من عندهـ إستفسار عن سياتل فليتفضل!

هلابك وحياك الساعة المباركة
انا والله مرة كنت في منطقة عندنا اسمها وايت روك عندنا وشفت سياتل من بعيد
مرة قريبن من بعض

احنا عندنا اجازة الكريسمس بعد فترة ماادري عن الفلنتاين صراحة

بس فانكوفر حيغثك فيها الشرق اسيوين من كثرهم ,, ان شالله مو سياتل زيها !!

السلام عليكم ورحمة الله وبركاته
اخبارك اخوي
اخوي انا ان شاء الله في 4 يناير راح اوصل لسياتل راح ادرس بمعهد كابلن انا راح اجي على حساب الوالد وفي هذه الفتره دريت اني ماراح اقدر التحق بالبعثه الا بقبول مشروط من الجامعه فمادري اقدر اخذ قبول مشروط من اي جامعه في سياتل عشان بس التحق بالبعثه ياليت ترد لي بسرعه لان المشكله دراستي راح تكون 9 شهور بمعهد كابلن والكثيريقول لي مانتوقع تاخذ التوفل بسبب اني واحد ميح باللغه فماادري شنو الحل

تحياتي

هلا بو ياسر

أولا إذا كنت ماستر فممكن قبول لغه يكفيك بس يكون قبول لغه في جامعه ...وسهل تحصل عليه مافيه شروط

انا ما أدري ليش جيت على كابلان ليش ما جبت قبول لغه من جامعات ...يعني هل أرخص أو أيش؟

ثانيا القبول المشروط تقدر تجيبه من أي جامعه في أمريكا حتى ولو كنت تدرس لغه بسياتل ما يفرق

الملحقيه ما تركز على قبول الجامعه واللغه يكونوا من نفس الولايه

جامعة سياتل فيه واحد من الشباب عنده قبول مشروط فيها بكلوريوس لكن جامعة سياتل لو كنت تدرس اللغه فيها إحتمال كبير جدا تعطيك قبول مشروط قبل الـ 9 شهور لأن فيها برنامج توفل خاص وهوا أسهل من التوفل العام وكثير يجتازوه ولو درست لغه فيها تستمر فيها لين تجتاز توفلهم وتدخل الجامعه

فيه سياتل بيسفك ممكن تعطيك قبول مشروط حتى تقدم فيه على الملحقيه وبعدين إذا تبي تحول لغيرها حول لأنها ترتيبها الثالث بعد جامعة واشنطن وجامعة سياتل

وعلى العموم معهد كابلان فيه برنامج إعداد التوفل مدفوع من الملحقيه لكن ما تقدر تدرس فيه إلا إذا أجتزت درجه معينه في إختبارهم ...إختبار التوفل سيموليشن ويمكن تجتازه بعد الشهر الثالث من دراستك اللغه

وبالتوفيق

السلام عليكم ,,,

شكرا اخوي على الموضوع انا راسلت جامعة سياتل وقالولي انهم ماعندهم معهد خاص بيهم بس عندهم معهد ELS وهم يرسلوا طلابهم عليه,,,,

في حالت اني جبت قبول في ELS وانيهت فتره الإنجليزي هل من السهل التحويل على الجامعة خصوصا اذافرضنا اني رجعت السعودية بعد الإلتحاق في الجامعة ((اجازة )) واريد العودة للجامعة مره اخرى

وشكرا لك على موضوعك المميز

أخوك / محمد

طيب كيف المدينة من ناحية الأمان ومعدل الجرائم ؟؟


وقبول البزنس في جامعة سياتل سهل ؟ والا يتطلب جيمات ومعدل عالي ؟!


وهل الجامعه فيها سكن للعوائل تابع لها ؟

والله يوفقك ويجزاك خير على مساعدتك لاخوانك

أهلين محمد

معهد ELS في نفس جامعة سياتل وسواء درست فيه أو في غيره إذا أجتزت إختبار توفل جامعة سياتل تنقبل فيها

وتوفلهم سهل مش مثل التوفل العام

بالنسبه للعوده السعوديه يعتمد على بداية دراستك فيها إذا اجتزت توفلهم وكان قبولك في الجامعه متاخر تقدر ترجع السعوديه لين تبدأ دراستك...بس طبعا لازم من الآي توني الخاص فيهم عشان الإقامه والدخول والخروج من امريكا
لأن قبولك من ELS له اي توني خاص بـ ELS ومالوا علاقه بالجامعه

