مهم !! Colorado State University

السلام عليكم ورحمة الله وبركاته
شباب ابي فزعتكم بس هاه كل شي بأجره يا جماعه يعني الي بيفيدني اجره عند الله والي بيقرا ويمشي بعد اجره عند الله بس مو مثل الي فادني لأن الي فادني وصّلي معلومه وراح يشكر عليها وراح يلقى الدعاء ألي ( محصلش ) على قولة اخوانا المصرين ، بس ألي ما فادني وسّير ومشى يكفينا منه بس لو يرفع الموضوع وبعد له الأجر ..........
# ياخوك تراك طولته وهي قصيره ، انجز علينا بس ولا يكثر ( هذا واحد من الاعضاء)، عاد انا اقول ( سم انشاء الله بس اهم شي الأخلاق)...
والله أنلحسنا يا جماعه بدينا نسولف على انفسنا
بلاكم ما تدرون ليش انهبلت تصدقون أني من المرحله الأولى وانا ابي انضم للبعثه وما قدرت وتجيك المرحله الثانيه ويقولون بس طلاب الثانويه وتجيك المرحله الثالثه ويفتحون الباب للطلاب الدبلوم !! وأقدم والله وندخل بياناتنا بالكمبيوتر وبعد شهر نتحرى الأخبار وطلعت مثل قلته
لاحول ولاقوه
( والعمر يمشي)
ويوم جت المرحله الرابعه وياليتها ما جت كانت الصدمه التي قصمت رأس البعير( صح المثل ؟؟)
بس لا أنسى ابارك لأخواني الي انقبلو واقولهم عسى الله يوفقهم( فاصل ونواصل!! )
جينا نقدم على النت وقالولنا لا نشوف وجهك قلت ليش وش دعوه وش الي صار !!!!!!!
قالو نبغى معدل 4.5من 5 وخريجين اخر خمس سنوات ...
يعني بالعربي (( سّرررررررررررها ولا يكثر ))
وبديت والله يا جماعه اهذري على روحي كله من هالبعثه لين قلت مالي الى اني اروح على حسابي وانضم للبعثه من هناك ؟؟؟
( طولت عليكم ؟؟؟ تحملوني بس )( أنا أنسان فاضي ترى،ماوراي شي )
والله واقدم على جامعة Colorado State University ويجيني قبول معهد منها !!
وعينك ما تشوف النوم قعدت مواصل بس والله مدري وش عليه كنت مواصل !!!!
يمكن من الفرحه !! يمكن حسيت روحي اني خلاص بكمل وروح ادرس !!!
وعلى قولت القايل أبو دفرنس ( تطلع من حفره وتطب بدحديره )
طلعتلي مشكله ثانيه وقلت الله يخارجنا بس ،، وطلع لازم قبول جامعه عشان البعثه تضمك
وقلت بنفسي ،،،،،، مالي الى أراسلهم على الإيميل واشوف وش عندهم من تخصصات !!
وأجيك وأرسل الإيميل الأول ،، ولا أحد جاب خبري؟؟
وقلت مالي ألى ارسل ايميل ثاني ،،وبرضه سيفوووووووون محد حولك ؟؟
وطلعو الشباب اخويانا بالكرزمس معيدين ( أيواااه وش الدبره الحين ؟؟ )
وش اسوي وش اسوي وبديت أرجع مثل ما كنت أسولف على نفسي وبديت انلحس شوي شوي؟؟
والمشكله ان موعدي عند السفاره باقي عليه 20يوم من هالتاريخ !!
واخاف اروح واطلع فيزا وأروح هناك وأخر شي يقولون لي والله ما نقبلك ؟؟؟(قصدي الجامعه)
وعاد من جد هذيك عاد تبي تصير الضربه القاضيه ( وعادي لو تلقوني هناك أبيع بّكل وشراب )
طولت عليكم يا جماعه بس والله العظيم من حر ما فيني ،،،،،،
ياشباب ألي بغيته انا منكم يا جعلي ما بتسيكم الجامعه ذي الي قلته انا هل فيها تخصص الكترونيات وهل هم يعادلون لي شهاده الكلية التقنيه؟؟
تكفون يالي تدرسون فيها أسألو عن ألي قلته !!!!
انا يوم دخلت موقعهم لقيت فيها قسم كهرباء وقسم كمبيوتر !! بس هل فيهم تخصص الكترونيات ؟؟
واهم شي هل يعادلون لي موادي حقات الدبلوم
( عدت الكلام عليكم صح ؟؟؟ ) والله من اللحسه

ملاحظه :-
سؤال المسابقة ،،،،،،،،،،،،،،،

كم مره يا شباب قلت كلمه ( للحسه ) ، وما معنى هذه الكلمة ؟؟؟؟



شكلي أخر مالها برسل I20 للمستشفى شهار وأكمل دراستي هناك وعساهم بعد يضموني ؟؟