LinkBack URL
About LinkBacks حياك الله أخوي والعرض مازال جاريا ً
7 " 
سكن في لوس أنجلوس قرب الوست وود لطلاب كابلن
سكن في لوس أنجلوس قرب الوست وود لطلاب كابلن
تنبيه: هذا الموضوع قديم. تم طرحه قبل 5839 يوم مضى, قد يكون هناك ردود جديدة هي من سببت رفع الموضوع!
قائمة الأعضاء الموسومين في هذا الموضوع
-
- سلام البروفيسور أنا بمعهد كابلن اللي بوتيير مدري يعني بعيد والا قريب وودنا والله بسكن مع احد علشان يطلع ارخص بس بعد مااقنعت زوجي بالفكره انا ترددت يعني مدري مي صعبه شوي والا عادي؟؟7 "
- والله يالغالي لوس أنجلوس غالية صراحة من ناحية السكن7 "
و إذا أنك بتعتمد على المكافأه ما راح تكفيك تأخذ شقه بلحالك
ونحن مأخذين نص الشقه وراعي الشقه بيجيب روميتات لنا
عشان نتشارك الشقه ونحن ودنا بناس سعوديين أو خليجين عشان ما نختلف من ناحية العادات والتقاليد
ونكون سند لبعض في الغربه
و إذا كان المعهد هذا عنوانه
Whittier College, Redwood Hall, 13509 Earlham Drive, Whittier, CA 90608 (Kaplan Aspect English School and Courses at Whittier College)
فهو يبعد حوالي 40 دقيقة بالسيارة و ساعة بالباص
وياليت تعطيني موقع المعهد بالضبط من الآي تونتي عشان أشوف لك كم يبعد بالضبط لو ماكان العنوان إلي أنا حاطه صح
يعني بعيد عليه مره للأسف ولا ودنا والله تسكنون معنا
ومازال البحث جاريا ً
يا أخوان تكفون شوفوا لنا أي روميتس - هلا اخوي البرفسور7 "
هل تتدرس في معهد كابلن وست وود ؟؟
اذا كنت تتدرس فيه ياليت تفيدنا عنه هل فيه طلاب عرب كثير ؟؟
كيف مستواه في التعليم ؟
هل تنصح فيه ؟
وشكرا - أخوي عبدالله مع أنك طالع من الموضوع و أنا أشبه لك كأن واحد يتكلم عن غلاء البترول و أنت7 "
تقول إيه السيارات سريعة ولكن
راح أجاوبك على سؤال لأني خلاص تحطمت أحصل روم ميت عربي
بالنسبه للطلاب السعودين الموجودين بالمعهد مافيه غير أنا و أختي و بنت وشابين سعوديين
هذولا إلي أشوفهم في دوام الصبح أما دوام الليل ماعندي خبر إذا فيه أحد
بس تقدر تتصل على المعهد ويقولك
طبعا ً منطقة الوست وود منظقة حياوية وشبه سياحية و فيها محلات كثير
ومطاعم و محلات ملابس وكأني شايف اليوم مجمع إذا ماني غلطان
طبعا ً لو تبي تسكن كل مابعدت عن المعهد كل مارخص السكن
لأنه المنطقة إلي فيها المعهد تجارية تقريبا ً و أنت عارف المناطق التجارية السكن فيها غالي
صراحة من الظلم أني أحكم على المعهد وماصار لي إلا أسبوع مداوم
أو بالأحرى أنا مادومت لأني في مشاكل مع الملحقية حفظهم الله
ولكن من كلام أختي أنه المعهد يستخدم أسلوب التعليم بطريقة تعلم أنت بنفسك
وهذا الشئ معروف أنه ماينسيك اللغة ويكسب مهارات
مثلا ً في نقاشات وحوارات و كأنك قاعد بالبيت وسوالف وتتعلم من هذي الطريقة
و أعتقد أنه هذي أنسب طريقة لتعليم الإنجليزية لأنك و أنت جاي تتعلم الإنجليزي مو جاي تحفظ
