى ١٢ سنه..

++++++++++++++

بخصوص السعوديين.. ماشاءالله اكثرهم مع عائلاتهم..

ويمكن ٣ او ٤ شباب عزاب محترمين.. (الله يحفظهم ويغنيهم بحلاله عن حرامه)

واما المتزوجين تقريباً ٦ او ٧ اشخاص مع زوجاتهم.. وماشاءالله عليهم يجتمعون كل اسبوع تقريباً والحمد لله لاحظت انهم مرتاحين ومايشتكون من شي..

عدد السعوديين لا يزيد عن ٢٥ بنات وعيال..

هذه احد الاسباب التي جلعتني اختار معهد كلاكمس.. لوجود عدد من العائلات السعودية فيه.. طبعاً وانا وزوجتي كذلك..
++++++++++++++++

بخصوص الحجاب،، بالعكس مافي مضايقات او تحسس من الناس والكل ياخذ راحته وانا لاحظت ان البنات متحجبات حجاب يغطي الشعر والرقبة ماعدا الوجه.. (حجاب شرعي يكشف الوجه فقط)

(اخاف احد يقول انت عينك طويله هههههههههههههه)
يا اخواني انا متزوج وصراحة الموضوع هذا يهمني.. لذلك أحسنوا الضن هههههههههههه

++++++++++++++
بخصوص الدوام.. ذكرته سابقاً، وهنا تفصيل اكثر:

من الاثنين الى الجمعة

يبدأ الدوام من ٩ الصباح
وحتى الساعه ١ الظهر كحد اقصى للفصول الدراسية..

بعدين عندك مثلاً ساعه او ساعتين تقضيها على الكمبيوتر او المكتبه..

طبعاً مثل نظام الجامعات، عندك عدد ساعات اسبوعيه تخلصها ..
كثير منها يروح بالكلاسات

والباقي مثلاً نقول عندك ٣ ساعات هذا الاسبوع.. انت على راحتك تاخذها مثلاً بيوم واحد على الكمبيوتر، او مثلاً اليوم ساعه ع الكمبيوتر.. وبعد يومين تاخذ ساعه ثانيه بالمكتبه وهكذا حتى تنهي عدد الساعات الاسبوعية

عدد الساعات الاسبوعية اللي انت مخيّر فيها لا تزيد عن ٣ ساعات فقط..

الكلاسات تنتهي الساعه ١ الظهر
وباقي اقسام المعهد تبقى مفتوحه للطلاب، مثل:
قسم الكمبيوتر
المكتبه
الصالة الرياضية
اقسام اخرى لها انشطة متنوعه مثل العمل التطوعي، وغيرها من انشطة الاحتفالات.

وكل هذي تبقى مفتوحة حتى الساعه ٥ العصر.. الادارة تنتهي دوامها الساعه ٥ العصر

محطة الباصات اللي بداخل الكلية وتوصل من الكلية الى باقي الاحياء والمدن تستمر بالعمل حتى الساعه ١٠ بالليل ..

نعم يوجد سكن مع العائلات..
ولكن انت متى ناوي تبدأ دراسة بكلاكمس؟ عشان ابحث لك عن عائلات..