القادمين لساندييقو بكلفورنيا

السلام عليكم انا واخوي ان شاء الله بعد ثلاث ايام بنحرك لسان دييغو وابي الافادة بسرعة لاهنت انا طبعا اول ما اجي بسكن بسكن الجامعة ابي اعرف هل نقدر انا واخوي نسكن بنفس الغرفة ؟
وكم عدد الطلاب الى بالغرفة الوحدة ؟ وطبعا انا واخوي نبي نستقر شهرين وان شاء الله بنطلع نسكن لحالنا بسكن قريب للجامعة علما ان جامعتي University of San Diego والمعهد بنفس الجامعة وابي الاسعار كم تقريبا و... بث

توصلون بالسلامة ومن العايدين ان شاء الله

السكن الخاص بالجامعة متوفر وتقدري عن طريق المعهد تنسيقين لأخذ سكن ولكن انتي وأخوك مع بعض هذا الشيء اللي ما اتوقع انكم تقدرون تسكنون مع بعض لأن السكن عبارة عن شقة فيها اكثر من غرفة وعادة الغرفة فيها شخصين وكل الموجودين بالشقة جلستهم مع بعض في الصالة ويستخدمون مطبخ واحد . ولكن السكن بالقرب من المعهد وعلى بعد خطوات متوفر وفي مجمع راقي عند تقاطع الاشارة وبالقرب من محطة القطار .

بالنسبة للسكن لا تستعجلي حتى تستقري على المعهد بشكل نهائي لأنة وعلى حسب معرفتي بالمعهد فهو ليس من المعاهد القوية والتي نوصي بالدراسة فية ولكن حكمي هذا بحكم معرفتي التامة بالمعهد وبأدارتة قبل اكثر من 6 اشهر واحتمال ان يكون الوضع قد تغير للأفضل ما اعلم عن الشيء هذا .
ولكن لو الوضع بقى مثل ما اعرفة عن المعهد فلابد لك من تغيير المعهد لمعهد أقوى وأفضل هذا الشيء تقدري تحكمي علية بعد وصولك وسؤالك لأكثر من شخص بالمعهد او بالمنطقة .

بالنسبة لأسعار السكن في منطقة الجامعة فهي غالية نسبياً مقارنة ببعض المناطق والشقة المكونة من غرفة اتوقع تبدأ اسعارها من 1200$ وأكثر .

على العموم اتمنى لك التوفيق .

أخوي كم أسعار الشقق البعيده عن SDSU و القريبه لها ؟

الأسعار متقاربة كثير جداً ولكن الأختلاف يكون في مدة العقد .

على العموم الاسعار للشقة الغرفة الوحدة تبدأ من 900$ الى 1400$
والاسعار للشقة الغرفتين تبدأ من 1250$ الى 1600$

وبالتوفيق

السلام عليكم ..
مرحبا أخوي مجنونها كل عام وإنت بخير ..
أخوي أنا بغير من معهد لمعهد وطلبت مني المشرفه بعض الاوراق من بينها
" ورقة تعهد بعدم تغيير المعهد " هذا النموذج وين أحصله ؟؟ دورت عليه في كل مكان مالقيته ..
فلو تكرمت بحكم خبرتك ممكن تزودني ببعض المعلومات أو بنفس الورقه هذي .
وشكرا جزيلا لك ..

اذا مالقيتة في موقع الملحقية بين النماذج فأكتب لها ورقة عادية وتعهد فيها انك ماتطلب تغيير المعهد مرة ثانية .

مع اني مالقيتة في موقع الملحقية بين النماذج واتوقع الخيار الثاني هو المتاح لك ، ولكن قبل تسوية ارسل ايميل للمشرفة تشرح لها الموضوع ووضح لها انك بتسوية بنفسك.

وبالتوفيق

اخوي مجنونها الكليه اللي تكلمت عنها وقلت انها للبنات فقط ايش الاقسام اللي عندهم
وهل فيها ماجسير قانون

السلام عليكم
كل عام وانت بخير اخوي مجنونها وينعاد عليك بالصحه والعافيه يارب
انا قد حطيت استفسار في هذا الموضوع لكن للاسف ما جاني رد لكن انا مقدر ضروفك وعارف انه الاخوان ما يقصرون بالاساله هههههههههه انا جديد في سان دييقو بس ان شاء الله بحاول اساعد الاعضاء معك باللي اقدر عليه
انا راح ادرس في المعهد التابع لUSD ان شاء الله والحمدلله لقيت سكن مؤقت موقعه حلو لكن للاسف غالي ولا يستاهل السعر صراحه بس ما لقيت الا هو قلت اخذه شهر او شهرين امشي حالي فيه الين القئ احسن منه
فما ادري اخوي اذا تعرف حل افضل او احد ممكن يساعدني
مشكور اخوي والله يعطيك العافية

التخصصات : تيتشنق & اديكيشن

هلا فيك
اذا كنت عزابي :
بالنسبة للسكن هل تواصلت مع ادارة المعهد في توفير سكن في سكن الجامعة المقابل للجامعة والمعهد ، هل بحثت عن عائلة ؟
اذا كنت متزوج ومعاك عائلتك فالمنطقة القريبة من المعهد بالفعل اسعارها غالية ولكن تقدر تبحث في مناطق قريبة وبيكون سعرها اقل .