وتسمع وتنسى و من ناحيتي أشوف أنها أنسب طريقة للتعليم
وعلى فكرة تم سؤال الملحقية عن قبول معهد كابلن و أمور من هذا النوع
وقالوا أنه في أقسام في مناطق مو معترف فيها وهي نفس فروع كابلن ولكن السبب بالضبط ما عندي خبر
طبعا ً أغلب الطلاب صينين ويابانيين وروسيين وتركيين ومتفاهمين ومرحين
خلاص خلونا نطلع من موضوع السكن لأني يأست خلاص إلي يبي أي سؤال أنا حاضر بإلي أقدر عليه
أتمنى أكون قدمت لك شئ من المساعده - انا اتشرف اني كل ما افتح على موضوع اشوفك كاتب فيه7 "
عموما احنا جيرانك واي معلومات عن whittier حاضرين واذا عندي اسئله عن west wood مالي الى الله ثم انت - تراك مو بعيد عني كثير يا أخوي بوبشيت حوالي نص ساعة بس7 "
و هالأيام ويك أند خلنا نشوفك فيها
ههههههههه
أنا مع الأهل رايحين بكره إن شاء الله للشاطئ
إذا ودك نشوفك هناك - انا والله اتشرف7 "
بس المشكله سيارتي فيها عله في القزوز ومن الصبح وانا ادور لها على ميكانيكي مو نصاب يصلحها .
عاد بكرة الصبح جارتنا قالت انها تعرف ميكانيكي كويس وبروح معاها .
اذا ضبطت الامور بدري اخذت العيال وجيتك هواااااااااااااا - هههههههههههه7 "
ماشاء الله عليك أمداك طلعت سيارة ؟؟؟
توك واصل ياشيخ
ماشاء الله تبارك الله بس
الله يكون بعونك عاد ما شاء الله الأمريكان عندهم ثلاث أنواع بانزين
إن شاء الله بانزينك يارب 87 هذا أرخص واحد
وترى هم مو مثلنا يغيرون الزيت كل 5 آلاف نسيت والله كل كم يغيرونه
و إن شاء الله عندك جي بي أس
روح best buy وخذ لك أرخص واحد ب 129 دولار
أو أقل يمكن ترى يخدمك كثير
وفي عندك محلات الراديو شوك عندهم بعد
و إذا جيت تبي تتقضى للبيت روح محلات 99 سنت ترى كل شئ عندهم ب 99 و أرخص
و أنتبه من البقالات ترى كل بقالة لها سعر وعلى حسب
ولا تنسى تودي العيال هاليووود ترى قريبه بعد وهي في لوس أنجلوس
والله بتنبسطون هناك
وعندك بعد سان ديقو في حديقة حيوانات روعه هناك وكبيره ما شاء الله
أما الدزني لاند عاد مايحتاج نتكلم عنها بس كانت بعيده شوي
ونسيت والله كم سعر التذاكر بس هذي ترى يبي لها يومين أو ثلاثه على الأقل
والله إذا أنك حق فله بتستانس ب لوس أنجلوس
ربي يعينك - والله خويك ربي مسهل له الامور7 "
حصلت عند وحدة من الجيران سيارة امها صار لها سنه واقفه في الجراج ونظيفه وامها بالمكسيك وتبي تبيعها
فطبعا ما صدقت على الله القى لي عرض مثل كذا وعلى طوووول خذتها
تقريبا خلصت اجراءات نقل الملكية بس باقي مشكلة القزوز بصلحها انشاء الله على ظهر صاحبة السيارة
اما بالنسبة لـ 99 سنت فهو من اعز مكان الى قلبي لا اتقضى الا منه .
وبالنسبه للبقالات الكبيرة في عندنا شي اسمه EL Super مكسيكي كبير زي بندة وكارفور وجيان ورخيص ارخص من Ralphs و Albertson النصابين
اما الديزني لاند فهي قريبة من المكان الي انا فيه .
والظاهر انك يبيلك تمر علي ونروح سوا
