تجمــــــــــع مبتعثين ومبتعثــات دنفـــر

السلام عليكم ورحمة الله وبركاته
انا زوجة مبتعث الى دنفر ولنا قرابة الاسبوع فيها ومحجبة ولله الحمد ولم ارى محجبات اود ان اسال هل يوجد مبتعثات محجبات لاني اود الدراسة ولكني خائفة قليلا اريد ممن جربت ان تفيدني ولكم مني جزيل الشكر
علما بان حجابي بلثام

تسامق.. اي والله .. الله يسهلها..
.................................

أم رنودي ..

وعليكم السلام ورحمة الله وبركاته..

أول شي الحمد لله على سلامتك أختي.. والله يوفقكم في دراستكم وإقامتكم في دنفر..

فهمت أنك متخوفة من كونك محجبة.. وأحب أقول لك إن الحجاب أمره عادي جداً، لدرجة إن إحدى جامعات دنفر وفي موقعها الإلكتروني المخصص للطلاب الانترناشونال حاطة صور محجبات وهذا دليل على أنه ما عندك أي مشكل أختي

وكون حجابك بلثام، فأبشرك إنه في بنات في أمريكا قاعدين بالعباية السوداء والنقاب، صحيح بيواجهون نظرات استغراب، بس مافي مضايقات.. ولو كان حجابك ملون وأنت ملثمة فالأمر أيسر بكثييييير...

لا تخافي من أحد حبيبتي، لأن الأصل هو إرضاء ربنا سبحانه وتعالى، ولا تنسي إنك في بلد يؤمن بالحرية الشخصية. وفي ولاية يسمونها بالولاية السعودية ...

موفقة حبيبتي..

مشكورة اختي على ردك وبصراحة طمنتيني الله يجزاك خير ويوفقنا لما يحب ويرضى

له له ليه الموضوع راح للصفحه الثالثه ؟!!
.
.
حبايبي اهل دنفر ..
happy eid
بسألكم شهر 10 اكتوبر كيف راح يكون الجو ؟!
انا بجي ان شاء الله ومو عارفه وش احجز اكثر صيفي والا شتوي ..!
.

لبى قلووبكم

كل عام وانتم بألف خير يـا أهل دنفر ...
وعيدكم مبااارك وسط هالاجواااء ...

حبايبي اهل دنفر ..
happy eid
بسألكم شهر 10 اكتوبر كيف راح يكون الجو ؟!
انا بجي ان شاء الله ومو عارفه وش احجز اكثر صيفي والا شتوي ..!
.

اممم بصراحة الجو من الان متقلب ..
ساعات تحس بشوووية برد ويكون الجو بارد وبعد فترة يكون الجو دافي ويمكن بكرى يكون مشمس واليوم اللي بعده سحب ..
امم هو فصل خريف وبدايات الشتاء رح تكون شهر اكتوبر ونوفمبر <<بيكون في هالشهرين تسخين لشتاء دنفر ..

السلام عليكم ورحمة الله وبركاته ,,
كل عام وانتم بخير وعيدكم مبارك ..
الله يرضى عليكم انا قاعد ابحث عن قبول جامعه ماستر لي ولزوجتي تخصصاتنا تسويق و " لغويات او ادارة عامه" ,, وعندي كذا سؤال ؟؟
مستوى الدراسه في جامعات دنفر متوسط او صعب ؟ اعتقد اسمائها D.U و جامعه ثانيه مااتذكر اسمها . وهل هي مقفله ام لا ؟
كم مدة الدراسه يعني سنه نصف او اقل او اكثر ؟؟
ومتى تبدأ الدراسه مع العلم انا ادرس الان في معهد ELS في بنسلفانيا ؟
وهل الجامعات اللي في دنفر تشترط جيمات وجي ار اي ؟ وبالنسبه للغه تشترط توفل ام تكتفي بمستوى 12 ELS
والله يجزى من يرد كل خير والمعذره على الاطاله

^^
وعليكم السلام ورحمة الله وبركاته..
وكل عام وأنت بخير..

إذا كنت مبتعث أخي الكريم، فأنصحك ما تضيع وقتك في المنتدى، لأنه مهما نصحك الأعضاء بجامعات كويسة فما راح تستفيد إذا لقيتها مقفلة من الملحقية.. خصوصاً إن بعض الجامعات المقفلة يوجد بها تخصصات متاحة وغير مقفلة، والخبر الأكيد حيكون عند الملحقية وبالتحديد الأخ طارق الشيخ..

الجامعات في دنفر تشترط الجيمات والجي أر إي .. وتمنح قبول مشروط بالدراسة في المعاهد التابعة لها فقط، إما في حالتك فالتوفل لازم لأنك درست في معهد بنسلفانيا..

الله ييسر لك إنت وزوجتك الجامعة المناسبة لكلاكما.. بالتوفيق..

عيدكم مبارك
وكل عام وأنتم بخير يادنفريات ودنفريين
جعلنا الله وإياكم من المقبولين اللهم آمين

<< ماعندها أي استفسار بس حبت تهني بالعيد ولو إنها متأخره

ووحشتوني كثيرات بس :$

وانتي بخير يا دنفريه

عليكم السلام

جامعة دنفر مستواها جيد بالبزنس والقانون.. مستوى الدراسة يعتمد عليك.. بس يقولوا انه شوي صعب.

والثانية جامعة كولورادو دنفر.. مستواها يمشي حاله بس جامعة دنفر افضل بالبزنس كترتيب ..الله اعلم بالفرق في مستوى الدراسة وتوفر التخصصات

الجامعتين غير مقفلة للماستر على حسب علمي..تقدر تتاكد من الملحقية

جامعة دنفر تشترط جيمات للبزنس وحتى جامعة كولورادو دنفر .. بس نصيحة انك تراسلهم بنفسك لانه كل طالب له ظروفه والابليكيشن الخاص فيه ويختلف من شخص لاخر.

بالتوفيق