القادمين لساندييقو بكلفورنيا

دراسة اللغة يكون القبول نهائي وأما القبول المشروط يكون في الدراسة الجامعية
وأنت تقدر تجيب قبول من معهد متكدس ولكن الوزارة ما راح توافق عليه ولا بتعطيك ضمان مالي على معهد مغلق أو متكدس
اما اذا بتدرس على حسابك تقدر تجيب قبول وتدرس في المعهد حتى لو كان متكدس

سلام عليكم

يعطيكم العافيه

الله يسعدكم انا انقبلت في معهد كنكت في سان دييغو مدري تنصحوني فيه ولا لا ، الي يدرس فيه ولا يعرف عنه شي يعلمني

والشي الثاني انا محتار مدري اروح ادرس البكلريوس برى ولا لا

والشي الثالث المدينه كيف حلوه ونظام العالم هناك كيف

افيدوني الله يسعدكم


( تمت المشاركة باستخدام تطبيق مبتعث )

ابي عائلة او سكن مناسب لمدة شهرين جنب كونكت انجلش سواء لاهويا او مشن فالي
فزعتكم تكفون انا جاي هذا الاسبوع والوقت ضيق


( تمت المشاركة باستخدام تطبيق مبتعث )

احذروا حذروا احذروا تدرسون بالمعهد هذا. سيء جداً. نصيحه لكم أنا درست فيه ٣ أشهر وطلعت منه ولله الحمد. للأسف مضيعة للوقت. فقط تعامل الاداره ممتاز. لكن أنا أتكلم عن المدرسين والمناهج. للأسف مقلب كبير جداً جداً. واي شخص راح يدخل المعهد فليعلم انه يضيع عليه أشهر من البعثه. وانا دخلت للأسف من نصيحه شخص اكتشف مؤخراً انه يأخذ عمولات من المعهد. حسبي الله ونعم الوكيل عليه.
لكن فعلا فقدت مدينه سان دييغو. ما اجمل العيش في هذه المدينة. لكن مستقبلي اهم حاجه. وربي يوفقكم

السلام عليكم ورحمة الله وبركاته .

انا لي فتره ب سان دييغو ومعهدي في الداون تاون ع 5th .
المهم حبايبي انا متوهق مع السكن
ابي سكن سعره معقول وقريب من المعهد ويكون نظيف
السكن مشكلة " من زان سكنه زانت نفسيته "

اللي يعرف شي ياليت يفيدني
وشكرا

عندك ال ava cortez hill

٧٥٠$ شهري بدون عقد ماثث ومفروش مع روميت رهيب


( تمت المشاركة باستخدام تطبيق مبتعث )

ياشباب انا ابي سكن قريب من sdsu ali
ستديو او غرفه وصاله والي يعرف لا يبخل علينا ولو بمعلومه
والله يوفق الجميع

موجوده كثير حوله فيه واحد مشترك واتوقع فيه عادي

لفلف هناك وتلقى واحد من اخوياي يشوف المعهد من الدريشه !! ستديو


( تمت المشاركة باستخدام تطبيق مبتعث )

يا اخوان انا ابحث عن سكن في داون تاون سان دييقو .. يا ليت تفيدوني انا بعد .. وارغب بالسكن وحدي والله بدون روم ميت ..
ستديو او شقة بغرفة وحدة يكون سعرها معقول في مكان امن .. لاني تعبت من البحث وما اعرف المناطق الكويسة ..

انا جاي ان شاء الله بعد شهر

السلام عليكم اخواني انا ان شاء الله رايح ل سان دييغو على حسابي الخاص اخذت قبول من معهد international academy of english هل المعهد كويس او لاا لان بداية دراستي 16 من الشهر الجاي تكفونننن رد سريع و جزاكم الله خيرر