بورتلاند (أوريغون) أو دنفر (كولورادو)

ما اعرف عن كولورادو بس اقدر افتيك في بورتلاند اوريقون انا عايش فيها من ٩ اشهر تقريبا المدينه جميله والولايه كلها خضراء وشلالات وجمال مو طبيعي ومافيها ثلج في الشتاء كثير. الامان عالي الحمد لله والمعيشه رخيصه بس الايجارات غاليه انا اسكن بمنطقة تايقرد غرفتين وحمامين ١٤٥٠$
ما اعرف شي عن المعاهد بس خذها نصيحه دائما خذ المعهد اللي يعطيك قبول مشروط يريحك جدا من وجع راس التوفل والايلتس والله اعلم
وان شاء الله يفيدوك في كولورادو

شكرا جزيلا لك .. ننتظر أهل دنفر ولو هناك من عاش في الثنتين بحيث يعطينا المقارنة أفضل

انا سكنت في بورتلاند سنه ونص وحاليا رايحه كولورادو ان شاءالله ادرس ماستر. احس الولايتين متشابهين جدا من عدة نواحي الطبيعة والمواصلات والاسعار . ولاحظت اسعار السكن تقريبا نفسها. بورتلاند طبعا انصح فيها العيشه فيها مريحه نفسيا وولاية هاديه وامان ان شاءالله. لكن كولورادو لسه ماعشت فيها.

السلام عليكم ورحمة الله وبركاته

الموضوع قديم ولكن عندي استفسارات بخصوص ولاية كلورادوا

بنتي انقبلت في بعثتك وظيفتك وتخصصها موجود بجامعة بولاية كلورادوا

السوال الان ابي اعرف رنج الاسعار هناك تقريبا كم بالشهر لغرفتين وصالة

السوال الثاني اذا اخذت معاي اخوانها ثاني ابتدائي واول ثانوي

كيف الية تسجيلهم بالمدراس وقبولهم هناك وهل عليها رسوم ورايكم بالدراسه هناك لهم

السوال الثالث اذا حبيت ادرس لغة وماستر على حسابي الخاص هل فيه مجال للالتحاق بالبعثة اذا استوفيت الشروط والعمر 40 ام هناك شروط للالتحاق من بينها تحديد العمر

واسعار دراسة اللغة والماستر هناك هل معقولة

ودمتم بخير