ابي ماستر علوم حاسب ومعدلي مقبول وش الجامعات اللي تقبلن

يعطيك العافية اخوي سان انتونيو على التفاعل بس يا اخي انا ابحث بأمريكا لاني ارغب بالدراسة بأمريكا لو ابي ادرس بأستراليا او بماليزيا كان رحت للمنتدى الخاص فيهم وبعدين ترا معلومتك خطأ يوم انت تقول اللي قبوله سهل اكيد ماهي معتمدة ... يعني معقولة اكثر من 600 جامعة ولا وحده فيهم القبول به سهل بجميع الاقسام والكليات ..
ما ادري بس ياليت تأكد من ردك اخوي قبل ما ترد وارجو انك ما تحرص اانك تعطي الواحد دفعة احباط اما انك ترد رد يوسع الصدر و الا خله بكيفه خصوصا اذا كان ردك يفتقر الى المعلومة الاكيدة .

وارجع واقول الله يعطيك العافية على الرد و الله لا يجعلك تنحد على احد لان الانسان فعلا اذا انحد على احد غالبا انه يجد ما يسررره.

وارجو التفاعل من الاعضاء يا جماعه لا تخلونن ترا وربي لا ادعي للي يبي يجيب لي العلم.

يا جماعه يا اخوان الى الان ما وصلن الرد اللي انا ابغى وين اهل الخبرة تكفووون بقدم ولا معي وقث افزعو الله يجزاكم الجنة ووالديكم ...

صراحه الي جيد غصب يقبلونه

و كلام الاخ صحيح بخصوص الجامعات الي تقبل بسهوله غير معتمده من الوزارة

هذا شئ الشئ الثاني الجامعات تتساهل للبكالوريوس أما الماجستير صعب شوي

عموما إذا كنت ناوي تبتعث على حساب الحكومه و تحصل قبول من جامعه معترفه

أفضل حل تروح أيرلندا حاليا

لغتهم الأم الإنجليزيه و نظامهم قوي زي بريطانيا و قريبه للسعوديه

عيبها الوحيد إنها غاليه على كلام أغلب الشباب

و بالتوفيق

يااخوان في بعض الردود مالها داعي بجد .. الرجال يبي الفزعه واضح طلبه
وبعض الاخوان يتفلسف
ليه ماتروح هنا وليه ماتدرس هنا

:

الله يعينك يااخوي وانا والله نفس وضعك بلشان مع المكاتب
وكل من رحت له احبطني وقال لي دام معدلك ( مقبول ) صعب القبول بأمريكا

أدري ردي مو مفيد لك بس ,, حاس فيك
الله يعين

يا اخوان اللي ما عنده علم بالموضوع لا يتفلسف ويقول ما راح تحصل قبول.
(ماشاءالله يردونك عليك ويتفلسفون وكأنهم وزراء التعليم في امريكا. مع ان كلامهم يحبطك وهم ماعندهم سالفه) هذا يسمونه الحسـد
انا لاحظت حاجه في بعض الطلاب.. تحصله راح او بيروح للبعثه وحاسد الناس الباقي يبغى يصير لوحده مبتعث ويضيق صدره لما يشوف الناس راح يبتعثون معاهـ


اخوي الاسيـر
انا معدلي 2.60 من 5 وصاحبي معدله 2.33 من 5 وخلال الاربع شهور الماضيه قدرنا نحصل على قبول من اكثر من جامعه

انا معي قبولين وصاحبي قبولين
كل مافي الامر اننا راسلنا الجامعه بأنفسنا واحنا بالسعوديه ما سافرنا
و وصلنا القبول خلال فترهـ بسيطه
وعلى فكرهـ الجامعتين كلها معترف فيها من وزارة التعليم

وانصحك ما تتعامل مع المكاتب لانهم نصابين وشغلتهم يحبطون في الواحد واذا جابولك قبول تحصله في جامعه كل طلابها سعوديين

