القادمين لساندييقو بكلفورنيا

أول شيء انا اسف جداً ووالله اني لم اشاهد موضوعك ، وأتمنى تتقبلي اسفي واعتذاري .

بالنسبة لمعهدك فهو في الداون تاون وافضل فندق هو فندق كومفورت ان القريب من المطار وانا فاتح لديهم حساب بأسم الطلاب السعوديين انتي فقط قوليلهم انك طالبة سعودية ، ولا تنسين فية فرعين للفندق انا متفق مع اقرب واحد من المطار .

بالنسبة لموضوع ايجار الشقة فللأسف مافية شقق مفروشة بالشهر قريبة من المعهد ، وبالنسبة للداون تاون فية مجمعات كثيرة سكنية وجميلة ولكن تعتبر اغلا من مناطق غيرها بساندييغو ، على العموم اختي انتي انتبهي تستأجري شقة عقدها اكثر من 3 اشهر مهما يكن لأنك سوف تغيرين معهدك عاجلاً ام آجلاً لأن المعهد مايعتبر من المعاهد القوية ، انتبهي من مدة العقد .
وعلى العموم حاولي تستأجري في منطقة لاميسا بالقرب من محطة قروزمنت للترولي لأن فية هناك مجمعات حلوة وارخص في السعر من السكن بالداون تاون والأهم من السعر هو ان المجمعات هناك بتلاقين فيها اللي مدة العقد 3 اشهر واقل .

مرة أخرى اتمنى تتقبلي اعتذاري على التأخير في الرد

وبالتوفيق اختي

السلام عليكم،
استاذي انا باذن الله وصولي بعد كم يوم للدراسه بمعهد UCSD لكن المشكله في السكن حاولت ولم اوفق لعدم ذكر المده الازمه للعقد وعدم وضوح السكن بشكل عام.
هل يوجد اي سكن لمده اسبوع اسبوعين بالكثير قريب من الجامعه ورخيص حتى ابحث عن السكن المنااااااااسب
.لكم جزيل الشكر

هلا فيك

بالنسبة للسكن المؤقت بيكون عادةً غالي جداً ولكن السؤال هل انت متزوج وعائلتك معاك أو عزابي ؟

عموماً تقدر تأخذ فندق يومين او ثلاثة حتى تتعرف على احد الشباب بالمعهد وان شاء الله مايقصرون معاك .

وبالتوفيق

السلاام عليكم أخوي مجنونها الله يجزاك بالجنه ساعدني أنا الحين أبي أروح على حسابي لكاليفورنيا لأنهم ما قبلوني في المرحله السابعه و أبغى منك بس تعلمني وشلون أجيب قبول معهد و اذا جبته لازم يكونون محددين لي يوم المعهد عشان أصير موجود ولا أي يوم أجي؟
و ألاشياء المهمه اللي لازم أسويها قبل ما أروح ايش هي؟ ..
و اذا رحت أمريكا أقدر التحق بالبعثه و يرجعون لي الفلوس؟ و كم ياخذ وقت عشان التحق بالبعثه و مشكور.

اخوي عبدالعزيز

راح أجاوبك على اهم سؤال وهو كيف تبدأ مشوار الدراسة بالخارج وبعد ماتخلص ان شاء الله اسأل عن الأمور الثانية :
الخطوات كالتالي :
تروح لمكتب يحظر لك قبول معهد بشرط المعهد يكون قوي وتابع لجامعة + قبول جامعة مشروط .
بعد وصول الآي توني لك واستلامة تبدأ في اجراءات استخراج الفيزا .
بعد استلام الفيزا تطلع التذاكر وتسافر .

طبعاً التاريخ المحدد لك في الآي توني لبداية الدراسة انت ملزم فية تحظر في نفس التاريخ .
بالنسبة للأنظمام للبعثة فمتاح وان شاء الله تنظم وبالنسبة للتعويض فيعتمد على وقت انظمامك للبعثة ووقت دراستك فمثلاً لو كنت في بداية السيمستر بالمعهد فيعوضونك عن هذا السيمستر اللي انت فية وتبدأ بعثتك بتاريخ انظمامك .

بالنسبة للأمور المتعلقة بالسفر والنصائح والمعلومات خليها لوقتها .

وبالتوفيق

السلام عليكم ورحمة الله وبركاته الله يجزاك بالخير اخوي مجنونها ويوفقك الى مايحب ويرضى.

انا ضابط مبتعث من وزارة الدفاع والطيران تخصص علوم حاسب الي وعندي بكالوريوس علوم عسكرية علما اني متخرج من الثانوية علمي عام 1418 نسبه90% ومن الحربية 1422 لاني درست سنه في جامعة الملك سعود. وعندي بعض الأسئله...

1__ هل يعادلولي في الجامعات الامريكية شهادة الكلية الحربيه وادرس ماجستير او يعادلولي بعض الساعات وادرس بكالوريوس.

2__ في مكتب خيرني بجامعة كنتاكي وبجامعة في تكساس وجامعه university of san diego واخترت ساندييقو. ابي رايك في اختياري علما ان المكتب جاري القبول عليها.


3__ وش رايك بولاية فرجينيا او اي ولايه اواي جامعه تنصحني فيها قريبه من الملحقيه كخيار ثاني. والله ييسرلك كل ماتريده...

لو سمحتو هل معهد جامعة سان ديييغو ستات مسكر او لا ياليت تخبروني ضروري هاليومين بقدم

تكفون ياهل سان دييقوو ساااعدوني

سلام عليكم
يشرفني اخي الكريم ان يكون اول مشاركة لي في موضوعك الرهييييب .
الله يجزاك خييير وان شاء الله تحقق مبتغاك .
ان الحمد لله حجزت على معهد كابلان 3 اشهر في سن دييغو . وجاني القبول و الاي تونتي واموري الحمد لله .
انا بداية الدراسة ان شاء الله 14 نوفمبر . نعيد الاضحى ونمشي . ان شاء الله
ان الحمد لله بعد اسبوعين بال الكثير بيكون في يدي قبول مشروط تمريض .
شرايك في معهد كابلان .
للمعلومية انا الي حبيت اروح معهد تجاري مو تابع لجامعه . (رغبتي الخاصه )
اكييد انت تفضل والاغلبية يكون المعهد تبع لجامعه بس المعهد لان يعطيك اكثر من 30% لو افضل معهد في العالم .
وكيف الطقس في نوفمبر و ديسمبر و يناير وفبارير .
انا حجزت مع المعهد سكن مع عائلة مع 14 وجبة في الاسبوع ب 900 دولار هل السعر غالي ام عادي .
ربي يعطيك الف عافييية

هلا فيك اخوي

بما أنك جاي فقط 3 اشهر فأختيارك للمعهد مناسب جداً ، بالنسبة للأجواء فهي ممتازة ورائعة وخاصة ان معهد يقع في افضل مناطق ساندييغو واسمها لاهويا ، أختيارك للسكن مع عائلة أختيار موفق جداً وراح تستفيد كثير .

أمورك على حسب كلامك فهي ممتازة والله يكتب التوفيق حتى ترجع سالم غانم لأهلك .

وبالتوفيق