القادمين لساندييقو بكلفورنيا

يعطيك العافية اخوي مجنونها على ردك

يعني اخوي تنصحني فيها ؟؟ والله اني خايف من الاسعار .. لاني معتمد على ربي ثم على راتب البعثة

رايك انها تكفيني ؟

يعطيك العافية اخوي

لا ما راح تكفيك وخررررررر........

ههههههههههههههههههه
ليه كذا طيب صديت نفسي مرة وحدة

واحد من الشباب يقولي في المدن الصغيرة تقدر تصرف نفسك اما في المدن الكبيرة ما تقدر

ايش رايكم في الكلام ؟

يعطيك العافية تركي على ردك

بالنسبة للمكافأة وهل تكفي أم لا ؟

هذا السؤال اجاابتة عندك انت لوحدك ولا أحد يستطيع ان يحكم على الموضوع .

السبب بسيط وواضح ومايبيلة فلسفة زااايدة ... اذا كنت جاااي علشااان تدرس وتتعلم يعني هدفك الشهادة فقط فرااح تكفيك المكافأة وتزيد ان شاء اللة . ولكن اذا كنت راعي سهرات وطلعات وقهاوي .... فهذا شيء أخر .

المهم في كلا الحالتين تقدر تضبط مصروفك على قد دخلك .

اتمنى من الأخوان ان لا يعمم تجربتة الخاصة على باقي الناس لأن كل شخص ولة مقدرتة الخاصة على التعايش والتكيف في كل الظروف ...

زي ماقال أخوي مجنونها وكلامه كله عين العقل والشي يعتمد على الشخص نفسه

فمثلا العوائل في سان دييقو تتراوح أسعارهم مابين 650 الى 850 مع وجبتين باليوم

فلو تفكر ان صرفك بيكون عالباصات والباص له اشتراك شهري قدره 65 دولار

فيبقى معاك حول الف دولار تقدر تدبر عمرك فيها اذا انت إنسان ماتصرف كثير

أما إذا كنت راعي ستار بكس ودخان وطلعات ومن هالكلام فما اتوقع إنها بتكفيك

وبالتوووفيق للي جايين وأنا لي أسبوعين هنا وقبل أجي إستفدت من أخوي مجنونها كثير والله يعطيه العافيه

على الخدمه اللي قاعد يسويها رغم إنه بفترة إختبارات وما أقول إلا الله يوفقه دنيا وأخره

ونصيحة شخصيه للي بيجون يتقضون من السعوديه أفضل وكل شخص له شنطتين بالمطار وأنا أتكلم عن مطار

واشنطن لمى بتجي على سان دييقو والشنطه الوحده لاتزيد عن 55 باوند وإلا بتدفع 125 دولار عن الكيلوات الزايده

ولاتنسون تنوعون بالملابس الصيفيه الشتويه والله يووووفق الجميع

يعطيك العافية اخوي مجنونها على ردك

بالنسبة ليا انا ماني راعي قهاوي او دخان الحمد الله

بس الا مالواحد يشتري ملابس من هناك .. او جزمة الله يكرمك (اقصد يتبضع من هناك) او اجهزة اليكترونية

وايش احسن المدن في كاليفورنيا اللي فيها جامعات معتمدة من حيث رخص التاكاليف وبعدين عن المكسيك عشان هذا المرض

وهل في جامعات سهلة قبولها هناك ؟ انا قسمي حاسب الي

يعطيكم العافية شباب على ردودكم الطيبة

كفييت ووفييت يالذيب ............ اللة يسلمك

انا ما اقول صم عن الخروووج نهائياً ..... تقدر تشتري اللي تبي ولكن الاسعار مو مثل اسعار السعودية ... الاشياء الاساسية جيبها معاك من السعودية ....... وأنت حاول كل شهر تجمع لك مبلغ وبعد ثلاثة شهور سوي بالمبلغ اللي وفرتة اللي تبي .... كذا احسن من وجهة نظري..

كالفورنيا وبالتحديد فية جامعات معترف فيها كثيرررررة .... وترااا التخوف من انفلونزا الخناازير موجود عندكم في السعودية فقط أما عندنا فواللة مافية اي شيء ولافية خوووف ولا يحزنوووون .... يعني طمن بااااالك ...

وتوصل بالسلااااامة ان شاء اللة