القادمين لساندييقو بكلفورنيا

معهد els كويس
اقدر اروح فرعهم في سياتل واخذ قبول منهم

أخوي مهندس انا اشوف ان معهد ELS معهد كويس من جميع المقاييس وتقدر تعبي الابلكيشن من اي فرع لهم وتحدد مكان الدراسه وتاريخها
وإذا تبغى ارسل لك الابلكيشن عطني خبر وأرسله لك ع الايميل
موفق خير ان شاء الله

دكتورنا عبدالله ابن سليمان,,,
ياليت تذكر لنا كيف دوام معهد ELS من الساعة كذاالى كذا وهل هو صعب أم سهل ؟
هل يحتاج مذاكرة ام بسيط؟؟
هل الدوام فيه ممتع ام متعب؟
هل مثلا اقدر ابدأ من المستوى الرابع او الخامس وإذا خلصت الحادي عشر بعد 8 شهور ودورتي سنة ويش اسوي باقي الدورة وهل كل مستوى شهر أو اكثر؟؟؟؟؟
وتسلم دكتورنا لكل أعضاء المنتدى وخاصة طلاب ساندييقو ELS.......

هههههههههههههههههههههههههه
ياحي الله صقر امريكا .. لاتقول دكتور لا اصدق نفسي الحين وأرجع للسعوديه
من ناحية دوام المعهد فهو من الساعه 8:40 صباحأ حتى الساعه 3:55 بعد الضهر
قبل الضهر فيه 4 كلاسات وكل كلاس 50 دقيقه وبعدها بريك 10 دقايق
ومن الساعه 12:30 حتى الساعه 1:40 هذي فترة الغداء
وبعدها كلاسين .. كل كلاس مدته ساعه وبعدها على بيتك ..
والدوام والله مو صعب والمدرسين والطلاب كلهم ( فرندلي )
وكل شي وأنا اخوك يحتاج مذاكره .. هذا اذا تبغى تستفيد .. ولا النجاح سهل ويعتمد اكثر شي على الحضور
وفي اول يوم دراسه راح يسووا لك اختبار تحديد مستوى وممكن تبدأ مباشره من المستوى 10 .. على حسب لغتك
وإذا خلصت اللغه وأخذت الشهاده وقبلوك الجامعه .. ممكن تداوم مباشره بالجامعه .. وإذا باقي وقت على بداية السيمستر بالجامعه ممكن ترجع اجازه لأهلك وترجع وقت الجامعه

أخ مشاري

معهد كابلن في اكثر من موضوع بالقسم تحدث عنه , البعض مدح فيه و البعض كانت تجربته سيئة معاه
ولو تحاول تستخدم خاصية البحث ستجد مرادك ان شاء الله

بالتوفيق

السلام عليكم
لو سمحت اخوي تقدر تفيدني عن جامعات تعطي قبول مشروط للماستر مجرد تخلص معهد اللغة تدخل الجامعة
في كاليفورنيا؟؟؟
او اي مكان زيين
وماهو رائك في معهدels من كل النواحي ؟؟؟في اختصار الوقت اذا شاءالله

حياك الله اخوي meshari atif وعسى الله يسهل أمرك ويوفقك
بالنسبه لمعهد كابلن .. فـ سمعة المعهد قويه وله فروع كثيره في امريكا
ويوجد فرعه في سان دييغو في منطقة لاهويا .. ولكن للأسف .. فرع سان دييغو يعتبر من الفروع التعبانه وتدريسهم سيء
طبعأ هذا الكلام من طلاب لايزالوا يدرسوا في نفس المعهد حتى الآن
إذا تبغى سان دييغو .. ياريت تغير المعهد .. ولا خليك على نفس المعهد لكن خارج سان دييغو
عسى الله يوفقك يارب ويسهل أمرك

حياك الله اختي منال وعسى الله يسهل أمرك ويسعدك
تمت الإجابه على اسألتك وأسأل الله التوفيق للجميع

السلام عليكم

ابن سلمان مساء الخير كيفك طال عمرك

ياخوي انا في سان ديقو

ونفسي اشتري سيارة

وش رايك اشتري لي موتر ولا اقعد على الباصات

انا عزابي

بس يوم شفت اسعار السيارت حلوه ورخيصه تحمست

نفسي والله بكامري 2001

بكم احصلها



في انتظار مشورتكم طال عمرك

تقبل تحياتي