تجمع طلاب ولاية utah

انا بقدم ان شاء الله على جامعة ويبر وقيل لي انها هادية مناسبة للدراسة

بس ابي معلومات أكثر عنها

كل اهل يوتا لما يروحو ما يردو عسى خير
جاية على شهر 3

ههههههه الله يستر

احترم رأي اخي علي العتيبي وانا اخالفه في الرأي
انا ادرس فيه حاليا وانصحكم بالابتعاد عن هذا المعهد وذلك لعدة اسباب واولها ممكن في اي وقت مالك المعهد اللي هو مدير المعهد يلغي الاي توني وتطلع اجباري من امريكا طبعا مدير المعهد يستعملها في حالة انك تصر في طلب حق من حقوقك في المعهد سواء كانت ماليه او غيرها وانا شخصيا ماحصل شي علي الا ان وجه لي تهديد بالطرد من امريكا وذلك لسبب ان زوجتي تدرس في المعهد وصديقي رفض الدخول في الفصل اللي فيه زوجتي ووجه التهديد لي ولصديقي بالطرد ان لم يدخل الفصل مع العلم ان هناك حل مقنع اللي هو الانتقال لفترة الظهر وطالب فيها صديقي ورفض انه ينقله عناد ماادري وش اسميها
السبب الاخر حولت مبلغ 3700 لحساب المعهد لاستيجار السكن قبل دخولي امريكا ولم يستاجر السكن وتقربطت بالفنادق ومعي زوجتي وبنتي ورجعو لي 3000 فقط وسرقو مني 700 وكان سببهم ان هناك رسوم لم ادفعها طبعا طلعو رسوم مادري من وين وكلها غير مقنعه
السبب الثالث قال لي زوجتك جت لامريكا يفترض انها تكون مثل الامريكيات تكشف وتسولف مع الشباب
وكانت ردت الفعل هو اني قلت له ابيك تداوم بالثوب السعودي للمعهد قال ماقدر قلت زوجتي ماتقدر تسوي اللي تقوله وسكت ولم اتخاصم معه لغرض الحصول البعثه والانتقال من المعهد
الهدف من كتابه هذا الكلام هو ارشاد الدارسين على حسابهم بعدم الاقتراب لهذا المعهد ويوجد معاهد افضل منه في نفس المدينه ورسوم اقل يعني معهد نومن قلوبل 3000 دولار اربع شهور وفي معهد اسمه بيس في ينوفيرستي مول رسومه 1800 اربع شهور وفي معهد اخر رسومه اقل من 3000 ايضا وشكرا.

طلاب يوتا هل من احد المرجو التفاعل

السلام عليكم

شخباركم ي اهل يوتا -- اوريم ...

ابي استفسر عن المعهد هذا ( Professional and Collegiate English (PACE) International Academy ) واتمنى الي يدرس فيه يفيدني هل تنصحوني فيه ولا ابتعد عنه شي الثاني وش وضع السكن والمدينة اوريم ..


اتمنى تردون على بشكل عاجل ....

رابط المعهد :
PACE International Academy

والله انا اشوف ان المعهد للي جاي يدرس على حسابه من ارخص معاهد امريكا وادارتهم متعاونين جداً مع السعوديين بس قوة التدريس مااقدر احكم عليهم لاني مادرست فيه حتى موقعه داخل مول يعني كل الخدمات عندك.
اما بالنسبة للمدينة اوريم ومدينة بروفو انا اعتبرها مدينه وحدة فيها مولين وفيها سينما اماكن الترفيه قليله جداً يعني تدور وناسة وسياحة ماراح تلقاها يميزها العاصمة تبعد 45 دقيقه بالسيارة. بالنسبة للرخص انا ساكن في شقة غرفتين حلوه بسعر 1000 دولار وللامانه السكن ماهو متوفر بشكل كبير يبيلك تدور وتقدر تسكن مع عايله من 300 دولار الى 500 دولار وهذا
حل ممتاز لك عشان ماتصرف اكثر

الله يسعدك اخوي ابو حور على الرد جدا افتني لاني كنت ابحث عن احد في يوتا يساعدني في مدينة اوريم بس ان شاء الله خير انا قدمت على المعهد وخلال يومين ان شا ءالله الاي توني عندي بس يالغالي الدراسة خلال ثلاثة شهور ونص ب 1800 و المعيشية والسكن ب 2400 يعني رخيصة جدا يعني لو حولنها ب الريال السعودي بيطلع ب 15750 ريال دراسة + سكن و اكل بس السسسؤال الاهم وش ابي احد يفيدني بالنسبة لدراسة هل هم كويسين لانك تخبر اللغة عندي صفر وابي تاسيس ممتاز

والله يالغالي انا مقدر اهتمامك وانا بعد اسبوعين راجع السعودية ماادري اذا انت بتجي قبل رجعتي للسعودية راح اساعدك باللي اقدر عليه واذا انت حاجز سكن من الحين مااتوقع انك تواجه مشاكل وفي سعوديين كثير بالمعهد تقدر تسالهم اذا وصلت عن اي شي اما بالنسبة لمستواك باللغة صفر هم عندهم مستوى تمهيدي يبدأ معك بالصفر وراح تفهم وتمشي انشالله لا تشيل هم .
واعتقد ان هدفك الرئيسي هو الالتحاق بالبعثة وانا اقولك تطمن دام انك في هذا المعهد درجاتك بتكون زينه بس شد حيلك وذاكر اول باول ومتساهلين جداً مع اللي يدرسون على حسابهم وفالك التوفيق .

معهد جامعة يوتا في لوقن
utah unviersity state

اخد يعرف عن المعهد والمدينة اي شي ؟