university of washington-seattle-هل من رفيق-

لي رجعة بالموضوع ولكن انا بعدك بسبتمبر بداية الدراسة تحياتي

استفسارشنو معهد اليوداب ؟؟

يا هلا بك ومسهلا بسياتل

يا أخي العزيز جامعة واشنطن وعهد اليوداب من أقوى الجامعات والمعاهد في امريكا وبالنسبه للولاية فهي الاولى
اولا الجامعه حكومية وبها اكثر من 35 ألف طالب
معهد اليوداب ممتاز جدا لتعلم اللغة ونظامه كل مرحلة 10 اسابيع تدرس 4 ساعات في اليوم
من من الواحده والنصف الى الخامسة والنصف مساء
تدرس قواعد وقراءة وكتابة وأستماع وتحدث
المدرسين على كفاءه عالية جدا
تقع الجامعه في قلب سياتل وتسمى الدسترك
بنسبة للسكن أنشالله امورك سهالات لكن لو تبلغ النادي السعودي بسياتل عن موعد وصولك ممكن يساعدك
ولو أردت ان تبحث عن سكن ممكن موقع الغريغ لست يساعدك
لكن المدينة ممتازه جدا لكن غالية والجو بارد بس رائع وبها اماكن سياحية حلوه
توكل على الله وانشالله نشوفك على خير
واتمنى ان تتلتقي بأحد في الطيار تتعرف عليه
ولي اقدر عليه ابقدم لك ايها
وأي أستسار اقدر اجوابك عليه ما راح اتتردد
تحياتي لك
وبتوفيق

http://www.saudiseattle.net/

هذا موقع النادي السعودي بسياتل

أخوي عبد الله

فديتك..الله يجزاك كل خير ..تصدق موضوعي من اسبوع

قلت شكلوا بس أنا هناك

الله يعطيك العافيه على الرابط..ترى ما كنت أعرفه

راح أجيكم بإذن الله ونكون يد واحده

الله ييسر للجميع حلهم وترحالهم

تحياتي لك

أخوك : أحمد الميموني
الرياض

أخوي فري

معليش إني ما رديت عليك..لأن كل اللي أعرفه إن معهد اليوداب هوا معهد الجامعه

فما كان عندي خلفيه

سلام

بس علشان تكون في صورةمعهد اليوداب لاكفيك لدخول الجامعهيطلبون اتوفل ايضا

ولاتشيل هم في سعودين كثير فيهم الخير والبركه ومعهد اليودا تابع لجامعة واشنطن وتدرس في نفس الكامبس
وانشالله لنا لقاء

وأي سؤال تحت امرك

بس للعلم انا ما ادرس في اليوداب أنا أدرس في معهد جامعة سياتل بسفيك
وزوجتي تدرس في معهد اليوداب
وهذا الموقع عن سياتل اذا تحب تتفرج
http://www.city-data.com/city/Seattle-Washington.html

الله يعطيك العافيه أخوي عبدالله

والله ما قصرت

بس تصدق وش اللي شايل همه ....السكن؟؟؟؟؟؟

يا اخي مدري كيف أسوي

في البدايه..أفكر يوم ..يومين في فندق..بعدين لازم أشوف لي حل تتوقع فيه شباب أجلس معهم يومين حتى ألقى عائله جيده..لأنه لازم أول 6 أشهر أسكن مع عائله عشان اللغه؟؟

لأنه والله ودنا نستفيد من فلوسنا في شيء أهم موب فنادق

إذا عندك أرقام شباب طيبين ويعني عاقلين..يا ليت تستأذن منهم وتعطيني أرقامهم

أما المواقع الي تأجر شقق وغيرها ياخي ما أثق فيهم وخايف أتوهق في الأجار والشروط ويطلع السكن تعبان وبعيد ومحشور في مكان تعبان

ــــــــــــ

بس لحضه..جامعة واشنطن وجامعة سياتل متقاربين يعني..يوم تقول أنت في سياتل وزوجتك في واشنطن

لأنه لقيت سكن في المنطقه اللي بينهم بس أشوفها من قوقل أيرث أحسها بعيده..ثم أطنشها وما أستاجر؟؟

الله يعين

الله يوفقك ..وييسر على لجميع أمورهم

تحياتي...

سلام

^
^

لا تخاف ، إن شاء الله بتتيسر أمورك ، أنا جلست في الفندق يمكن 4 أيام و يمكن أمدد يوم ، و الحمد لله لقيت شباب عراقيين و صوماليين و بعض السعودين ، و ما شاء الله قاموا بالواجب و أكثر ، بس أهم شيء إنه يكون فيه خطة و إيش ناوي تسوي ، يعني لا تخلي الأمور خبط عشواء ، و مع الخيل يا شقراء .

بالتوفيق لك ،،

هلا اخوي الميموني
معك اخوك سعد العنزي طالب في سياتل
لا تشيل هم شي وانا اخوك
انا مثلك اول ما جاني فبول في سياتل زعلت وتضايقت
لكن لما شفت المدينة والشباب السعوديين الموجودين هنا
غيرت رايي
المدينة حلوة
صح غالية والمكافاة يااااااااااادوب تكفي
لكن هي فترة بسيطة تاخذ شهادتك وترجع لاهلك رافع راسك
لا تخلي هالاشياء تؤثر عليك من الحين
عموما بعطيك ايميلي واي شي تبيه احنا هنا برسم الخدمة
(تم حذف الإيميل لأن عرضه مخالف لشروط المنتدى)
لاتتردد لا انت ولا الاخوان الجايين لسياتل بالمراسلة
عدد السعوديين في سياتل تقريبا 200
يعني الامور زينه