القادمين لساندييقو بكلفورنيا

مسـا الخير مجنونها .. ان شاء الله انت بخير ؟؟

مممم عندي مشكله .. احس اني محتار بين دنفر الحين وسان دييغو مع اني قبل كم يوم كنت مرتاح لـ سان دييغو الحمدلله و واثق اني بنتقل لها بس الحينه صرت متردد والمشكله هي ..

اني الحين بمعهد في دنفر تابع للجامعه وانا بـ لفل 5 .. فـ باقي لي لفل 6 لو خلصته بدخل جامعة كلورادو دنفر بدون توفل أو آيلتس .. بس المدينه انا مش مرتاح لها ابد ولا الجامعه لأنها ضعيفه وسيئة السمعة بالغش ..

وبنفس الوقت مرتاح لـ سان دييغو ولكن خايف لو انتقلت لـ المعهد وامتحن تحديد المستوى يخلوني بمستوى شوي نازل وبذلك يروح علي كورس الجامعه اللي يبدأ شهر 1

ش رايك عزيزي محتار على الآخر ماعرف ش اسوي .. هل ارضى بجامعة كلورادو دنفر ولا انتقل واغامر لـ سان دييغو ..

يا اخوااااان انا بساندييغو ,, وحسينا بهزة ارضيه .. شسااااااااالفه ..

تابعوا الخبر عن طريق قناة cnn

فعلا .. حسيت الغرفة اللي انا فيها .. تهتز .. وكانه موووج يلعب فيني .. !!

سلام عليكم


اخوي مجنونها بغيت اسألك

جامعة SDSU

تقبل الآيتلس تست ؟؟؟


ولا لازم توفل ؟؟؟؟؟؟؟؟؟



لاني سمعت ان الايتلس جدن سهل

انا ضد اللي يغير مقر دراستة بسبب المدينة وامورة كلها ماشية ، خليك في معهدك وادخل جامعتك وخذ شهادتك وارجع لبلدك، بدل ماتغير وتدخل في متاهات القبولات

بالفعل كان فية كذا هزة ارضية اليوم ولكن الحمدللة كانت خفيفة ولم ينتج عنها اظرار .
بالنسبة لي حدث وانا في الاسكاي بيتش وبصراحة صارت معاي وانا في السيارة واستمتعت بهزة السيارة وكأنها ترقص .

لكل اختبار مواصفات ومميزات عن الآخر

اولا : احب اصبح وامسي على كل المشاركين بالموضوع المفيد صراحه
واخص بالذكر الاخ (مجنونها) لما له من اسهامات فاعله ومفيده حقيقه في الرد على جميع الاستفسارات والتساؤلات التي ترد من جميع الاعضاء فجزاه الله عنها خير الجزاء وستجدها ان شاءء الله في ميزان حسناتك

ثانيا : لدي استفسار عن معهد ALI بسان دييقو هل هو مقفل او لا؟
لاني قدمت على مكتب وقلته ALI مقفل وقال لي صاحب المكتب لا اذا كنت بتاخذ قبول معهد وجامعه مايشملك الاغلاق للمعهد ؟
للمعلوميه انا بقدم على سان دييقو ستيت يونيفيرستي فهل المعهد مقفل ؟

واذا كان مقفل وش الحول البديله ؟

اذا كنت طالب مبتعث ولا طالب ترغب في الانظمام للبعثة فالمعهد مقفل ولكن لو جاااي تدرس على حساابك الخاص فماعندك مشكلة .

يا عيني عليكـ . . جميل انك استمتعت بالهز وانت داخل السيارة ..

الاهم انك استمتعت .. هذا اهم شي .. غيرك تجيه الروعه ولا يدري وش يسوي


طيب يالغالي .. عندك معلومات عن الايجارات في منطقة 600 street - B

Embassy CES Suite 1700 هذا اسم المعهد

محتاجين سكن قريب في lamisa اذا تعرف فيها شي

يا ليت الرد يكون برساله ..

يعطيك العافيه اخوي مجنوها

انا بدرس على حسابي الخاص وبعدها بحول على البعثه ان شاء الله

يعني المعهد مقفل بالحاله هذي ما اقدر ادرس فيه ؟؟

وهل يعيق اجراءات انظمامي للبعثه ؟

طيب في حالة اذا كان مقفل وش افضل معهد غير ALI ويكون معترف فيه بالوزاره وبالجامعه ؟؟؟

واكرر شكري لك اخوي مجنونها

والله يجزاك الجنه ويسهل امورك وينور دربك ويجمل حالك