وهذا رابط للجامعات اللي جاني منها قبول
---
http://www.uakron.edu/academics_majors/
جامعة أكرون القبول فيها سهل جدا وفيها نسبة سعوديين
---
http://www.csun.edu/grip/graduatestudies/
طبعا جامعة كاليفورنيا نورثريدج لازم تقدم اوراقك عن طريق معهد اللغة وبعدها تراسل قسم القبول وتعلمهم انك ارسلت اوراقك لقسم اللغة علشان القبول المشروط
---
وحاليا انا مقدم اوراقي على جامعة بتسبرج وهذا رابطهم .. وجالس انتظر الــرد
http://www.pitt.edu/academics.html
---

بالتوفيق لك اخوي ولا يهمك كلام الحسـودين اجل روح ماليزيا

و أنا اؤيد اخوي حسام

القبول ممكن في الجامعات الامريكية .. يبقى فقط ان تبتعد عن الجامعات القوية و البارزة
و تحرص من خلال المنتدى و سؤال معارفك على معرفة نوع بعض الجامعات في الاماكن
اللي ترغبها .. و اذا وقعت عن 3 او 4 او 5 جامعات قدم عليهن جميع
و احرص تكون اوراقك مميزة و مكتوبة بمهارة ، و اعني بذلك السيرة الذاتية
و هذي لحالها باب قبول .. فكلما كانت السيرة الذاتية مكتوبة باحتراف
و فيها ما يميزك كلما لفتت نظر قارئها و هو ما قد يضمن لك القبول،
و رسالة الـ purpose ان كانت مطلوبة ، و كذلك التوصيات من الدكاترة
فهناك فرق بين توصية سطحية و توصية عميقة فيها بعض تفاصيل معرفة الطالب بالدكتور

و في البداية انا انصحك بأنك تتواصل مع السعوديين هناك ، خصوصا معارفك
و افربائك، منهم ناس صلتهم قوية بالجامعات و ممكن يجيبون لك القبول بسرعه و سهالة
.. اطلب منهم قبول ماستر في اي تخصص له علاقة بالحاسب (او عموما ما تقبله الوزارة لدراسة طلبة الحاسب في الماستر)
في اي مكان بامريكا .. و روح ادرس لغة في المكان اللي انت تبيه .. و خلال دراستك للغة
تقدم على الجامعات الاخرى اللي تفضلها ، و تفضل برامجها
و حينها يفتح الله عليك

طيب يا شباب

دام جاكم قبول من جامعات امريكيه و معتمده من الوزارة و معدلكم مقبول

ليه ما تكتبون اسامي الجامعات ؟

ولا حسد

بالتوفيق للجميع ان شاء الله


ادعو الله في كل صلاة وان شاء الله تتوفقوا

يملا الجنة الباردة يا اخوان

الله يجزا كل واحد فزع لي كل خير ويوفقه بحياته وبعد مماته ولا يجيب له ما يضيق صدره ولا يجيب له لا هم ولا غم

ويا اخوي حسان انت وحسام لكم دعوة في ظهر الغيب وجزاكم الله كل ما بغيتو وزوجكم ورزقكم الرزق اللي تعدونه وما تحصونه

و الله انكم احييتو بي الامل ووسعتو صدري الله يوسع صدوركم بالعافية .... .... لكم مني كل التقدير والشكر والامتنان ....

السلام عليكم

حبيت اعلمك لعل ان شالله تتسهل امورك

انا معدلي مقبول مثلك واليوم جاني القبول في سنسناتي في اوهايو.. والمكتب اللي جاب لي القبول هو مكتب يتعامل مع وزارة التعليم.. وحسب كلامه والعلم عند رب العلمين ان قبول الجامعه على مااتوقع انه شروط لانه ماستر يقول بعد اسبوعين او 3 بالكثير..

الله يسهلها لي ولك ولكل من له امل وحلم يبغى يوصل له