القادمين لساندييقو بكلفورنيا

بعد أن جاوبت فوق الحين بسأل ههههههه

هل أقدر أحول من معهد ELS إلى معهد جامعة في سان دييقو ؟؟ علما إني تابع لأحد الجامعات السعودية كعضو هيئة تدريس ؟
مشكورين

هل جامعة sdsu مقفلة من الملحقية ؟؟

اخي الكريم الولايات المتحدة
مشكور وما قصرت
طيب المفروض يسوون نادي نسائي خاص الحين في بريطانية واوربا فيييييه
خسارة والله ، المفروض يهتمون بهالنقطة ، وخاصة مثل ما سمعت ان هناك جالية مسلمة
العقل السليم في الجسم السليم ، فلسوفة ......
المهم
انا بدرس باذن الله في معهد els لان لها اكثر من فرع ب مريكا
وبالنسبة للسكن هيه معك حق
انا دفعت للسكن شهرين 2100 دولار مع العايلة
وبعدين بغير من هناك ان شاء الله
وواحد من الاخوان اعطاني رقم الحرمة العيوز يلي تأجر الشقق مع العوايل والله يختار الخير
والحين صدق ان دورة الواحدة مكثفة اكاديمية 1,645
وشبه مكثفة 1,595 دولار لكل دورة
والدورة مدتها 4 اسابيع
طبعا هم اخذوا المبلغ مقدم نصف سنة للمعهد
بس سؤالي الحين هي نفس الاسعار يلي قالولي ، ولا في فرق وايد ؟؟
وبعدين ما عليك امر
شو يعني المستكشف الامريكي يلي تقدمه الدورة ؟ 1,170 دولار لكل دورة
يعني اخذها ولا ما يحتاي !!!!!
وفي سؤال بعد عن التأمين الصحي ؟؟
هم قالوا لازم بس ما ادري هو لازم بالفعل ولا بس يبون يزيدون البيزات ....
والله يوفقنا واياااكم

أختي الكريمه اذا انتي لم تدفعي المبلغ فقط اخذوا منك رقم الفيزا بإمكانك تكنسلي السكن وتحجزي من الحرمه وتوفر عليك 220 دولار شهريا وتوفر عائله على مزاجك

هلا أختي الاتجاه المعاكس
والله شوفي أنا مبتعث من الحكومة يعني معرف في أسعار المعهد والتأمين الصحي ..
بس اللي مستغربه أن الفرق بين المكثفة وغير المكثفة فرق بسيط في الأسعار !!

بالنسبة للمستكشف الأمريكي والله مدري وشو !! أنا لي شهر تقريباً هنا بس يعني للحين ما اخذت الخبرةة الكافية..
اذا تبين اسأل لك عنها ابشري..
راح اسأل يوم الإثنين أو الثلاثاء وأعطيك خبر ..
بالنسبة للتأمين الصحي إيه لازم وضروري .. وأظنه إجباري بعد ..
وحتى لو ما كان إجباري .. راح يوفر عليك شيء كثير.. لا سمح الله لو تعبتي أو شيء وتبين مستشفى راح تدفعين مبالغ خيالية بدون تأمين ..
لكن هالتأمين تروحين تتعالجين فيه مجاناً في أي مكان وبأي وقت ..
وإن شاء الله الأخوة يفيدونك ويصححون لي إذا غلطت بشيء ..
الله يعطيك العافية وأي خدمة لك أو لغيرك من الأخوة أنا حاضر.. والبقية ماراح يقصرون ..

مشكورين على ردودكم وتعاونكم وجعله في موازين حسناتكم
انا اليوم الصباح دفعت كامل المستحقات وحسب علمي ما يرجعون المبلغ ، وان شاء الله بكلمهم وبشوف
المشكلة هني في دبي مب وايد مبتعثين امريكا،يعني الاغلبية يسافرون بريطانيا
بالنسبة لنوع الدورة
السموحة منك الاكاديمية 1,645
مكثفة 1,595
شبه مكثفة 1,230
وانا اخذت الثانية المكثفة
هيه ياليت لو تستفسر بالنسبة للمستكشف هذا واكون شاكرة
مديرة المكتب عراقية حبوبة بس مب وايد تعطيني المعلومات يلي ابيها
تقول كل تمااااام وبس
ولا تحاتين
توكلت على الله ونشوف شو بستوي ....
بارك الله فيكم

شباب تكفون احد يرد

الاخت عكس الاتجاه.. ابشري راح اسألك معن برنامج المستكشف وأي سؤال أنا حاضر .. ابمرهم يوم الأثنين اللي هو بكرة أو بعد بكرة ..

@@@

أخي الكريم ابو نك انقليزي طويل ماعرفت اقراه
حسب قائمة التعليم العالي ان الجامعة غير مقفلة .. ويمكن تروح لموقع وزارة التعليم العالي .. وتروح للجامعات الموصى بها وتختار ولاية كاليفورنيا مدينة سان دييقو وبتشوف الجامعة ( متكية ) هناك ..
الله يوفقك

لا حبيبي الجامعه مفتوحه بس انا استفسر عن معهدها والى الحين مافي احد رد

في انتظار اخونا مجنونها

طبعاً تقدر اذا سمح لك المشرف واعطاك الموافقة على التحويل