يا بنات اوكلوهوما

انا بأوكلاهوما بمدينه ثانيه ...واتمنا من البنات يساعدونك..لو مااحد رد تواصلي معي ولايهمك يالغاليه

هلا ام حسونه انا مدينةفي تلاكوه باكلاهوما بس ماعرف شي عن تشوني اتمنى يكون فيها احد يقدر يساعدك

انا بروح لاكلوهوما بس انا في مدينة اكلاهوما سيتي === اتمنى احد يفيدني اذا احد في هالمدينة بنفس اسائلتك انا جاية باذن اللة على شهر 9

انا باوكلاهوما مدينه ايدموند..بيننا وبين جامعه اوكلاهوما ستي عشر دقايق أي شي تحتاجينه حنا في الخدمه..

اولا لو سمحت اخ صالح كيف المعيشة؟ وكيف الجو؟ وكيف رمضان في اكلاهوما ؟ وكيف قوة معهدelsفي جامعة اكلاهوما سيتي ؟ وحضانات الطفال كم تكلف وين افضل الحضانات وفي حضانة بالجامعة؟؟ وكم تكاليف اجار السكن مؤثث؟؟


انا اسفة على كثر الاسئلة

الجو حاليا صيف راح يبدأ الشتاء على شهر 11 تقريبا. المعيشه أوكلاهوما تعتبر من أرخص الولايات وهادئه..رمضان أيام الدراسه يكون طويل بس الله سبحانه وتعالى يصبر عباده على أداء عبادتهم يعني آذان المغرب يأذن على 8:30 او 8:45 بس مافيه شي يدعي للخوف الانسان لمايتذكر انه هنا من اجل مستقبله تهون عليه اشياء كثير..حاضنات الأطفال يبيلي أتاكد لك من سعرها ..أذا محتاجه اي معلومات اضافيه انا حاضر..بالنسبه للسكن يختلف من مكان لآخر بس غالبا يبدأ الغرفتين من 650 لغير المؤثث وممكن تستاجرين اثاث لفتره معينه بس اعتقد فيه الكوكسبري سكن مؤثث داخل الجامعه والغرفتين اعتقد تبدا من 800 يبغالي أتاكد لاني مو بالجامعه بس قريب منها واجيها دائما والمعهد من المعاهد الكويسه اللي تقبله جامعات كثير على مستوى امريكا واللغه عموما تعتمد عالشخص نفسه...اذا احتجتي معلومات اكثر انا حاضر بس وضحيلي وش تحتاجين..لو حتى محتاجه اعطيك صور للسكن هذا وطريقته واسعاره اتمنا اني قدرت اخدمك واوضحلك..

ياشباب انا في اوكلاهوما مدينة شاوني اي استفسار انا حاضر

ارجو الافادة اكثر بخصوص السكن ..
بكم اسعار السكن في الاماكن اللي حول الجامعة .. و الاسكان اللي داخل الجامعة

واذا امكن بالصور ..

وسعر الحضانة في الجامعة

ووقت عقد الصيام في رمضان

http://www.campushousing.com/ocu/htm...ns_+_rates.php

هذا سعر سكن الكوكس بري طبعا يعتبر هو السكن الوحيد اللي مؤثث وداخل الجامعه هاذي اسعاره حسب المساحه
اللي حول جامعه على حسب مساحه الشقه؟وموقعها؟..بس تبدأ من 450 دولار للغرفه وتنتهي الى 600 والغرفتين من 750 حسب اعتقادي الى 1100..
بالنسبه لأوقات الصلاه وخصوصا برمضان ممكن تكتبين :
www.islamicfinder.com
zip code:73034
يعطيك مواقيت الشروق والغروب
بالنسبه للحضانه لسى انتظر شخص يرد علي وبعطيك اسعارها
السكن برضه خبريني كم غرفه؟وهل عندك سياره للمعهد او الجامعه لو تسكنين بعيد؟

عموما حسب مافهمت عندك طفل ونصيحتي اذا جايه على شهر رمضان تأجلين سفرتك لبعد هالشهر لأنكم بتعانون في هالشهر
خصوصا لو معاك أطفال...غير كذا مافيه أي خوف لأنكم جايين هنا بين أخوانكم وقدامكم ناس بيساعدونك ويسهلون
اموركم ماراح انشالله تحسون بالغربه ولا التعب ..اتمنا اني افدتك واي استفسار انا اشيك من فتره لأخرى لو طولت ايميلي موجود بحاول
اشيكه انشالله..