القادمين لساندييقو بكلفورنيا

السلام عليكم مسا الخير يالعميد
بيض الله وجهك علي خدمتك لخوانك والله نادر ااي مثلك
انا عندي كم سوال وماراح اطولها عليك
انا انشالله مراسل جامعة سان دييغو علي قبول وطالب قبول من معهد لكن قالو لي معهد الجامعه يبدا شهر 8 والفتره الثانيه شهر 1 طبعا 8 صعبه فعاد قالي المكتب نجيب لك قبول من معهد كابلن ولمي استفسرت بالمنتدي اكثر الشباب يقولون معهد كابلن مايصلح حق طلبه مبتدئين نهائياًً وانا بيني وبينك لغتي ضعيفه
فهل تنصحني ااخر سفرتي الا شهر 1 وادخل معهد الجامعه ياليت تفيدني واكون لك شاكر والله

بالنسبة لك اخوي فالمعهد يوفر عائلات وايضاً تقدر تنتظر حتى توصل وتتعرف على الشباب في المعهد وان شاء الله ماراح يقصروا معاك لأن منطقة المعهد كويسة وتتوفر فيها العائلات وليست كباقي المناطق .
وبالتوفيق

الأفضل لك تأخر دراستك لشهر واحد لأنك راح ترتاح من موضوع تغير المعهد وخلافة والشغلات اللي راح تتعبك ، مع العلم ان فية برنامج لغة يبدأ في منتصف فصل الخريف يبدأ في شهر 20 اكتوبر وانا وضعت لك معلوماتة والرابط .
IEC Session B
Oct. 20-Dec. 16
(9 weeks)
$2,995
Calendar & Fees | Learn English | American Language Institute (ALI) | SDSU

تقدر تلتحق في هذا البرنامج في نفس المعهد وشهر واحد ان شاء الله تواصل دراستك في البرنامج الأكاديمي .

بيض الله وجهك وجزاك الله خير بقول للمكتب علي
هالمعلومه لانه ماقالي عليها قال مافيه برنامج الا شهر 8 وشهر 1
جزاك الله خير ورحم الله والديك

مرحبااا
الله يعينك علينا يالامير كلمت المكتب وعطيته الرابط وقالي *هذي دوره ماتاهل للتوفل
ومايعطونك عليها قبول مشروط وانا والله يخوك ماني عارف علي حسب معلوماتك
معهد كابل يمشي الحال اني ادرس فيه شهرين او ثلاثه واحول علي معهد الجامعه
بداية السنه علي شهر 1 وهل التحويل سهل اذا كنت هناك ولا فيه تعقيد؟؟
ولا أجل سفرتي لشهر1 ياريت تفيدني او اي احد من الاخوه
وبخصوص جامعه سان دييغو هل هي جيده بالنسبه لخريجي البزنس وتعطي معادلات كويسه
انا تخصصي محاسبه وخريج الكليه التقنيه

وجزاك الله خير

أخوي مجنونها انا ب لوس انجلوس ومعي ايلتس 6.0 عندك خلفية هل بإمكاني الحصول ع قبول جامعي نهائي من جامعتكم ؟ ( بكالوريوس ) ؟

أخوي خالد من وجهة نظري تنتظر وتجي على شهر واحد أفضل بكثير من عملية الدخول في موضوع التحويل وغيرة . نصيحة أخ

اتوقع تستطيع ذلك ان شاء الله . توكل على الله وقدم أوراقك والمهم انك قريب من ساندييغو يعني تقدر كل اسبوع تنزل لهم تراجع في قبولك بعد التقديم لأنهم يحبون الواحد المزعج لهم واللي يلح على القبول.

اخوي مجنونها عندك فكرة عن إجراءات الامقريشن إذا بحول من معهد إلى معهد .. هل لازم اغير الفيزا لانها على اي تونتي قديم وعندي الجديد الان .. ؟ ولو لازم وين القى موقع الامقريشن بسان ديغو .. وكيف ؟

هلا فيك اختي الماسة .
اللي فهمتة انك دخلتي أمريكا بآي توني على معهد (كذا) ، وبعد دراستك بالمعهد فكرتي بالتغيير ، اذا كانت فاهم أنا صح ، فالخطوات التي لابد انك تعملية حتى تكون اجراءاتك نظامية كالتالي :
الخطوة الأولى : تقومي بمراسلة المعهد الجديد وطلب قبول منهم وذلك عن طريق تعبئة الأبلكيشن حقهم ودفع رسوم التسجيل ، وفية مربع في الأبلكيشن يسألونك فية هل انتي بأمريكا أو لا ، وطبعاً لابد ويجب ولازم أنك توضحي لهم أنك موجودة بأمريكا وتدرسين في معهد (كذا) وترسلين لهم صورة للآي توني حقك القديم .
الخطوة الثانية : راح المعهد الجديد يرسل لك خطاب (ترانزفيير ) التحويل لك على بريدك حتى توقعينة لهم من معهدك القديم وترجعينة لهم بالبريد او بالايميل .
الخطوة الثالثة : المعهد الجديد بعد ان يصلة خطاب الترانزفير اللي ارسلتية لهم سوف يرسلون لك الآي توني الجديد .
الخطوة الرابعة : تتوكلين على الله وتغادرين لمتابعة دراستك في المعهد الجديد .

طبعاً مثل ماشفتي أن الموضوع مايحتاج تبلغين فية الأمقريشن ولا شيء ، ولكن المهم هو في الخطوة الأولى فلو أنتي عملتي مثل ماقلت لك في الخطوة الأولى فتوكلي على الله ، ولكن لو حصل وكنتي طلبتي قبول من معهد جديد بدون أن تخبرينهم أنك تدرسين بأمريكا وبدون خطاب الترانفيير فلابد انك تبلغين معهدك القديم بالموضوع وتطلبين من معهدك الجديد خطاب الترانزفيير وتغيير الآي توني الجديد حقك .

وبالتوفيق