يعافيك يبو نايف .. ولو في الخدمة ..
بصراحة معك حق كرفت سنين العمر ذي والحين تضاعفها ففاهم عليك !!
حشوف معاهم اذا معادلتهم حتنزلها لسنتين ، بس ماظني لانو البرنامج مصمم اما ثلاث سنوات أو سنة .. فغالباً بس حتحذفلك ساعات مع بقاء البرنامج ثلاث سنوات.
بالنسبة للأنيميشن سنة وحدة مكثف هو خيار قوي و أدعمك فيه طالما خطة حياتك مبنية على كورسات قبل الماجستير .. و من خلال السكتش تبعك يا رجل ماشاء الله بيبيّن قديش موضوع الرسم و الـتصميم محدد وواضح فيك و إبداعي !!
انت مايبالك الا كم كورس في الشي ذا ، تاخذ الخلاصة فيه و صدقني رح تتميز وربنا حيفتح عليك !!
اتصفحت الموقع و لقيت الفيلم برضو وتابعته 😁
بالزبط زي ماقلت مركز على الرعب ، و جلست أتخيل طيب لو في عمل فني بس يصورلنا ويحاكيلنا جماليات الكون بالوضوح دا !! حيكون فعلاً شي جبار و قليلين شغالين فيه.
بالنسبة للكورس:
*هو عبارة عن سمسترين مكثفة تتعلم فيها التقنيات الفنية الي تخليك ماستر في الانيميشن من خلال التدريب على السوفت الوير الحاصل على جائزة الأوسكار
Autodesk Software
الحلو في الموضوع انك بعد ما تغلق الكورس بإمكانك تشتغل كإنميشر مستقل أو حتى تقدم على وظايف في الفيلم ، الألعاب ، و الإعلانات التجارية أو أي قالب تفاعلي.
*مهم طالبين أي خبرة .. و طالما عندك زي ما قلتلي كورسات سابقة فهذا حيساعدك بشكل أكبر.
بيرشحوا انو يكون عندك على الأقل الشي البسيط في برامج الجرافيك زي:
Adobe Illustrate or Adobe Photoshop.
حيكون لك نسخة مجانية من السوفت وير تحملها على جهازك.
السمستر الأول باختصار يركز على الجوانب الاساسية في الرسوم المتحركة بداية من الـ
القصة المصورة الين ما تخرجها كفيلم
Storyboard to final movie
حتدرس:
*كتابة سيناريو
*ستوري بورد
*تصميم الشخصيات
*ثري دي كمبيوتر موديلينق: باختصار تبدا تتعلم فيه أساسيات السوفت الوير الي ذكرته سابقا و تصمموا مشاريع.
UV Mapping:
الي هو تتعلم فيه كيفية صناعة صورة تو دي وتحولها لـثري دي موديل.
المواد و القوام:
تتعلم هنا كيف تتأمل و تبني الشخصية أو الهدف تبعك وتخلي الجودة في إنو يكون حقيقي فبنيانه و كشكل خارجي لمن تنظرله.
Rigging:
تتعلم كيف تكون المفاصل ووحدات التحكم
*الاضاءة
*انيمشن: تتعلم فيه اختلاف الشخصيات في الرسوم المتحركة و كيف تتحكم بالظلال و تفهم طبيعة الرسوم المتحركة.
التمثيل للرسوم المتحركة:
تتعلم شي مكثف عن التمثيل و مبادئه و طريقة التمثيل للرسوم المتحركة. و بتمثل طبعاً 😁🎬
السمستر الثاني:
*تبدا في تصميم و التركيز على الأهداف الميكانيكية مثل تصميم سيارة ، بيت عن طريق أداة اسمها Nurbs
*ZBrush: تتعلم التلوين لجودة عالية.
*Mental Ray: مالقيت ابلغ وصف لها من هذا الفيديو:
و مستخدمة في أفلام مشهورة زي The Matrix Reloaded.
*Compositing with Nuke: تتعلم
كلر كوريكشن وروتو و تتبع الكاميرا عن طريق استخدام السوفت وير الي حاصل ع الأوسكار Nuke
وهذي التقنية استخدمت في أفلام كبيرة ومشهورة زي:
Avatar, Mr.Nobody, King Knog, The Legacy and Black Swan.
* الجسيمات الحيوية و المؤثرات البصرية
*آخر كلاس متعلق بالبزنس:
الأشياء الي مسؤول التوظيف حيحب يشوفها فملفك وشغلك.
الأشياء الي مسؤول التوظيف مارح يحب يشوفها في ملفك و شغلك.
طبعاً زي ماذكرتلك حيكون عليك كتابة و تصميم مشاريع و حتكون في كلاسات مخصصة لنقدها وإعادة كتابتها و تصميمها حتى تكون جاهزة للإنتاج.
السمستر الاول حتكون المشاريع من الأكاديمية ، السمستر الثاني انت حر في إنك تشتغل بطريقتك و فكرتك الي اخترتها.
وادخل على هذا الرابط حتلقى فيه ثلاثة فيديوهات صممتها الأكاديمية كملخص بصري للبرنامج وليك انت عشان تقرر ..
http://www.nyfa.edu/animation-school....php#over-view
أتمنى أكون جاوبتك بالمطلوب ، و تكون الصورة وضحت و تناسبت مع خطة حياتك.
و مرحبابك دايماً يبو نايف
كل التوفيق يارب 🎬🎥
( تمت المشاركة باستخدام تطبيق مبتعث )
fawaz.nyfa March 26th, 2014, 11:59 AM
LinkBack URL
About LinkBacks
بصدق بيني وبينك حكاية اني ادرس بكلوريس ثاني مره متعبة بانسبة لي لكن انا حاط في بالي اني اخذ دبلوم او سنه او سنتين في تخصص من الفنون الي يعجبني سواء في الانميشن او التصميم الصناعي او الرسم , ثم اكمل ماجستير
اعجبني بصراحه : مكثف سنة وحدة "للأنيميشن". خصوصاً انهم يعتمدون على الانميشن بالكمبيوتر
ممكن تفاصيل عنه
بخصوص الثلاث سنوات "للأنيميشن". اذا كانو عدلو لي بعض المواد وصارت في سنتين ممكن اخذه
وانا عندي كورسات تعلمتها لكن غير مسجلة (بتاكيد ما راح يحسبونها) مثل هذي الايام اتعلم كوريس الهيكلة
هذا السكتش اليوم الصبح سويته ممكن نص ساعة فري هاند
والله ياليت لو عندي رابط الفلم انا شفته من زمان وراسخ في ذاكرتي عرضوه في ام بي سي تشلن تو , ودائماً متابع من صمم وعملو
الشخصيات فيه مثل مصمم الشخصيات الرئيسية Giger
موقعه فقط لـ +18
HR Giger Museum
طبعاً هو اتجاه اغلبه رغب ليس بمفضل عندي لكن يعبجني فيه قوة الايضاح عنده ( اي توضيح فكرتة بشكل جميل )
وشاكر ومقدر تعاونك
وايميلك ورقم تم حفظة