كولورادو vs اوريجون !

ابشر بعزك بالجواب .. لاني انا بدنفر وعندي صديقي (صديق الروح) يدرس باوريجون يوجين بس طبعا احنا ما ندرس ماستر تونا متخرجين ثنوي وجايين على حسابناوتونا ندرس لغه بس سبحن الله كل واحد راح لولايه..
الزبده من ناحية الامان دنفر الامان فيها اكثروتشوف الهيلوكبترات رايحه جايه بالنسبه للجو اوريجون افضل بكثير بس الامطار واجده باوريقون .. ومن ناحية المعيشه دنفر اغلى من اوريجون لان دنفر ياخذون ضرايب واوريجون ما ياخذون ضرايب.. بالنسبه للجامعات دنفر جامعاتها اقوى من اوريقون .. والمعامله من الشعب اتوقع نفس الشي.. لاكن بعض الامريكان هنا صارو يعرفون شوية عربي من كثر العرب .. والسعوديين كثير بدنفر وطبعا يوجين فيها سعوديين واجد بس مو اكثر من دنفر ..
اي اسئله ثانيه احنا حاضرين !

ممكن تعلمني عن اسعار السكن غرفتين وصالة ومطبخ انا وزوجتي ووالدي وممكن نعرف الجامعة لازم توفل ولا تكتفي اذا خلصت المعهد وعندي بعد اسئلة بس هاذا بدايتن عشان ما نكلف عليك

أخوي بالنسبه للأسعار تختلف على حسب السكن تبدأ من 700 دولار بالشهر وبتلاقي بـ 900 وتلاقي بـ 1200 دولار..
عندك جامعات ممتازه وتقبل بدون توفل يعني توصل المستوى السادس بالانقليزي بالمعهد حق اللغه وتخش الجامعه مثللا عندك جامعه
university of colorado denver وهذا موقعهم بالنت :

www.cudenver.edu

وهذي الجامعه ياطويل العمر عندهم معهد ممتاز اسمه
spring international

وهذا موقعهم بالنت www.spring-usa.com

ومثل ما قلت فوق مجرد ما تخش هالمعهد وتوصل المستوى السادس عندهم تخش الجامعه
.
.
وفيه جامعه ثانيه قويه جدا ومعروفه وارامكو تعترف فيها وتبتعث كثير لها .. بس هي تقع في مدينه اسمها قولدن تبعد عن الداون تاون ثلث ساعه بالسياره وهي منطقه هادئه جدا وفيها كل شي اسواق كوفيات مجمع مطاعم سوبرماركات

الجامعه اسمها
Colorado School of Mines

وهذا موقعهم بالنت
www.mines.edu

وعندهم معهد خاص فيهم توصل المستوى السادس تخش الجامعه


بالنسبه للتخصصات ما عندي اي خلفيه اللهم ان الجامعه الاوله قويه بالبزنس والشغلات هذي .. والثانيه قويه بالهندسه والجيولوجيا

وتقدر ياخوي تدور التخصصات اللي تبيها من خلال موقع الجامعه

هذا اللي اعرفه بالتوفيق ياخوي

سعوودي رافع الراية

الله يعطيك العافية ويجزاك خير على مجهودك الواضح في القسم :قلب:
وعندي بعد إذنك سؤال أخير ،،

ايش تشوف افضل ، السكن في الجامعة ولا السكن خارج الجامعة ؟!

وبالنسبة لي خيار السكن مع العائلة ابداً ماهو في بالي

ويا ليت يالغالي لو توضح لنا اسعار السكن بشكل أكثر تفصيل ،
أو تحط أي موقع تشوفه ممكن يساعدنا ..

والله يجزاك خير

اخوي احمد
عندي استفسار
انت تقصد جامعة كولورادو ات دينفر
او جامعة دينفر
؟؟؟؟

لاني قاعد اخاطبهم ويمكن افيدك

دنفر جميله لكن بولدر احلى منها يسكن فيها اغلب اغنياء امريكا

بالتوفيق ان شاء الله

والله ان كولورادو حلوة ومفكر فيها كثير

ياليت تتكلمون اكثر عن يوجين اود معرفة المزيد عنها
مشكور احمد على الموضوع