القادمين لساندييقو بكلفورنيا

هلا فيك اختي

انتي واخوك واختك اعملوا موعد بالسفارة وتوكلوا على الله واستخرجوا الفيز . والسفر الافضل يكون قبل الدراسة باسبوع او اسبوعين حتى تقدروا ترتبوا كل أموركم قبل بداية الدراسة ان شاء اللة .
تعرفي المشكلة فين انك ممكن ماتلاقي موعد بالسفارة قريب وتقعدي تأخري نفسك وفي الأخير تتأخري على السفر .

وبالتوفيق

يسلموووووو وماقصرت
راااااااااايتك بيضاء
لكن تعتقد مافي اي مشكلة لو اخذت موعد في السفارة
وقبول اخوي واختي باقي ماوصل !!!!
مو لازم لمن اروح الموعد حق السفارة يكون القبول معانا !!!
انا قالوا لي انتظري القبول واول مايوصلك ابدئي خذي موعد الفيزا


وش رايك انت؟؟؟؟

اختي ، تقدري تأخذي موعد لكم جميعاً حتى لو لم يصل الآي توني وتقولين لهم ان الآي توني راح يوصل كمان كم يوم وهم عارفين للأمور هذي ، وراح يعملون لكم المقابلة ويقولون لكم اذا وصل الآي توني ارسلوة لنا بالفديكيس مع الجوزات .

وبعد ماترسلون لهم الآي توني اذا وصلكم راح يأخذون اسبوع تقريباً ويرسلون لكم الجوازت والآي توني والفيز على فيديكس .
ولو حابة تنتظرين مفية مشكلة ولكن بشرط انها ماتتأخر كثير لأنة يمكن لما توصلك الآي توني ماتلاقين موعد بالسفارة قريب وتتورطون مع ترتيبات السفر .

وبالتوفيق

السلام عليكم .. حبيت اسئل عن University Of San Diego اذا الواحد يبي يسجل بالجامعة هل اذا جاه القبول لازم يبدأ على January ولا مسموح ابدأ على فترة الـ Fall ؟ + وماهي افضل المعاهد بالمدينة ؟
يعطيك الف عافية مقدما ! شكلي باتكي عند موضوعك D:

حياك الله ، تكي وخذ راحتك ، والقهوة والتمر جاهزة .

اتوقع على الفال فية قبول لديهم ولكن السؤال الديد لاين حقهم متى ينتهي ، هذي المعلومات تقدر تتأكد منها من موقع الجامعة او اذا وصلت ان شاء الله تقدر تزور الجامعة وتستفسر عن كل شيء .

بالنسبة لأفضل معاهد في ساندييغو فيأتي في المرتبة الأولى او في المقدمة معهدين فقط وهم ALI التابع لجامعة SDSU ومعهد ELI التابع لجامعة UCSD

يأتي معهد ELS في مستوى الوسط وأي معهد غيرها يأتي في المستوى الأقل من متوسط والسيء .

وبالتوفيق

السلام عليكم
وش يصير لو السفارة اخرت الفيزا إلى قبل موعد الدراسة بايام ولم تصل؟

لو حصل ماذكرتي وتأخرة الفيزا ولم تستطيعي السفر في الوقت المحدد فماعليك سوى ان تطلبي قبول جديد من نفس المعهد وبعد ما يوصلك القبول تنهي جميع اجراءاتك للسفر .

الأخ العزيز مجنونها

رتبت جميع أموري للسفر بحول الله إلى سانديغو وطبعا قبل ذلك واشنطن

لدي عدة استفسارات


أنا سوف أسكن مع عائلة هل يكفي مصروف شهري 1500 دولار


كم تتوقع أحتاج مبلغ نقدي كاش من سفري من السعودية وذهابي لواشنطن يومين ثم الوصول لسانديغو


هل ينفع احط فلوسي حقت المعهد وغيره في البنك الراجحي واسحبها لا وصلت سانديغو واودعها في بنك امريكي
ام احط فلوس كلها في ماستر كارد ولا كيف هذا طبعا غير المبلغ النقدي اللي في السؤال اللي قبله


الحماية بيد الله لكن هل هناك اخطار مناخية في المدينة وهل هي ذات تاريخ زلزال او اعاصير لان الوالدة دايما تقول انتبه
من المنطقة فهل عندك خبرة


بعد الدراسة في معهد ali اهل احتاج الدخول لاختبارات لجامعة sdsu ام مجرد اجتيازي المعهد ادخل الجامعة علما بان لدي
قبول معهد وقبول مشروط للجامعة


آسف على الإطالة والله يوفقك ويحقق أمانيك أتمنى تجاوبني لما تكون فاضي بكل نفصيل والله يجزاك خير ويوفقك ويسعدك

مجنونها .. أنا بمعهد UCLA وجامعتنا ماعندهم نظام تعدي المستوى المعين تدخل الجامعة لازم أجيب درجة التوفل أو الأيلتس كثير شباب عندي قالولي روح جامعة سان دييغو تخلص المستوى المعين وتدخل جامعتهم دايركت .. فياليت تقولي أي مستوى أخلص وادخل جامعة وهل يمدي أحول عليكم وكيف جامعتكم والمنطقة الي فيها جامعتكم ، وشكراً جزيلاً

السلام عليكم

اخويــ ... سمعتــ كثير يقولونــ جميعــ الطلبهــ اليـــ بكالفورنيا الملحقيهــ طلبتــ منهمــ السفر لواشنطنــ لتغير مقر دراستهمــ والسببــ خايفينــ منــ حكاية توسوناميـــ

هلــ هذا المووضعــ صحيحـــ لانو سفريــ بعد اسبوعينـــ ووترنيــ هذا الكلامـ !!؟؟