القادمين لساندييقو بكلفورنيا

ممكن تعطيني سعر تقريبي لفاتورة الكهربا ؟
عموماً في سان دييغو ، مع الاستخدام المتوسط-قليل ممكن تكون اكثر من 100 $ ؟

وفيه فرق بين شركات الكهرباء ؟

طيب ابي افضل معهد لغة في سان دييغو وش اسم المعهد او المدينة

السكن بساندييغو مقارنة ببعض المدن نعم غالي لان المدينة سياحية ولكن اسعار السكن تختلف وربما تجد الفارق بين مجمعين يصل الى 300$ او 400$ أو اكثر او أقل على حسب موقع المجمع والمميزات اللي فية .
بالنسبة للمعاهد فللأسف فية معهديين فقط هم افضل المعاهد وهم ALI - ELI ، والمعهد الثالث بيكون في المتوسط وهو ELS والمعاهد الباقية للأسف سيئة .

بالنسبة للمعاهد في ساندييغو فللأسف فية معهديين فقط هم افضل المعاهد وهم ALI - ELI ، والمعهد الثالث بيكون في المتوسط وهو ELS والمعاهد الباقية للأسف سيئة .

بالنسبة للكهرباء فهي شركة وحدة في ساندييعو واسمها SDGE وبالنسبة للتكلفة فهي متغيرة بحكم تغير سعر التكلفة فهو يتغير بتغير سعر البترول ، المهم فية لديهم نموذج صغير كل اللي عليك تسوية تقومي بتعبئتة وسوف تحصلين على خصم 20% وهذا النموذج مخصص لأصحاب الدخل المحدوود وجميع الطلبة يعتبرون من ذوي الدخل المحدود ، الفاتورة من على حسب عدد غرف الشقة فلو كانت غرفة وحدة فتقريباً من 40$ الى 60 $ ، ولكن ارجوا الأخذ في الإعتبار سعر البترول فهو الآن مرتفع وسعر الجالون قريب من 4$ مما يعني ان سعر التعرفة بيكون أغلا .

يعطيك العافية اخوي مجنونها
ابي مشورتك بخصوص السكن
انا مدة اقامتي بسان دييقو 3 شهور فقط
وش تنصحني بنوع السكن ؟؟؟
مع العلم ان المعهد بالداون تاون

ادري ان سؤالي مو بمكانة بس اعذورني
مجنونها ماقصرت على الردود استفدت منها بس حبيييييت اسال عن الفيزا
اانا مبتعثة من جهة عملي (جامعة) لاجيت اعبي الابلكيشن اكتب انتي مبتعثة من جهة عملي طيب زوجي وش احطة مبتعث من جهة عملي بعد والا من برنامج الملك عبد اللة والا الملحقية ؟
-ولدي لاجيت اعبي الابلكيشن لة وعمرة 6شهور وش احط دراستة وين درس وش غرض سفرة؟

هلا فيك

بالنسبة للابلكيشن حقك فتكتبي فية انك مبتعثة من الجامعة وبالنسبة للمرافق ابنك فأنتي تطلبين لة فيزا اف2 مرافق ولايهم مصدر الابتعاث ، بالنسبة لزوجك المرافق فعلى حسب لو كان بيدرس فتطلبين لة اف1 طالب وهنا لابد ان يكون معاة ضمان مالي أو شهادة بنكية ومصدر الابتعاث اللي اصدر لة الضمان البنكي ، ولكن لو تطلبين لة فيزا2 مرافق فهو نفس ابنك مايحتاج مصدر ابتعاث ولا يحتاج اي معلومات أخرى هو وابنك لأن المعلومات الأساسية يتبعون معاك فيها ، ولا تنسين ترى في تعبئة الابلكيشن بيكونون معاكي في وقت واحد حتى تحصلي على موعد في السفارة واحد لكم جميعاً ، اثناء التعبئة وقبل لا تخلصين الابلكيشن والتسجيل راح يجيك خيار اظافة مرافق وهنا راح تتضح أمامك كل الامور .

بالتوفيق

جزاك الله خير الجزاء أخي مجنونهـا

إذا سمحت ممكن رقمك عالخاص حتى يكلمك زوجي عن بعض الأمور

وشكرا مرة ثانية

الاخ مجنونها زميل لي يسأل وينتظر الاجابة هل نسبة 76 في المية الثانوية تكفي لقبوله في معهد ali وقبول مشروط لجامعة sdsu ام ان الجامعة والمعهد لن يقبله ارجوا الافادة