القادمين لساندييقو بكلفورنيا

اخوي مجنونها ...
الله يعطيك العافيه و يوفقك ان شاء الله على الخير و المساعده اللي توفرها لاخوانك و اخواتك في الغربه..
انا قرأت موضوعك بشكل عام و لاحظت انك تتكلم عن بعد السكن و لا المعهد من الداون تاون بس ما وضحت هو الداون تاون دا فين؟ انا الجامعه اللي افكر اقدم فيها ان شاء الله هي جامعه كالفورنيا سان ديغيو و المنطقه السكنيه هي لاهويا .. اعتقد؟؟ فهل الداون تاون قريب من لاهويا ولا لاميسا و لا فين بالضبط ..؟؟؟

و افتكر انك كمان ذكرت ان سان ديغيو كبيره و عباره عن مناطق كأنها قرى صغير متصله ببعض.. ممكن بس تذكرلي المناطق السكنيه الكويسه عشان اشوفها في جوجل ماب..

يعطيك العافيه

حياك الله اخوي صقر امريكا
نيابة عن الأخ ابوبدر سوف ارد على استفساراتك طال عمرك
أنا في سان دييغو من 6 شهور وشوي وكل هذي المده ادرس في معهد ELS
من ناحية المعهد يعتبر ممتاز الحمدلله وفيه مناهج أكثر من رائعه وطاقم تدريس ممتاز وموقعه كمان كويس في قلب الداون تاون
نظام المعهد كل شهر يعتبر ترم منفصل عن الترم السابق وتاخذ شهاده على كل ترم بعد الاختبار عليه في اخر اسبوع من الدراسه
وفي ليفل 9 تستطيع تأخذ قبول من عدة جامعات لدراسة الباكالوريوس وبعد ليفل 11 تاخذ قبول للماستر في عدة جامعات معتمده
ومن الأفضل لك انك تسكن مع عائله حتى تدعم لغتك زياده وتتعود على الاجواء الأمريكيه وعلى نظامهم وأطباعهم
والروميت إذا توفقت فيه كمان يعتبر كويس .. لكن نسبة التوفيق فيه ضعيفه بعض الشيء
تجي بالسلامه اخوي

اسمحي لي اختي لولو بالرد نيابة عن الأخ مجنونها
أنا مادري بالضبط اذا قصدك تبغي تدرسي المعهد في الداون تاون وبعدين جامعه لاهويا ولا كيف بالضبط
إذا كذا قصدك ... أحب اقول لك انه الداون تاون فيه سكن لكن يعتبر غالي
وفيه مناطق قريبه من الداون تاون تعتبر مناطق حلوه جدأ وهادئه واسعارها افضل من الداون تاون
على سبيل المثال : Mission valley أو Coronado
والداون تاون يعتبر في جنوب المدينة ومطل على البحر من الجهه الجنوبيه مع وجود جسر يوصل على كورونادو في الجهه المقابله لـ سان دييغو من الجنوب
والمسافه بين الداون تاون و ميشن فالي هي 9 دقائق بالسياره ويوجد قطارات توصل من الجهتين
أما لاهويا فهي شوي بعيده عن الداون تاون وطبعأ لاهويا تعتبر منطقه ثانيه مستقله في كل شيء حتى ان لاهويا فيها داون تاون لحالها
بالتوفيق لك يارب .. وأي سؤال راح نسعد جميعنا بالإجابه عليه ...

السلام عليكم ورحمة الله وبركاته اخ مجنونها (ابو بدر). سمعت عن انتقالك إلى نورث كارولينا وحبيت استفسر من عن افضل المعاهد وافضل الجامعات هناك وبالنسبة للمعيشة في نورث كارولينا لأني على حسابي الخاص ويا حبذا لو تتكلم عن المدينة لا هنت مع خالص الشكر والتقدير ...

يعطيك العافيه اخوي عبدالله...
يعني من كلامك .. كل منطقه مستقله عن بعضها تقريبا رغم انها في مدينه وحده ... يعني في نفس المنطقه اللي فيها جامعه كالفورنيا سان ديغيو لها داون تاونها الخاص فيها ... و ما يحوج اني اروح على اي منطقه ثانيه .. الفكره هنا انو مرافقي رح يدرس ان شاء الله في جامعه سان ديغيو اللي في لاهويا و انا في كالفورنيا سان ديغيو .. يعني شويه بعيدين عن بعض.. شي في الشمال و شي في الجنوب .. فالسكن ان شاء الله رح يكون في الوسط .. بين الاثنين.. اش رايك؟

مشكور على الرد

جامعة سان دييقو في وسط سان دييقو واسفل لاهويا
اما جامعة كاليفورنيا سان دييقو فهي في لاهويا

والمسافة بين الجامعتين 20 دقيقة بالسيارة
وساعة وربع في الباص

وبرائي أفضل الاماكن للسكن
Fashion Valley
Mission Valley
La Jolla
Clairemont
La Mesa

الاخ عبدالله بن سليمان الف شكر لك وهذا يدل على كرم اخلاقك وصراحة فرحتني بالاخبار الحلوة اللي قلتها الله يوفقك ويشرفني التعرف عليك وهذا ايملي على الهوتميل FSF.Ahmed وبالتوفيق

اخووووي عبداللة السليمان

شرفني ردك على الاستفسارات ، وانت من الاشخاص اللي تشرفت بمعرفتة في ساندييغو ، واتمنى لك التوفيق والنجاح .

السلام عليكم
اخواني ابغى احد يساعدني في قبول
في سان ديغو انا في سياتل وابغى اغير الولايه
اذا فيه احد يساعدني اكون له من الشاكرين

الأخت لولو .. الآن فهمت مقصدك من الناحيتين
وما أدري كمان ايش هي جامعة سان دييغو الي انتي تتبعي لها
فيه جامعة SDSU وجامعة USD وكلها يسمونها جامعة سان دييغو
إذا انتي بتدرسي في جامعة USD فـ انصحك بالسكن في منطقة Fashion Valley
وإذا بتدرسي ان شاء الله في جامعة SDSU فـ أعتقد السكن في Balboa لأن هذي المنطقتين هي الي بالنص بتكون بين جامعتك وجامعة مرافقك ...
عسى الله يوفقك ويسهل أمرك لكل خير يارب