جايــــك يا أمريكا 16/5/2008 استفسار عن جامعة كلولورادو الي في دنفر(لحد يجحد )

للأسف ماقدر أفيدك بشيء لأن ماعندي معلومات حقيقةً...

يالغالي كولارادو مدينهـ هاااااااااااااادئه جدا جدا لدرجة انه بالليل تسمع دبيب النمل << احس انـي مبالغ
وفيها سعوديين مو كثير لكن راح تلاحض وجودهم والخليجيين أيضا
بالنسبه للاجواء حاره صيفا بارده شتاء يعني طبيعي وفيها مباني حلوهـ وشاطيهم روعـه
وكل شي حلو لاتخاف ازهل ازهل

مشكورين أخواني على التعقيب
أختي : سلين ( السفيرة ) >>>> ما قصرتي

أخي : المهاجر >>>>>>>>> أشكرك على صراحتك

أخي : رفيلينوو>>>>>>> بيض الله وجهك

تقبلو تحياتي : مهنـــد المـــريخي

الشاب اللطيف الي يقول شاطيهم روعه ...كولورادو مهيب على على بحر

وجولدن ما ابي احطمك بس ممله وتجيب ضيقه الصدر..مافيها الا السيفوي

من ناحيه السعوديين فهم واجد مره..دنفر حليله وفيها داون تاون حلو بس المدينه كئيبه

الطب في امريكا لازم تاخذ قبله بكالوريوس في تخصص قريب منه مثل تمريض او احياء وبعدها تدرس طب.

تحياتي

سؤالك الأول ما ادري عنه
السؤال الثاني أول مره أسمع في جامعه ترغمك في سكن الجامعه !!

من ناحية الشعب مرره فرندلي وطيبيييين حيل أنا رحت لها ذي العطله علييييها جو أليييم مره حلو في الصييف بس الله يعييينك على الشتاء حقهم والمديينه من ناحية مملله ولا لا أنت تحكم ووش الي تحبه
من ناحية طبييعه بتستااانس رحلااات و صييد سمك وحركاات.<< أستاانس على الرحلااات


من ناحية السعوديين فهم واجديين مره

متى صار في كالورادو شااااااااااااطئ لا وبعد ازهل ازهل هههههههه

سلام عليكم.. حياك اخوي مهند وابشر راح اخبرك بكل شي اعرفه عن دنفر وماراح اجحد عليك شي

دنفر ياعزيزي تعتبر عاصمة ولاية كولورادو وهي من المدن الكبيرة والضخمه جدا وهي مدينه حلوه وفيها كل شي يوسع الصدر ,, والمسلمين فيها عددهم كثير والمدينه فيها مسجدين ضخمين ( مسجد ابو بكر ومسجد النور) واهل المدينه طيبين الا انهم فيهم طابع اهل المدن واقرب تشبيه للمدينه من ناحية الحجم هو مدينة الرياض الا انها اصغر بكثير من الرياض بس جوها 380 درجه يختلف عن الرياض وماعليك من اللي قالك ان فيها شاطي وحاره في الصيف وبارده في الشتاء!!!!!!! - اذا كنت منت فاهم لاتكتب شي ياخي- عموما جوها روووعه في الصيف وخصوصا اذا كنت راعي طلعات للبر بس عاد برهم مو مثل برنا .. هناك عندك جبال الروكي اللي تعتبر من اجمل الجبال في قارة امريكا الشمالية وفيها مدينتي فيل واسبين اللي تبعد عن دنفر حوالي 2 ونص وفيها قصر للامير بندر بن سلطان وتعتبر من المدن القليله اللي يحب يزورها الاوروبين خصوصا في فصل الشتاء لتميز المنطقة في التزلج على الجليد.. واما في الشتاء فالله لايوريك بردهم برد والسنو او الثلج مايوقف خصوصا في شهري ديسمبر ويناير .. واما من ناحية عدد السعوديين ففيها عدد طيب من السعوديين لكن المدينه كبييرة والسعودديين فيها ماتحس فيهم ابد واذا رحت لمريكا تبي تبدا تدور السعوديين لانك فتره وتمل من الامريكان ومايجمد على الشنب غير ابن بلدك .. الولايه عموما تعتبر من الولايات المتوسطه في الغلاء ودنفر تعتبر الاغلاء بين مدن كولورادو لكن تقدر تحصل على سكن رخيص يتراوح بين 400-600 دولار بالكثير ..

واي استفسار احنا جاهزين وبالتوفيق ...