القادمين لساندييقو بكلفورنيا

فندق هولدي ان في لاميسا

وبالتوفيق

سلام عليكم اخوي مجنونها...
اخوي انا سفري بعد العيد ع سان ديقو ان شاء الله بس لازم امر الملحقيه ؟؟وتكفى ياخوك تقدر تشوف لي سكن بسان ديقو قريب من معهد ef بس يكون رخيص من غرفتين تكفى ياخوك ؟ لاني مو عارفه وين اروح
واذا عندك خلفيه عن طريقه التسجيل عن طريق البوابه تكفى دلنا عليها لو بالصور
المعذره والسموحه ع الاطاله...

أختي غيوم هلا فيك وتوصلي بالسلامة ان شاء الله

بالنسبة للسكن فمافية اي مشاكل ان شاء الله انتي اول ماتوصلي تعطي سائق التاكسي عنوان المعهد وفية قريب من المعهد فندق الهولدي ان ، تقدروا تأخذوا فية أو ليلة واليوم الثاني تروحوا للمعهد وان شاء الله اكون رتبت لكم احد الشباب المتزوجين يساعدونكم اول ماتوصلون ان شاء الله ، المهم انتي اعطيني خبر قبل سفركم بيومين برسالة خاصة .

بالنسبة للبوابة الالكتورنية فالجميع هنا محيوسين فيها وفيها تعطل كثير .

وبالتوفيق اختي

مجنونها انا سالفتي سالفه مع جامعه سان دييقو
ياريت تفيدني بالخلاصه
انا عندي قبول في اوهايو قبول مشروط
وراسلت الحامعه عن طريق مكتب والمكتب فلسفته زايده يقول انسى شي اسمه قبول مشروط بامريكا وانا عندي اصلن قبول في اوهايو
المهم راسلناهم ويقولي المكتب تدرس لغه بالجامعه وبعدها تختبر توفل اقوله يابني ادم افهم انا احتاج قبول من غير توفل بعد اجتياز معهد اللغه
يقول مستحيل شلون بدون توفل شسوي اطقه هذا عشان يفهم
جابلي قبول المعهد طبعا رفضته لاني احتاج قبول معهد وجامعه لاني مبتعث عن طريق العمل
اللي احب اعرف هل الجامعه تعطي قبول مشروط من غير توفل بس الاكتفاء بمعهد اللغه والا لا
اذا تعطي قبول مشروط شلون احصل عليه لانه المكتب هذا طفرني بكلمت امبوسبول وينقز عيونه
وشاكر لك واللي يرد يفيدني لو بالخاص بعد وشكرا

السؤال : هل انت طالب دراسة ماجستير أو دكتوراة أو بكالوريوس؟

عموماً بالنسبة لدراسة الماجستير فالقبول المشروط فية صعوبة لأن الجامعات تطلب اشياء غير التوفل وحتى لو كان لدى الجامعة معهد تابع لها فهي تقبل الطالب المتخرج من معهدها بدون اختبار توفل ولكن في الغالب يطلبون جيمات او جي ار اي .
بالنسبة للدكتوراة فهذا شيء مستحيل انك تحصل على قبول مشروط .
بالنسبة للبكالوريوس فالقبول المشروط عادي وسهل الحصول علية .

عموماً فية جامعات ماتعطي قبول مشروط للماستر ولكنها تقبل الطالب المتخرج من معهدها بدون توفل ، وفية جامعات تعطي قبول مشروط وهي لايوجد بها معهد تابع لها .

المهم جامعة ساندييغو ستيت للماجستير ماتعطي قبول مشروط نهائياً ولكنها تقبل الطالب المتخرج من معهدها واسمة ALI بدون اختبار التوفل ، بمجرد ان الطالب يصل للمستوى السادس ويقترب من الانتهاء من المستوى السادس يقدر يحصل على التوفل ويفر من المعهد وبالشيء هذا يقدر الطالب دخول الجامعة بدون اختبار توفل ولكن الجامعة تطلب جيمات وجي ار اي على حسب التخصص .

شكرا مجنونهاه

انا تخصصي ماجستير قانون وتخصصي في جامعه سان دييقو بس
يعني اللي فهمته ان الجامعه تقبل بعد تخرجي من معهدها
شلون اخذ قبول منهم بشرط معهد اللغه عشان اطلع فيه قرار البعثه
والمعهد الليفل كل شهر

هلا فيك الجامعة للماستر ماتعطي قبول مشروط ولكن حاول ، المعهد من اقوى معاهد أمريكا ولكن السعوديين فية كثير جداً ، عدد مستويات المعهد 6 مستويات ودراستهم عبارة عن سيمسترات يعني كل مستوى مدتة 4 اشهر .


وبالتوفيق .

أخواتي

السلام عليكم ورحمة الله وبركاتة

فية كلية تصنيفها عالي وطلباتها صعبة جداً في قبول الماجستير ولكن في واقع الأمر مديرة الكلية جداً انسانة رائعة وسهلة في القبول ، وطبعاً الكلية للبنات فقط وتعطي درجة الماجستير في التربية والتيتشنق .

اسم الكلية
SALEM COLLEGE

على من ترغب في التسجيل في الكلية مراسلة الدكتورة سوزان دايركتر الكلية مباشرةً أو مراسلتي وارسال الملف لي وأنا بدوري أقوم بتوصيلة للدكتورة مباشرةً .

وبالتوفيق للجميع

وبالتوفيق اخوي والله يوفقك