القادمين لساندييقو بكلفورنيا

مرحبا أخوي الله يعطيك العافية على مجهودك..بس حبيت استفسر عن الأسعار في كليفورنيا كيف معقولة والا لا وهل المدينة روعة والا وسط لأن احنا ببورت لاند من شهرويمكن نكمل فيها ويمكن ننقل لأن الجاامعة تقفلت |أنا معي زوجتي وطفلة فكيف الحضانات والسكن والمعيشة عموما

بالنسبة للناس عموماً مبتسمين ..... والاسعار مرتفعة بالنسبة للسكن يعني اذا بتأخذ شقة من غرفة ومطبخ وحمام وصالة جلووس بدون فرش بيتراوح أجارها في الشهر من 1000 الى 1200 دولار في الشهر واذا غرفتين وحمام وصالة ومطبخ بدون فرش تقريباً من 1300 الى 1500 دولار بالشهر .
حاضنة اطفال تأخذ من زميلي 90 دولار في اربعة ايام ولمدة اربع ساعات باليوم . ولكن مدارس الحضانة ليس لدي فكرة عنها .

الاسعار غالية ولكن فية محلات للجملة تعتبر معقووولة جداً وفية فرق بالاسعار بينها وبين محلات التجزئة .

موجود معانا زملاااء ماشية أمورهم من كل النواحي في نفس وضعك وعدد افراد اسرتك .

السلام عليكم ورحمة الله وبركاته
"مجنونها" يعطيك العافية اخوي ان راح اصل سان دييغو 31 مارس اي بعد اسبوع
لكن سمعت ان المدينة غالية مرة ويمكن اني احول الى ولاية ثانية ابي نصيحتك بارك الله فيك

حياك الة وأنا خوووك بين اخوانك في ساندييقو .....
السؤال المهم هل أنت عزابي ولا متزوج ؟ اولاً .

بالنسبة للمدينة جميلة ورائعة وتعتبر من أجمل المدن السياحية لهذا السبب هي غالية . الشباب هنا العزااابية عايشين ومبسوطين ... وأيضاً المتزوجين البنااات السعوديااات مع بعض مشكلين قرب والأزواج مع الشباب العزوبية ويتقابلون في الويكند تقريباً .. راح تستانس وتنبسط هنا ان شاء اللة .....
بالنسبة للغلاء فهناك محلات تبيع بالجملة اسعارها جداً ممتازة ....

مشكور اخوي وبارك الله فيك
معي ولد عمي وكلنا عزابيه
بالنسبة للسكن افضل عند عائلة والا في سكن الطلاب وكم الايجار

بصراحة ماتفرق عن بورت لاند من كل النواحي اللي ذكرتها بس كيف جوها دايم مطر زي بورت لاند والا أحسن وماتدري أخوي كم تبعد عن بورت لاند..والسكن اللي تتكلم عنه راقي وآمن والا عادي ..معليش ثقلنا عليك بس استفسار أخيرقصدك مو مفروشة يعني مافيها ثلاجة وغسالة وفرن والا أثاث كامل..والمواصلات لازم سيارة والا فيه وسائل ثانية

اخوي انا ابي اجي لسان ديغو لو اسكن عند عائله مو ارخص بكم او سكن الجامعه وكيف الامان يقولون ان المدينه اغلبها مكسيكان
ولو اروح مثلا مدينه ثانيه واخذ لي غرفه بصاله بحمام هل راح يفرق بالسعر كم تقريبا وبكم سكن الجامعه وهل سان فرانسيسكو افضل
ومعليش على كثرة الاسئله والله يجزاك خير

بالنسبة للسكن مع عائلة فلة فوائدة اكبر فائدة لة انك تطبق عملي للي راح تدرسة نظري ... من وجهة نظري

بالنسبة لسكن الطلااااب فهو في المدينة الجامعية مما يسبب ازعاج وعدم راحة و خاصة ايام الويكند ولكن للاختلاط بين الطلاب يساعدك في تعلم اللغة بسرعة ان شاء اللة .

بالنسبة كم ثمن السكن مع عائلة او سكن الجامعة ( قريباً سوف اسألك وأفيدك ) .

بارك الله فيك اخوي اتعبتك معاي