القادمين لساندييقو بكلفورنيا

الله يجزاك خير طمنتني
وبإذن الله يكون وصولنا قبل الدراسه بوقت كافي ومانستغني عن خدماتكم

انا دخلت الموضوع اول صفحة عن طريق قوقل لقيته من شهر 3 عام 2009 يعني قبل سنة وشهرين، توقعت يكون مات الموضوع ولا عاد فيه الا اسئلة وقلت يمكن كاتب الموضوع كان متحمس وكتب الموضوع قبل سنة والحين مشغول بنفسه وتارك الموضوع

بس رحت مباشرة على اخر صفحة لقيته نفسه هو كاتب اخر مشاركة ومجاوب على الاستفسارات كلها طوال مدة سنة وشهرين بدون كلل او ملل!

ما عندي اي سؤال بس ما ادري وش اقول لك يا مجنونها غير اني ادعيلك بالتوفيق واسأل الله ان يسهل لك طريقك وينور دروبك ويغفر ذنبك يا رب

كيف التأمين الصحي في كالفورنيا بشكل عام ؟؟
يقولون تم الغائه هل هذا صحيح ؟؟

مافهمت شنو المقصود من كلامك حتى استطيع اجابتك.
هل المقصود ان الملحقة الثقافية الغت التأمين الصحي أو المقصود ان ولاية كالفورنيا الغت نظام التأمين الصحي وصار كل شخص يستطيع ان يتعالج بدون تأمين صحي .

لا انا قرأت ان المستشفيات في كلفورنيا ونتيجة لنصب كبير وكثير حصل لها اصبحت لا تعتمد ولا تعمل على الضمان ,,
تدفع والسفاره تعوضك ..
فهل هذا صحيح ولا لا ؟؟
وهل لو كان فيه ضمان يكون شامل !!؟؟

هذا الكلام خلاف الواقع فالمستشفيات تعمل بالتأمين وبالنسبة لموضوع النصب لا يخلوا اي مجتمع من النصب ولكن الاختلاف بين المجتمعات في نوعية النصب والاحتيال .
بالنسبة لموضوع تأمين الطلاب السعوديين المبتعثين فكان هناك النظام القديم وهو تأمين الملحقية بحيث ان الطالب يذهب ويتعالج في اي مستشفى والملحقية تدفع التكاليف ، ولك الآن هناك شركة تأمين كبيرة وقوية الملحقية مأمنها لديها لجميع الطلاب المبتعثين ونفس النظام الطالب يتعالج في المستشفيات الكبيرة وشركة التأمين تغطي كامل المصاريف وبالنسبة لنوع التأمين فهو شامل لكل شيء ويغطي كامل الجسم وبالنسبة للأسنان فقد حددوا سقف التأمين اللي يغطي الأسنان بمبلغ 5000 دولار في السنة أما بالنسبة لأي شيء أخر فليس هناك سقف تأمين محدد يعني أي مبلغ يكلف العلاج والعمليات يتم تغطيتة بالكامل حتى لو وصل لمئات الآلاف من الدولارات .
وأخيراً ندعوا اللة ان يحمي جميع الطلاب من الأمراض وان يرجعون لأهلهم سالمين غانمين .

استفسار اخوي مجنونها
عندي قبول في els بوستن ومطلع الفيزا وقرار الابتعاث (دراسة ماستر)
السؤال :ابي اغير القبول الى معهد آخر في انديانا كيف الطريقه؟
هل لازم اغير الفيزا واذا نعم اطلب تغييرها بالسعوديه ولا بعد مااوصل امريكا

مجنونها ممكن تعطيني اسم جامعة في سان دييغو فيها بكالوريــــــــــوس
امـــــــــــــن معلومــــــــــات
والله يعطيك العافيه

جزاك الله كل خير (مجنونها)

لدي استفسار بخصوص الخادمة
هل بالامكان ان احضر معي خادمتي من السعودية؟ وماهو النظام المتبع في سان دييغو بخصوص الخدم من رواتب وو...الخ
او ماهي الاجراءات
ياليت تفيدني بكل ماتعرف خصوصا ان الخادمة ستكون اوفر لنا من سعر الحضانة بكثييير
اذا اتفقنا معها على راتبها و على النظام الموجود بالسعودية بيننا وبينها