مساعدة بخصوص الطيران القطرية وشهر رمضان قرب .. المعلبات والاغذية ! ممنوعه او لا

يالغالي
وش تبي بالقطريه
وش جاب فيلادلفيا لسان دييغو
المفروض طالع دايركت
من الرياض او لجده للوس انجلوس
ومن مطار لوس انجلوس
ماخذ سياره ل سان دييغو
كلها ساعتين بالسياره
اريح وافضلك من فيلادلفيا
الاطعمه
كل شي متوفر هنا
بسان دييغو فيه منطقه كلها عرب
بتحصل كل شي

اول شيء نجي للوزن
الوزن اذا كانت الرحله مقسمه كل رحله راح يحسبونها لك لحال
بضرب لك مثال
لما كنت بسافر كان مسار الرحله كذا
الدمام لدبي ، من دبي لواشنطن ، من واشنطن لناشفل

لما جيت اركب الطياره في الدمام قالوا لي مسموح لكم 32 كيلو ، لكن لما توصلون دبي بتنزل من 32 الى 23 و ممكن يسببون لكم حوسه و مشاكل
فلازم تتاكد من كل الرحلات اللي انت بتركبها كم الوزن المسموح فيها ، العربيه مثلا و فلاي دبي و هذي الشركات اللي نقدر نقول عنها سياحيه اكثر من انها للسفر الطويل يكون فيها الوزن بسيط
فتاكد من الشركات اللي عليها رحلتك

الشيء الثاني
اذا تبي اكل لرمضان و كذا انا انصحك مَ تاخذ شيء معك بالرحله نفسها
* اذا بتاخذ لازم مَ تكون في الشنطه اللي تدخلها معك الطياره ، مسموح تكون بالشنطه اللي بالشحن طبعا
بس انا انصحك خذ لك كرتون و عبيه مَ لذ و طاب باستثناء الرز طبعا ، و حتى اغراض السفر تقدر تخليها معها و يصير معك بس الشنطه اللي تسحبها و بكذا يروح عنك بهذلة نقل العفش و غيرها
واشحن الكرتون عن طريق الطيار او السحيمي ، ما اعرف اسعار الطيار ، بس السحيمي لازم تشحن ع الاقل 45 كيلو و ينحسب عليك الكيلو من 12 الى 16 ريال
عاد انت خذ كل اللي تحبه و مش موجود هنا او غالي بزياده .. مثلا عندك القيمر ( القشطه ) .. هنا سعرها في البقالات العربيه تقريبا 4 دولار
الجريش مثلا ، الهريس ، الزعفران
الشوربات هنا تحصل اشكال و الوان .. الفيمتو مثلا هنا غالي بزياده و بشكل مبالغ فيه
موية الورد مثلا ، المكسرات بس لازم يكون عليها تاريخ الانتهاء و لازم تكون مغلفه و مرتبه ، التمر لكن مو مسموح لك عدد كبير مره لانهم يخافون تتاجر فيه
يعني هذا اللي يخطر ببالي .. انا سويت كذا وقت جيتي و الحمدلله الامور ماشيه تمام و لا احتاج السوبر ماركت الا لتكميل الناقص لا اكثر
طبعا انا اقول لك تعبيه لرمضان و بعد رمضان

- - - مشاركة محدثة - - -

نسيت اقول لك القدور و مَ ادراك مَ القدور
جب لك قدور من هناك غطاها مسكر بالكامل ( يعني مَ فيه فتحه )
هنا قدورهم اغطيتها قزاز و فيها فتحه ، و يحترق فيها الاكل دائما
نصيحه يعني لآ اكثر خخخخخ

الله ييسر لك امورك
^^

اهلين اخوي ، والله العظيم كنت مخطط كذا ، ولقيتها ارخص من هالقروشة والتريزانت ،

لكن خفت انو ما اعرف اطلع سيارة من لوس انجلس لسان دييقو خصوصا اني سيئ بالانجليزي

عشان كدا حبيت ع طول لسان دييقو ..


( تمت المشاركة باستخدام تطبيق مبتعث )

الله يعطيك العافية وماقصرت حبيبي ،

وجزاك الله خير ،


( تمت المشاركة باستخدام تطبيق مبتعث )

طيب طالع طيران
ماتاخذ معك الرحله يمكن نص ساعه

كيف نص ساعه ؟

مافهمت عليك .. يعني تقصد الطيران !


والله قروشة اطلع من السعودية الساعه ٤ العصر اوصل سان دييقو اليوم الثاني الساعه ٦ المغرب


( تمت المشاركة باستخدام تطبيق مبتعث )