ملابس شتوية

انا عانيت من هادا الشي قبل, خد/خدي الملابس من هنا افضل وارخص واريح بكتير,
محا تلاقي ملابس شتوية كتيرة في جدة, بلوزة هنا و شرت هناك, انصحك بالبلد, كل الي تحتاجه باسعار جيدة

مو أنا فكرت كدا انشاءالله حأخد معايا من هنا بس حأحاول اني مااخد كتير عشان الملابس الشتويه تاخد مساحة ووزن في الشنط يعني قلت كم بلوفر وجاكت واحد او اثنين .. واعتقد كدا كفايه بالراحه
إلا صح على فكره أحد يعرف الخطوط الدوليه والمحليه الامريكيه تسمح بكم شنطة لكل شخص وكم وزنها ؟ أنا سمعت انه الشنطه ماتزيد عن 25 كيلو وفي ناس بيقولولي انتي تقدري تاخدي لوحدك شنطتين وفي غيرهم بيقولو لا انت والمرافق شنطتين ... ياريت اذا تعرفو تقولولي واذا كان في زياده في الوزن كم حأدفع .. عشان اعمل حسابي


وبالنسبة للي مااشترو لسا جاكتات في محل اسمه الحريبي في فرع في البلد في جده طبعا في شارع الملك عبدالعزيز و اذا ماكنت غلطانه وفي فرع تاني في سوق النجار بضاعته حلوه واسعاره مناسبة على فكره عندو بوالط حلوه ولبس للمحجبات ترا باعمل دعايه وانا لسا مااشتريت من عندو لا تخلصولي البضاعه

وتسلمو كلكم على المرور باااااااااي

هلا وغلا أختي جنجون بالنسبة للوزن أنا حجزت وأخذت التذاكر ومكتوب في التذكرة أنه مسموح 20 كيلو للشخص أعملي حسابك من اللحين وبالتوفيق أن شاء الله وبعدين ما تخافي أحنا رايحين نجرب قبلك يعني أحنا رايحين ناكلها قبلك خخخخخخخ ^_^

الله يحييك اختJANJOOON في ولاية يوتا
بحكم اني من سكان يوتا انصحك انك تجيبين معاكي ملابس شتويه لانك بتجين في شهر ديسمبر وراح يكون برد طبعا وثلوج

بالمناسبه انتي قبولك باي جامعه ؟

أهلين أخ ابراهيم فعلا الله يعطيك ألف عافيه ومن جدد أنا مره فرحت إنه في أحد موجود فعليا بولاية يوتا لأني لاحظت المبتعثين للولاية معدودين
على العموم إن شاءالله حأوصل على ديسمبر في مدينة لوغن في جامعة ولاية يوتا
utah state university
والمعهد intensive english language institute
وانت في اي جامعه واي مدينه؟؟
ومن متى ماشاءالله وصلت ؟ خلصت لغة ولا لسا ؟؟ كيف وضعهم معاكم في سعوديين كتير ولا لأ؟؟ ياريت تطمني عن المدينه والولاية بشكل عام وعن كلللل شي تقدر عليه

ويعطيك الف عافيه

هلا بيكم بالصراحة أنا لازم أدخل معكم,,,,

هلا بكل الي شاركوا وهلا بإبراهيم اليامي وأختنا العزيزة janjooon

أنا طبعاً راح أكون في يوتاه في شهر أكتوبر والحمد الله كل شيء جاهز بس مسئلت الوزن وعدد الشنط هذا الشي أتمنى الشباب يفيدونا به ويوضحوا لنا المسئلة أكثر,,,

وشكراً لك على هذا الموضوع,,,

طيب كويس قبلي يعني عشان تحكينا عن الوضع والله يسهلك أمرك ان شاءالله وييسره ويسرلنا كلنا
ياااااااارب
يللا روح شوف الوضع هناك وحكيني مو تسافر وتنسى المبتعثين هنا

تامرين أمر بس خليني أستقر وماراح أنسى اللي فادوني واللي يتنظرون الإستفادة,,,

على كل حال الجو الى الوقت هذا لسه ماجاء برد قوي لكن متوقع الثلج ينزل في المدينه 5 ديسمبر بس بشكل عام الجوا بارد جددا