شـــــــــــــــــohioـــــــــــــــــــات

السلام عليكم، انا حاب استفسر عن جامعة توليدو هل هي موقفة بالكامل ام لبعض التخصصات فقط ؟ مع العلم اني ناوي ادرس هندسة كهربائية ،. وياليت الي عنده معلومات عن المدينة ياليت يفيدنا من ناحية السكن و المواصلات والمعيشة. هل تعتبر رخيصة ام غالية ، يعطيكم العافية

السلام عليكم

متابع لموضوعكم

عندي كذا استفسار وانشاء الله القى جواب شافي منكم ..

شهاده بنكيه ولا ضمان بنكي .. احترت والله .. وهل يحتاج لكشف حساب 3 اشهراو 6 اشهر اومايحتاج من الاساس .. طيب اذا طلعت شهاده او ضمان وبعدها سحبت الفلوس عادي يعني ..بيكون بس كذا على الورق لان انا مطول ماني مستعجل على البعثه بتسلف فلوس و بس بجيب الاي 20 واقدم على الفيزه ف يوم بروح للسفاره مايكون بالحساب رصيد يذكر عادي ولا لا .. ؟؟

معهد اوهايو ستيت .. هو وجهتي انشاء الله .. كيف اجيب قبول منه..؟؟

أعتذر على الاطاله

المعهد يريد شهادة بنكيه ،، ولا فيه حجز فلوس ولا شي ،، ولازم يكون المبلغ ٢٣ ألف دولار كحد آدنى ،، تقدر تجيب الشهادة من آحد أقاربك عمك عمتك اخوك ،، اهم شي نفس العائلة ،،

أما بالنسبه لكشف الحساب هذا عند السفاره اذا جيت تقدم على الفيزه ،، يطلبون كشف حساب لآخر ٤ أو ٥ شهور ،، ولازم يكون الحساب متحرك .. فيه فلوس طالعه وفلوس داخله ،،وآخر الحساب يكون فيه أقل شي ٥٠ أو ٥٥ ألف ريال ،، اما الحساب طافي لمده ٤ شهور وآخر اسبوع فيه ١٠٠ ألف هذي ما تمشي عندهم ورجعوا ناس كثيرين زي كذا ،،

تجيب قبول من المعهد عن طريق مراسلتهم بالموقع وترسل لهم الاوراق اللي يطلبونها او تروح لأحد المكاتب الأكاديميه يجيبون لك القبول ،،

بالتوفيق

من يعرف متي الديدلاين حق جامعة WRIGHT STATE مين يقدر يجيبلي قبول فيها علي FALL

ساااعدوني ابي معهد رخيص بكولمبس فيزتيf1 ساعدوني

كولومبوس فيها ٣ معاهد ،،، كابيتال ارخص معهد ،، وبنفس الوقت المعهد قوي ، وهو معهد جامعه ومعتمد من الملحقيه ..

السلام عليكم

اخواني اخواتي انا محتاج مساعدتكم الله يوفقكم دنيا واخره

انا وخويي بنروح ان شاء الله ل ولاية اوهايو لمدينة كنت انا بدرس علوم حاسب وهو هندسة ميكانيكية او كهربائية بس مانعرف وين الجاده ولا سوينا شي للحين

ابي اسال عن مدينة كنت سمعت انها قريه وحلوة ومو غالية وابي اسال عن المعهد اللي تبع الجامعة وبناخذ قبول مشروط ان شاء الله

حنا ان شاء الله بنقدم بعد شهر من الان على الجامعة بس لما يخلص ثانوية هو وبنروح على حسابنا بالبداية ونبي نعرف كم يكلف المعهد بالشهر ولا بالترم ونلقى سكن مع عائلة وكم تتراوح اسعارهم اذا ان مافيه عربي بالسكن ومع الوجبات

وكم تقريبا الشخص يصرف بالشهر بدون السكن يعني 1800 دولار بالشهر مع السكن يكفي ولا يكفي وزيادة مثل ماسمعت , وهل فيها الجامعة تخصص علوم حاسب و هندسة ميكانيكة او كهربائية وكم لازم النسبة حقت الثانوي لتخصصات

هذي وهل قبولهم يطول ولا يجلس اسبوع للاسبوعين , وعندي سؤال مهم ابي جواب له ضروري

انا قبل سنة لعت فيزا دراسة امريكية ل ولاية واشنطن في مدينة سبوكان وسافرت ترانزيت على الطيران الالماني وصلت المانيا ومرضت هناك وترقدت بالمستشفى 4 ايام ورجعت السعودية والحين بروح بس ابي اغير الولاية اللي هي اوهايو

هل اذا عطيتهم التقارير الطبية من المستشفى اللي بالمانيا يمشوني السفارة الامريكية ولا يمسكوني الباب

وهل مدينة كنت امنة ولا فيها عصابات وهل فيها سوبرماركت عربي .. هذي الاسئلة اللي براسي الحين واذا فيه برجع ومنتو مقصرين معي ان شاء الله اعرفكم فزعات

مع انه عندي احساس انه محد معطين وجه , اسف ع الاطالة

فيه المعهد تبع جامعة كنت في كنت