القادمين لساندييقو بكلفورنيا

الاخ moom
لا تضيق بك ورب الخلق موجود
ان وصلت واشنطن وخلصت الملحقية لازم تكون قاطع تدكره الى ساندييغو بالانترنت وارشح لك طيران البلو جت سهل طريقة الحجز فيه شف اي واحد في السعودية من اصحابك لو يكون انجليزيته وسط يحجز لك وبعد ادخل موقع بوكينق واحجز اسبوع في اي فندق جنب الجامعه عندك هوارد جونسن رخيص لين الله يسهلها وتلاقي سكن وانصحك تتواصل مع نادي الطلبه السعوديين في جامعة sdsuتراهم ااهل فزعه ولهم موقع بالانترنت والفيس بك وهم يستقبلونك ويسكنونك ويساعدونك لين تدبر نفسك وتراها سهاله واي شي انا في الخدمه

حبيت اسال انا قريت في الi-20 ان الطالب لازم يكون معه تامين صحي كيف اجيبه هل اسوي تامين من التعاونيه بالرياض وهل يعترفون به ان كان انترناشيونال او اسويه في ساندييغو وكيف الطريقه علما اننا على حسابنا الخاص

اول شي خل ثقتك بالله مو بالبشر
والشي الثاني ترى الوضع اسهل من ما تتصور بكثييييييير ولا بتلقى قدامك الا اخوانك يساعدونك
ولمن توصل بتضحك على نفسك وتقول ليه القلق اللي كنت مسويه

على العموم دزيت لك مسج فيه ايميلي ورقم جوالي تواصل معاي

موفق حبيبي

الله يوفقكم وتنظمون لمن توصلون باسرع وقت

شوفي اختي مو لازم تأمنين وانتي عندك
بس لمن توصلين النظام يقول لازم تأمنين
وارخص تأمين يكون تبع المعهد
لمن توصلون تاخذونه ان شاء الله

موفقين وتوصلون بالسلامة

الله يجزاك خير ولا يحرمك من اللي في بالك او لم يخطر ببالك ولك فيه خير يارب
حبيت اسال :راسلت احد الشركات لحجز شقه فطلبوا ان يكون معي اثبات حكومي وكشف حساب او بيان بالراتب طيب احنا على حساب الوالد يحتاج اجيب كشف حساب من السعوديه لحساب الوالد او عادي ياجروني
بالنسبه للاسعار اللي نشوفها في الموقع هل تشمل الضرائب ولا فيه اشياء مبطنه؟
كم متوسط سعر شقه راقيه 2 نوم و2 حمام في سكن امن في الفاشن فالي واللي حواليها الميسون فالي شامله كل شي بدون اثاث طبعا؟

ههههههههههههه حلوة مبطنه
والاحلى ميسون فالي >> مافي مكان بهالاسم على حسب معرفتي

الايجار مثل ما يقولون ولا فيه تاكس على الايجار الشهري اما اليومي والاسبوعي فعليه تاكس

الشهري فيه اشياء مبطنه مثل:
قيمة الابلكيشن تتراوح من 30 للشخص وحولها
التأمين وما ادراك ما التأمين
لان ما عندنا سوشل سكرتي نمبر فياخذون منا زيادة في التامين وغالبا يكون ايجار شهر تامين + التأمين(مثلا التأمين على الامريكان 500 والايجار 1000 فياخذون تأمين 1500 دولار علينا ) وفي بعض الاماكن ما ياخذون الا 500دولار بس او حولها
والتامين مرة وحده طبعا

وكشف الحساب مهم مررررة في اماكن كثيرة فخذوا كشف حساب او شهادة بنكية
فعلا تحتاجوها في ايجار الشقة

متوسط السعر 1600 دولار غير شاملة الكهرب والنت

انتبهي لا توهقين نفسك في عقد قبل لا تجين صدقيني راح تندمين وتخسرين على الفاضي

واذا انتي ملزمة الا تستأجرين قبل لا تجين ففي فكرة حلوة
احجزي وادفعي التأمين ولا تدفعين الايجار
ولمن توصلين عندك حرية انك تكملين المبلغ وتسكنين او تسحبين ويكون ما خسرتي كثير

وفي مجمع مرة حلو في الفيشن بس لازم له سيارة

موفقة يارب

اخوي موون

تقدر تراسل معهد sdsu ويحجز لك سكن سواء مع عايله او لحالك

بالتوفيق ولا يضيق صدرك وانا اخوك الامور بيسهله ربك ان شاء الله

س سوال هل لجامعه sdsu لها معهد مستقل ؟؟؟؟؟؟؟؟؟
لإن قالي صاحب المكتب أن معهد ali بنفس حرم جامعه sdsu؟؟؟؟

هو معهد مستقل لكن هو تبع الحرم الجامعي
يعني كلكم صح.

تسلم على التصحيح اخوي محرم مااخفيك تمنيت اني مغير المعهد ولكن اصدرت الفيزه ماندري خيره من ربك

شكرا لك ولإبو سليمان واخوي مجنونها على المجهود الأفضل من رائع والله يوفقكم ويسدد خطاكم