university of washington-seattle-هل من رفيق-

اخ سعد لو تزودنا بايميك على الخاص لو تتكرم بس قبل ماتكتبة @ خلي مسافة علشان لا يحذف بارك الله فيك

وشي ثاني تقول ان عدد السعديين 200 وين تجمعهم الله يبارك فيك باي معهد للغة او باي جامعة خبرنا الله يجزاك خير مهم هذة المعلومه عندي وشكرا لك مقدما

تحياتي للجميع

أهين سعد حياك الله

الله يعطيك العافيه شوف
إيميلك أكتبه مرره ثانيه وبدل@ أكتب # عشان ما يحذفه الموقع تلقائيا

وبإذن الله نشوفك على خير

بس وش رايك في السكن مع عائله تنصح فيه ..والله انا أفكر كذا لأني ماستر هندسه..وتعرف محتاج GRE و TOEFL وأتمنى وجودي مع عائله يفيدني أكثر والله اعلم

الله يعطيك العافيه

تحياتي لك

سلام

الميموني هالحين انت رايح على اي جامعه هل هي هذه او غيرها

أسف للتأخير في الرد

أنا ساكن ياخوي في منطقة اسمها النورث غيت
لاهي قريبه من اليوداب ولاسياتل بسفيك بس المنطقه هادية وكويسه للعوائل
اخترتها لانها قريبه من المستشفى والحضانه لأبني
وانا عندي سيارة فمافي مشكله عندي

بنسبة للسكن ياخوي والله ماعندي خلفيه تامة عن العوائل وكيف دور لكن في موقع يساعدك وبحاول اجيب لك ارقام لفونات

انصحك بسكن قرب الجامعه علشان ماتتعب مع الباصات والتنقلات


وكلم النادي السعودي بساعدك انشالله

عدد الطلاب الذين يدرسون بمعهد اليوداب تقريبا 50 طالب وطالبه
ومعهد ال ELS تقريا 10
ومعها الكليات تقريبا هم 4 كليات في سياتل 20 طالب
ومعهد جامعة سياتل فسيفك 7 طلاب
معهد كابلن تقريب 3 طلاب

وأجتماع النادي السعودي في جامعة سياتل

واذا وصلت الملحقيه انشالله بتقابل المرفه غاده عقال
وقولها ياليت تساعدين اذا تعرفين ارقام طلاب سعودين او احد يقدر يستقبلني بالمطار وهي بتساعدك

ولاتتردد بسؤال عن اي ي تبيه سواء مني او غيري

واذا الوقت الي بتجي فيه مناسب ليه اقدر اجيك للمطار اخذك

ولي اقدر عليه تحت امرك

فديتك الله يوفق وانا خوك ... ويبيض وجهك .. ما تقصر

وربنا يسهلها ...ألحين اللي مشغل بالي السكن لكن بإذن الله تنحل وعلى الله

طبعا أنا الآن اخطط اسكن يوم يومين في فندق رخيص أو شقق اجار يومي يكون احسن ..حتى أحصل سكن دائم...

والله يكون في العون

طبعا عشان كذا راح أجي قبل بداية الدراسه بـ 3 أيام أكون فيها أبحث عن سكن

وتبغى الصراحه يا خي راسلت موقع لقيته في موقع سعودي سياتل وكل يوم يرسل لي عائله تطلب واحد يسكن بس يا خي ماني عارف كيف أثق فيهم..وأنا ما شفتهم ولا أعرفهم وخايف لو حجزت عندهم يقولو انت حجزت عندنا من زمان ثم الآن غيرت رائيك ثم يأخذو رسوم

وعلى الله تتسهل

لكن بإذن الله ما دام اللي قبلي وصلوا وتسهلت أمورهم تتسهل أموري

وفق الله الجميع

تحياتي لكم

سلام

الله يعين ..انا رايح إلى معهد هذي الجامعه إلى الآن قبول معهد منها فقط

سلام

الله يوفقك وسبب سؤالي شفت في موضوعي معلق عليه وقلت هذا انشاءالله معنا والمقصد كله هو توفيقك وفقكم الله ودربكم اخضر

انت تقدر تتفق معاهم ابجلس عندكم اول شهر واذا اوكيه راح استمر واذا لا ابغير
بس اهم شي تعرف حاجات الولى كم تبعد عن اليوداب الثانيه اسكن في غرفه لحالي والثالثه المبلغ الشهري قيمة الايجار وايش بعد مثل وجبتين في اليوم ثلاث , انترنت , الوقت مثلا هل تقيدوني بوقت ولا لا
وانا انصحك انك تلقي سكن لو مؤقت قبل ماتجي واذا في عائله واقت على هذا الشي فتوكل على الله
وشهر ناسبك كمل ماناسبك عندك شهر تدور
لأن وانا خوك الي بتفعهفي 3 ايام في الفندق واكل بره ومواصلات علان تدور فوق 500 دولار بكلفك

فلأفضل تسكن مع عائله شهر و ب750 دولار او اقل ممتاز اعتقد
بس لايزيد عن كذا بعض الشباب ساكنين ب600 دولار

وانا تحت امرك اذا الوقت يسمح اخذك من المطار

بس علان تكون في الصوره فرق التوقيت 10 ساعة بين سياتل والسعودية
وبين سياتل وواشنطن دي سي 3 ساعات

ولا تشيل هم وانشالله بتزين اامور

تقبل تحياتي

الله يجزاك خير اخوي عبد الله

ويعطيك العافيه..

بإذن الله لي رجعه في الموضوع إذا حصلت سكن

تحياتي لك ..

سلام