القادمين لساندييقو بكلفورنيا

اخوووي افضل طريقة للبحث هي انك لما توصل لسانديييغو ترووح للمعهد اليوم الثاني وتبحث عن الاخ فيصل القرني وتقول لة انك من طرف ابو بدر وان شاء اللة مايقصر معاك ولكن لو حصل ومالقيتة فالشباب كلهم فيهم الخير والبركة واسألهم عن عائلة كويسة ورح يساعدونك .

وبالتوفيق

السلام عليكم اخوي مجنونها ،،
الحمدلله أنا وصلت لسان دييقو قبل ثلاث ايام ،، طبعا أنا في معهد Ali وأنت قلت لي انه ممكن يكون موقف ،، بس أنا رحت للملحقيه في واشنطن اول ما جيت وطلعوا لي ضمان مالي ، هل معناه أني خلاص اقدر ادرس في المعهد ولا فيه احتمال انه يكرشوني ،، ثاني شي وهو الأهم تكفففففى وبلييييييييز ابي مساعدة في الشقه ،، لي الحين ثلاث ايام أدور في ذا الشقق القريبة من المعهد لقيت اكثر من وحدة بس ياخي أبيك تعلمني وش افضل مكان للسكن مع العلم أني ان شاء الله بدرس في Ali وبسال هل فيه شقق ماثثه وكويس سعرها احتاج مساعدتك تكفى ،، الفندق الي أنا فيه بطلع منه يوم ٢٨ واليوم كل شي مقفل عشان الكريسمس تكفى رد علي بسرعة

بالنسبة للمعهد ماعندك اي مشكلة ان شاء اللة مادام ان الملحقية سلموك الضمان المالي ولكن لما نقول مقفل فهو مقفل في حالى التحويل ، بالنسبة للسكن ففية منطقة اسمها لاميسا ، حاول تشوف اي واحد من الشباب السعوديين واسألة عنها وروح لها وراح تلاقي مجمعات كثيرة . حاول توصل للاخ عبداللة الرشودي وقولة انك من طرف ابو بدر وان شاء اللة راح يوقف معاك

اخوي بالنسبة للوزارة هو صار لي ثلاث ايام أرسل لهم ايميلات ويقول لي فشل ارسال الرسالة لأن صندوق الوارد للمرسل اليه ممتلئ .. فكيف تقول لي ارسل لهم ايميل !! عموما أنا مايئست ورجعت راسلتهم من خمس دقايق ومافيه مشكلة يبدوا انهم فرغوا صندوق الوارد

بالنسبة للمعهد اللي نصحتني فيه هل تقصد معهد CSUSB ؟؟ .. تأكد لي من الاسم الله يرضى عليك .. وممكن اعرف كيف دوامهم .. وانت متأكد انه معترف فيه من قبل الوزارة .. وهل فيه حضانة قريب منه .. وأدري غثيتك بس بالنسبة للسكن اللي تقول عليه من 200 إلى 400 دولار .. كيف وضع السكن نفسه ممتاز (ترى مرة اخاف من الصراصير ) .. وايش الخدمات اللي يشملها الايجار ؟؟ .. وهل انت تتكلم عن شقة ؟؟ .. ومكونة من كم غرفة ودورة مياه .. ؟؟ .. انا متزوجة ومعاي بنتي عمرها سنة ونص (يعني راعي هالشي في مسألة السكن).. والله يعطيك العافية .. والله انك فكيت أزمة .. من ناحية المعهد ..


وبالنسبة للمعهد هل اقدر اراسله الان وهم في اجازة الكرسماس .. اقصد يردون على الرسايل ويبعثوا لي آي توني .. والا الى بعد الاجازة .. وياريت اخوي لو نتواصل على الإيميل بخصوص السكن ، انا اضفتك أمس بداية ايميلي mmss والباقي أرقام .. ما ابي اكتبه هنا .. بس تأكد أكيد جتك الإضافة ..

والله يجزاك الجنة على هالموضوع .. خليتني أفكر انو من مسئوليتي بعد وصولي لأمريكا مساعدة التايهين اللي أنا كنت وحدة منهم .. وفيه واحد اسمه مجنونها ساعدني ..

عندي اقتراح انك تشترط على كل شخص انت ساعدته انه يساعد 20 طالب على الأقل بعد ابتعاثه ..
مو هو يستفيد ولا يفيد احد .. !!

كلمة شكرآ لن تفيك حقك
شكرا من الأعمآق على مآتفلعه انت والاخت رندا الله يجزآكم كل خييير يآآرب

بس احس تحبطت شووي على المعهد وترددت كثير اخاف انقل وآندم

السلام عليكم مجنونها ،،
أنا ان شاء الله بكرا بروح لمنطقة لاميسا ،، بس فيه عندي كلام بسيط ،، ياليت لو ترد تجاوبني عليه

اول شي الشقق احسها مب امنه بصراحة ،، يعني هل فيه شقق فيها سكرتي او امن ،، يعني الي أنا شفته عل الشقق والواضح انه ما فيها أمان ابدا ،، او انه ما يحتاج يكون فيه سكرتي او كل الشقق كذا ،، ياليت ترد علي اخوي مجنونها ،، وما قصرت بصراحة معنا

بالنسبة لعبدالله الرشودي ،، ياليت تقولي كيف اقدر اشوفه ،، لأني بصراحة احتااااج اي مساعدة

مشكوووووور مرة اخرى

اذا تعرف شقق فيها أمان كويس ،، ياليت تدلني عليها

مشككككككووووووووووووررررر عل كل شييييييييي

كل شخص ومعدنة ، واللة يوفقك وييسر لك امورك

مشكور اخوي مجنونها .. ويشهد الله معدنك أصيل .. الله يكثر من أمثالك ..

تعرف العقل اذا هنق .. يعني انا انفجعت أرخص ولاية في امريكا تلاقي فيها غرفة بعائلة ب350 .. فكيف بكاليفورنيا .. بس توقعتك تتكلم على غرفة كذلك .. والعقل هنق ماساعدني

على اية حال ما قلت لي ايش الخدمات اللي يشملها السكن .. انترنت مثلا المرافق العامة القريبة منه .. المواصلات متوفرة ..
والواحد من الشباب اللي معاه زوجته وبنته .. << خخخ تقدر تزودني بايميله .. علشان اتواصل معاه ؟؟

الافضل انك تغيرينة علشان ماتندمين ، وانتي صاحبة القرار ، المهم وصلنا لك النصيحة