القادمين لساندييقو بكلفورنيا

السلااام عليكم
جزاك الله الف خير اخوي محروم من اللي في بالك وربي يكتبلك الخيره ان شالله في اللي اخير منه ^_* .
اولاآ اعتذر عن عدم ردي طول الفتره لان اخوك بصراحه مضيع الصفحه ^_^<<<مستحي .لان اول منتدى اسجلبه منتدى مبتعث ولما رجعت ادور الرد ابشوف جاني رد والا وانا ابلش اقلب بصفحات مبتعث ولا حصلته ومع الصدفه وانا اتمتع بتجولي بالمنتدى الرائع واعضائه اللي ترفع بهم الروس مثل :اخوي ابو بدر مجنونها والاخ محرووم من اللي في باله والاخ عبدالله السليمان وغيرهم من يساهم في نصح وتوجيه اخوانه واخواته جعلها الله في ميزان حسناتهم وسهل خطاهم الى كل خير وجدت السؤال اللي سئلت عنه ومضيعه يوم شفته مت من الضحك هههههه قلت بدري يابو الشباب وين انت مختفي .وصارت لي ضروف خلتني اتاخر على التقديم الفتره اللي راحت .
لاكن ابشرك البارح رحت لمكتب وطلبت منه يجيبلي قبول معهد وجامعه مشروط من sdsu وان شالله التخصص
هندسة ميكانيكية والله يسهل كل امر من عنده ويكتب اللي فيه الخير لي ولاخواني وجميع المسلمين .
بصراحه يا اخوي محرووم انا شغلتي بس فاتح هالمنتدى واتفرج عليكم كاني قاعد اشوفكم على قراءة الردود ولدرجة اني عشقت سان ديقو وانا جيتها <<<تراك طولتها اخلص
والله ماعندي شي
بس مشتاقلكم وحبيت اشكر اخوي محروووم على اجابته على سؤالي ويشرفني اني اتعرف عليك وعلى عبدالله السليمان بصراحه حبيناكم وحنا ماشفناكم اما الاخ الكبير والغالي مجنونها تم تشبيكه ^_* عسى الله يوفقه ويسهل دربه وحزنت كثير يم قالي انه انتقل كان نفسي اقابله اذا الله كتبلي وجيت لاكن ان شالله ربي يجمعنا بلقاء مع الاحبه كلهم في جنات النعيم .
اتمنى يامحروووم ترسلي ايميلك ورقم جوالك على الخاص للتواصل وشكر لك على جهوودك وتعاونك .
اخوووك : المهااااجر.

السلام عليكم اخوي حبيت اسال اي الجامعتين افضل كدراسه ومعهد لغه وسهوله قبول يونوفيرستي اف سان دييغو او سان دييغو ستيت يونوفيرستي؟؟

اخوي مجنونها انا راسلت واحد من اعضاء النادي وقالي ان الجامعة ماتقبل نسبتي وان الجامعة ماتقبل اقل من 80%

انت متاكد ان الجامعة تقبل نسبتي والا لا ..؟

وهل اقدر اني اراسل الجامعة واتاكد ... << هل فيه دفع رسوم ابليكيشن والكلام هاذا والا لا ؟؟

والله يعطيك العافية واسف اذا تعبتك معي بس اتمنى انك تفيدني

السلام عليكم ورحمة الله وبركااته ..

اناا ولد عمي طالب جديد وو ان شاء الله قبوله في san diego وو حبيت اعررف ارقاام واسمااء النادي السعودي في san diego

إدا ممكن احد يساعدني ؟؟

يعني الي افهمه من كلامك انهم راح يعطوني قبول غير مشروط ..؟

لو خذيت قبول غير مشروط ورحت الملحقية يعتبرونه قبول جامعي والا لا ..؟؟؟

السلام عليكم
هل معهد Embassy CES و Kaplan في سان دييغو مقفلة أو غير مقفلة ؟؟؟

الله يعطيك العافية

بالنسبة اذا كنت على حسابك الخاص ، فالموضوع بسيط اخوي والمعهد لدية نظامين في مايخص القبول المشروط :
الاول : انك عندما تقوم بالتقديم على المعهد وتعبئة الابلكيشن سوف تجد خانة تخص القبول المشروط فلو كنت راغب في القبول المشروط فسوف يطلبون منك تعبئة البيانات المطلوبة ودفع رسوم القبول المشروط وهذا كلة في نفس الابلكيشن الخاص بالمعهد وسوف يقوم المعهد بعمل كل شيء لك .
الثاني : انهم اذا وصلت للمستوى السادس او الخامس في المعهد فأن المعهد يقوم بأحظار قبول نهائي لك من الجامعة .

اتمنى اني وصلت لك المعلومات الكافية

وبالتوفيق