القادمين لساندييقو بكلفورنيا

طيب الله يعطيك العافيه بايه مدينه تنصحني اروحلها الله يعطيك العافيه انا اكثر ما يهمني هو الامان بعد الله وتكون حلوه والمعهد يكون عرب قليل فيه الله يعطيك العافيه

اسأل الله ان يوفقكم جميعا ويبارك لكم ولايحرمكم الاجر


انا ابي مساعده منكم ويارب القى تجاوب
انا موظف بشركه وعمري 23 وراح اخذ اجازه 4 اشهر من العمل كحد اقصى وابي اسافر فيها امريكا اقوي لغتي اكثر
عشان اقدر اكون اقوى في مجال عملي
سويت اختبار هنا في السعوديه وحصلت على المستوى الخامس من 10

ماراح اطول عليكم كل اللي ابيه تكفون تساعدوني شلون اقدر اجيب قبول من معهد ALI بكالفورنيا لمده 4 اشهر وابي اسكن مع عائله هناك لجل استفيد من كل لحظه في تقويه لغتي

تكفون يا اخوان ساعدوني في الطريقه شلون , وابي نصيحتكم

الله يكتب لكم الأجر

السلام عليكم ،،،
صبااااح ومسااااء الخير لكم جميعا ،،
كيفك يابو بدر انشاالله تكون بخير وصحه وعافيه ؟

أحزنني جدا ما قرأته في الصفحات السابقه عن انتقالك الى ولاية اخرى ، ويا خسارة سان دييقو فيك ، كنت اشوف سان دييقو مدينه متكامله بوجودك والحين نقصها عن الكمال انت ، والله يوفقك وين ماتروووح يااااارب .

وشكري ايضا موصول للأخ عبدالله بن سليمان والأخ محروم من اللي فالبال على جهودهم المبذوله .

وعندي سؤالين ياليت القى لها اجابه :

س1: كم المبلغ المطلوب في الضمان المالي(الضمان البنكي) للتقديم على معهد و جامعة sdsu لتخصص الهندسة للبكالريوس ؟
( لأن واحد من الشباب قالي 250 ألف ريال ، معقول ؟ ، فحبيت اتأكد لأني مااعتقد ان المبلغ صحيح ، وياليت تعلموني بأسرع وقت ضروري اذا تعرفون )

س2: هل استطيع اشتري سياره مستعمله بنظام الأقصاد هناك وبدون دفعه اولى ؟

كيفك اخوي عبدالله ؟
حبيت اسألك حبيبي سؤال مهم بالنسبه لي :
هل جامعة sdsu من ضمن الجامعات اللي تعطيك قبول للبكالريوس بعد تجاوزك لمستويات معهد els ؟

الله يوفقك اخوي سعود في كل امور دينك وديتك
بالنسبه لـ فكرتك وهي تقوية اللغه .. بلا شك انها فكره حلوه جدأ .. عسى الله يوفقك ويسهل أمرك
لكن الفكره السيئه بالموضوع اخوي .. ليش في بالك معهد SDSU ؟
المعهد قوي وكويس لكن اكثر من نسبة 80% عرب .. يعني ماراح تستفيد مثل لو كنت في معهد ثاني
وبحكم انك جاي على حسابك .. انصحك تشوف لك معهد غير معترف فيه من الملحقيه حتى ماتحصل فيه عرب
هذا رأيي .. والرأي الاول والاخير لك

اخوي ابوفارس .. معهد sdsu مايعطي قبولات مشروطه حتى لو كنت في نفس معهدهم
الي يتخرجوا من نفس المعهد تسوي لهم الجامعه اختبار وبعدين تقبلهم .. وهذا حال الجامعه مع معهد ELS
هذي المعلومات الي عندي طال عمرك
ونتشرف بخدمتك وخدمة جميع الاخوان

ابن سليمان عذرا

أنا حصلت على قبول مشروط من SDSU

بشرط إكمال اللغه في المعهد أو الحصول على درجات معينة في التوفل


والله يوفقك على اللي تسويه لمساعدة اخوانك

شباب انا واصل ان شاءالله 20 نوفمبر لسانديقو والمعهد راح يبدى 29 نوفمبر
وسكن الطلبة حق المعهد يبعد 40 دقيقة بالباص والسعر مرة غالي في الأسبوع 520 دولاللغرفة المفردة يعني بالشهر 2080 دولار مدري على ايش الاسعار هاذي وحتى العوائل الي يوفرها المعهد نفس الأسعار تقريباُ
هلى هاذي الأسعار تعتبر اسعار عاديه او اسعار خيالية
والشي الثاني ناوي اسكن اسبوع في فندق على مابال اخلص اموري قبل اجازة عيد الشكر منها اعرف المعهد ومنها افتح حساب
وراح اسكن تقرياُ مدة ثلاث اسابيع او شهر في سكن تابع للمعهد وبعدها ان شاءالله راح اسكن في سكن خاص لي

والمساعدة ابي اسم سكن قريب للمعهد عشان اقدر اتواصل معهم ويكون السعر من 1200 دولا الى 1400 بالشهر

المعهد اسمة ec في منطقة اسمهل لاهويا تعتبر اغلى منطقة في سانديقو حسب ماقريت

اللللله مسهم بلخير اخوااااان طبعاااا انا ضيف جديد عندكم اتمنى اكون ضيف خفيف الضل وشكرااا للجميع

ياهلا ومرحبا فيك اخوي تويست
شاكر لك للتنبيه على هذي النقطه الي ممكن يحتاجها الكثير من الطلاب الجدد
أنا معي قبول مشروط مثل الي عندك من جامعة SDSU لكن يعتبر هذا القبول مثل قلته
لو أخذت التوفل ولا خلصت كل الاترام في معهد الجامعه .. الجامعه نفسها تسوي لك أختبار قبول وبعد ماتجتازه راح تدخل الجامعه ان شاء الله
أو بشرط انك تدرس عندهم كل الاترام وبعدها تجيب الآيلس للبكالوريوس بدرجه أدناها 6.5
هذا العلم الي عندي عن الجامعه ... ومن الممكن تلاقي أحد أخبر مني بهذي النقطه ,
شاكر لك مرورك وتعقيبك