اما لو تقصد العوده بعد بداية الدراسه في الجامعه فتقدر في الصيف لا تنزل مواد وإرجع مثلك مثل أي طالب يدرس بالجامعه

بس المفروض الآن تطلب منهم قبول مشروط بإجتياز التوفل ممكن يعطوك

وبالتوفيق

اسئلتك صعبه ههههه لأني ما أدرس بجامعة سياتل بس راح أحاول أجاوب باللي أقدر

المدينه آآآمنه بالمره ونسبة السود فيها قليييل جدا أما الأجانب أغلبهم من آسيا اليابان وكوريا والصين ...يعني أمان وهي مش مدينه وبس لا منطقه واسعه المدينه وغير المدينه ...والمدينه نفسها ما أحد يسكن فيها لأنها كلها أسواق ومباني شركات وما شابه يعني كل الناس حتى السكان الأصليين ساكنين خارج المدينه

يوجد هوم لس في قلب الداون تاون بس معروف أماكنهم وما يتعرضوا لأحد وما قد سمعت عن أحد من الشباب تعرض لموقف صعب سواء في المدينه أو ما حولها .... لكن مهما كان لايمكن يكون الأمان مثل السعوديه يعني في الليل في السعوديه الأمان أكثر من أمريكا بصفه عامه.لأن الأمان أيمان القلوب...وهنا ما عندهم إيمان...

البزنس في جامعة سياتل هوا تخصصها ...يعني متميزه فيه ...تطلب جيمات 575 في إدارة الأعمال MBA وطبعا الجيمات لمرحلة الماجستير والدكتوراه فقط والـ MBA غالبا يطلب خبره

أما السكن ما أعرف أحد ساكن في سكن جامعة سياتل كل الشباب مستأجرين حول الجامعه وهذا أفضل من سكن الجامعه فيما أضن لأن خدمة الباصات تغني عن السكن في الجامعه ...حيث الجامعه تعطيك بطاقه تدفع عليها رسوم بسيطه وتركب فيها الباصات ...إذا ما عندك سياره..وأغلب الشباب ما يفكروا يشتروا سياره إلا بعد 8-10 شهور من وجودهم هنا

وهذا رابط السكن ممكن تتأكد بنفسك أحسن

http://www.seattleu.edu/student/housing/

وبالتوفيق

السلام عليكم
الاخ الميموني تحيه طيبه لك ولجميع الاخوه اعضاء المنتدى
اخوي بصراحه انت فتحت قدامي نافذه صرت من خلالها اطالع سياتل , بصراحه كنت مشتاق اجي لسياتل والحين زاد شوقي اكثر بعد الصور الروعه الي ارفقتها بالموضوع الله يوفقك ان شاء الله ويستر عليك
اخوي انا ناوي انشاء الله ادرس ماستر شبكات حاسب وعندي قبول لغه من معهد جامعة واشنطن بس بصراحه ماحصلت قبول ماستر لحد الان وابي اجيب قبول بأسرع وقت على شان اقدر اسوي الحاق ببرنامج الابتعاث وسمعت ان جامعة واشنطن صعب القبول فيها مرررره المهم انا ابي اسأل هل ممكن اجيب قبول مشروط من جامعة سياتل او سياتل بيسيفك مع العلم اني ابي ادرس لغه بمعهد واشنطن
بالنسبه للبكالوريوس الي معي تخصص علوم حاسب ومعدل 2.7من4
وبانتظار ردك

شكرا اخي الميموني على سرعة الرد...

وسؤال اخير

انت قلت انه لازم اي تونتني جديد ( خاص بالجامعة )) هل لو رجعت السعودية يحتاج فيزا جديده (خصوصا انه الفيزا مكتوب عليها معهد ELS ))

وشكرا مره اخرى

اخوك - محمد

حياك الله أخوي

ترى الصور منتقاه شوي...محسوبك حريف تصوير


تقدر تجيب قبول من أي جامعه في امريكا معترف فيها من الوزاره مش شرط يكون قبول اللغه والجامعه من نفس الولايه وترسل قبول اللغه من جامعة واشنطن وقبول الجامعه من أي مكان ترسلهم للملحقيه

جامعة سياتل بصراحه تطلب معدل3 بس ما يمنع تحاول وهذا الرابط بي دي إف

http://www.seattleu.edu/scieng/comsci/MSE/GRBBulletin08-09_CollegeofS&E.pdf

تعال إدرس انقلش وإشتغل على قبول الجامعه وبرضه إبحث من الآن عن قبول مشروط

وربنا يوفقك والجميع