القادمين لساندييقو بكلفورنيا

طيب انت تعال وبعد ماتوصل اطلب تغيير المعهد والشباب راح يدلونك على معهد تابع لجامعة وفي نطقة كويسة ولكن المهم يكون المعهد قوي وممتاز

نعم صحيح لأن السيمستر القادم هو سيمستر الفال وهو اطول سيمستر اكثر من اربعة شهور يبدأ من اوقست وينتهي في 12 ميلادي

وربي احترت .. يامجنونها .. المكتب يقولي السعر مبالغ فيه بالموقع وانا جايبلك السعر الاكيد 11 الف ريال ..
والمصيبه يقولي روح هناك وادفعها .. واخاف بالاخير يطلع نفس اللي شفته بالموقع .. والمكتب راعي توهيق بس ..

وانت قلتلي بالاول 14000 الف ريال .. والحين الصحيح عشرين الف .. وربي مدري واحترت من جد ..

اللة يوفقك حبيبي
وتتيسر لك كل امورك ان شاء اللة وعلى فكرة اي مبلغ راح تخسرة في العلم فثق ان هذا المبلغ ماضاع منك وانك صرفتة في مكانة الصحيح

ارسلي ايميلك وربي ابي احد اتكلم معه واستفيد منه الله يجزاك خير واوعدك ماراح اغثك كثير (^__^)

والله احسها جالسه تتقفل معي من كل جهه ..

اخووووي
المعهد نظامة سيمسترات وعدد السيمسترات بالسنة 3 سيمسترات
السيمستر الاول وهو السبيرنق الربيع ومدتة تقريباً 4 شهور والسيمستر الثاني الصيف وهو اقل ومدتة 3 اشهر والسيمستر الاخير وهو الفال يعني الخريف ويصل لخمسة شهور وتكاليف كل سيمستر يختلف عن الثاني حسب مدة كل واحد انت شوف السيمستر اللي جاي علية اي واحد فيهم اذا كنت جاي ان شاء اللة على الخريف فراح تكون التكلفة عليك مثل ماشفتها في موقع المعهد واذا كنت جاي على الصيف فراح تكون التكلفة مثل ماقلتلك .

لا تحوس نفسك ولا تستعجل في اتخاذ القرار استخير رب العالمين وان شاء اللة تهتدي للصواب

دخلت على صفحتك وحطيت ايميلي ممكن تضيفني يا صديقي الصدوق

تكفى مجنونها انا توني واصل لي ثلاثة ايام وابي اتأكد اجرب اي ال اس شهر والا احسن اكسب الوقت واسجل في الي تنصحني فيه مع العلم بأني على حسابي الخاص واول يوم دراسة 28/6 في اي ال اس واخاف احوس عمري واعرض نفسي لمسائلة في اي ال اس بيقولون ليش تطلب اي توني وتجي باسمنا الفيزا ، هل التحويل سهل من اي ال اس ، وانا طلعت قبول من جامعة SDSU علشان اقدم على الملحقية ، فهل الجامعة تعترف بدراسة اي ال اس وتعديني والا تطلب توفل وتصعبها علي عشان مادرست في معهدها .وتتوقع لو وافقوا انشاء الله يضموني للبعثة كم يبغالهم يردون علي ، يعني زي ماسمعت لازم ادرس ستة شهور على حسابي وينظرون بعدين في درجاتي والا الامر سهالة . الله يوسع لك في حياتك مثل ماتوسع على المسلمين

الأخ مجنونها ..

معهد USD .. مغلق من قبل الملحقية ... وكذلك ال SDSU وكذلك ال UCD

عندنا .. شباب متورطين ..

ما أدري وش الي باقي ما تسكر .... ؟؟

شكل ساندييقوووو ....... تقفلت نهائياً ... :/