القادمين لساندييقو بكلفورنيا

السلام عليكم

انا جاي على سان دييغو بداية سنة 2013 بإذن الله على معهد ALI اللي يقدر اساعدني وفيدني من ناحية السكن مع عائلة

في باللي انه اسكن مع عائلة امريكية وانا اتراسلة مع وحده اسمها روزي الصراحه ما ادري ويش فيها هالأدمية طلبت شروط بسيطة حمام خاص وانت بكرامه والجنسية امريكان الأصل

وما يكونوا عجائز جاني الرد مثل القصف عليي تقول انه لا استطيع توفير سكن حسب متطلباتك وما عندهم الجنسية الي طلبتها كأني رايح باكستان مو امريكا قالت ليي عن السكن الجامعي

ورديت سألتها ويش الجنسيات الي عندكم قالت انه ما تقدر تحدد

وردت قالت ليي اقدر اساعدك بسكن الجامعي حسيت انه موضوع توفيرهم لي سكن مع عائلة بدون شروط وحظك نصيبك يمكن مع عجائز وقاعدين على كراسي متحركة والأوكسجين على فمهم او شباب

والبيت مليان أطفال وازعاج او انه يكون مقهى للمبتعثين السعوديين او غيرهم من الجنسيات انا اشوف من حق انه اشرط بس نظامهم ما عجبني واتصفحت في المواقع مافيه اي مصداقية وليي يقول ليي ادفع

مقدما 500 حق الحجز مافيه امان ولا مصداقية ولا شي يضمن انه يجيني ويستقبلني في المطار و من ناحية سكن الجامعي حدث ولا حرج ما ينفع ابدا وهذا من تجربة اشخاص وفكرتهم عنه

اتمنا الي يقدر افيدني وساعدني يراسلني على الخاص ولكم جزيل الشكر

بالتوفيق

العلم طال عمرك سلامتك

احجز على موقع بوكنق في فندق قريب من المعهد ابو اسبوع او 10 ايام . واول ما توصل بالسلامة اسال عن الشقق الايجار واستاجر لك شقه شهرين

وخلال الشهرين دووووووووووور بعينك عائلة تسكن معها

شباب انا جاني قبول مشروط من جامعة SDSU ومعهدها التابع لها ALI بس ماني عارف حالة المعهد هل هو مغلق من قبل الملحقية او لا لاني تصفحت موقع الوزارة للمعاهد المغلقة والمتكدسة ما حصلته وفتحت موقع الملحقية ما حصلته واتصل على الملحقية عشان اتاكد ما يردون مع ان مقابلتي بالسفارة بعد 5 ايام يعني بضيع الي يعرف عن حالة المعهد يقول الله لا يهينكم

السلام عليكم
اخوي عندي استفسار فيه جامعات في كاليفورنيا تقبل درجة الايلتس 5 في الماستر او شهادة لغة تابعة لجامعة ثانية اقدر اقدمها وياخذون فيها

سلام عليكم .. يا جماعه الخير انا قدمت على قبول مشروط في جامعه sdsu وأموري تمام الحمدلله وخلصت كل شئ .. وأبي اسأل عن معهد الجامعه كيف وضعه ؟ هل هو مليان سعووديين ولا لا ؟ والجامعة كويسه و لا لا ؟ .. اتمنى الافاده وشكرا

السلام عليكم ورحمه الله،
اخ BE NORMAL، المعهد غالبيه الطلاب الي فيه سعوديين. ولكن سمعته جيده و البيئه الدراسيه كذالك.

طفلك ممكن يلتحق ب مدرسه تقع محل السكن (نفس الحي الي انت ساكن فيه)لذالك احرص علي السكن في مناطق جيده لان ذالك ينعكس علي المدرسه و البيئه.
طفلك يدخل ل التمهيدي.

علي حد علمي لايوجد جامعه ب سان دييقو تقبل ايلتس ٥ او اي معهد غير تابع لها . الله يسهل لك.

طيب وبالنسبه للامان فالمدينه ؟ يعني امان المدينه ولا لا ؟ .. معهد ALI موقوف حاليا ولا لا ؟

بالنسبه للامان فالحمد لله المدينه امنه ، انا عن نفسي و البنات الي اعرفهم ماصادفنا شي و الحمد لله و الواحد يبتعد عن الاماكن المشبوهه و خصوصا اخر اليل . المدينه جميله جدا و لا تدردد عيبها الغلاء فقط .