ابي ماستر علوم حاسب ومعدلي مقبول وش الجامعات اللي تقبلن

معليش اخواني حبيت اسوي تعقيب بسيط على كلامي :وهو انه ماهو لازم بالولايتين ذولي يعني لو كان بولاية حولهن ماهي مشكلة بس تكفوون لا تبطوون علي بالرد تراي الهم يبي يهبل بي .. يعني لا تشرهون علي اذا قالو باتسر انتحار شخص تحت بكت حراث و الا بين سنون حصادة وبكيفكم ذنبكم على جنبكم <<وش عنده يهدد هو وحنتسه

يا جماعة وين الردود .............اللي عنده اي معلومة لا يبخل علينا .

اخوي الاسير

معاناتك هي معاناتي

انا كنت ابغى ماستر حاسب في امريكا وماحصل لي.. لكن عندي لك حل واذا تبي تسويه مثلي ان شالله انها راح تتسهل امورك

رح لمكتب اي جيك للخدمات التعليمية في الرياض في مبنى اسواق الاندلس من الخلف.. وخله يجيب لك قبول ماجستير ادارة.. واذا تسهلت امورك وطبيت امريكا فيه شركة اسمها was تعادل لك شهادتك حسب النظام الامريكي وكل مادة ماخذ فيها d راح تكون c وبكذا يرتفع معدلك وان شالله مع اللغة اللي درستها الكم شهر تقدر تدبر وضعك وتحصل لك جامعة تقبلك في برنامج الماجستير في الحاسب الالي وبعدين تعدل التخصص والقبول اللي انت طالع عليه من هنا من ادارة الى حاسب الي(( مع ملاحظة انك لازم تحرص يكون قبولك في الجامعات اللي ماتشترط جامات للاتحاق في الماجستير او انك تختبر الجامات وربي يسهلها عليك وتجيب درجة تأهلك للاتحاق بالجامعة اللي تبي))..!

هذا اللي اقدر افيدك فيه ومادري عن صعوبة الوضع من سهولتة وامكانيتها من عدمها,, لكن اذا تواصلت مع المكتب اللي بيجيب لك القبول باذن الله راح توصلون لحل..!


بالتوفيق

بالتوفيق

والله يتقبل صيامكم وقيامكم

يعطيك الف عافية اخوي يسوري وما قصرت على هالرد والنصيحة بس يا اخوي يسوري ماهي مشكلة عندي الحين انا القسم الحين ابي بس قبول ابي جامعة تعطين ورقة تفيد اني مقبول به ما يهم سواء كان مشروط و الا غير مشروط والا القسم ولا يهم الولاية ولا يهمن اي شي اهم شي انه ياصلن قبول بأسرع وقت من جامعه معتمدة وقسم معتمد..

ارجو التفاعل من الاعضاء كلهم ترا وربي يا جماعه بحاجة اي معلومة لا تبخلون علي و فكون من هالهم و الضيق اللي انا فيه الله يفرج لكم ..

وجزاكم الله خير جميعا.

بالتوفيق

والله يتقبل صيامكم وقيامكم

انا نفس وضعك وللاسف اغلب الجامعات ماتقبل المعدل هذا على كلام اغلب المكاتب اللي لفيتهم لي 4 شهور
ومكتب ايجيك اللي يقولك عنه الاخ انا رحت لهم وقالوا من الصعب يتم قبولك ......وواضح ان الاخ فهمك غلط
لانه المكتب جاب له قبول لغه فقط ...... وانت تبي قبول جامعي مثلي باي مكان الاهم معتمد عشان تقدمه على البعثات
(ان لقيت شي عطني خبر وانا بسعى من عندي وبعطيك خبر اذا فيه اي رد ايجابي) تحياتي

اخوي الاسير
ليش انت مصمم على الدراسة في امريكا فية دول غيرها والقبول في جامعاتهم اسهل بكثير وابي اقولك اذا لقيت جامعة بأمريكا القبول فيها سهل فأعرف انها غير معتمدة في وزارة التعليم العالي اللي مامنهم فايدة المفروض المبتعث يروح على جامعة محددتها الوزارة مو رح دور جامعة وتعال علشان نعلمك هل هي معتمدة والا لا.
شوف جامعات استراليا او ماليزيا والله يوفقك

اخوي -امنيتي البعثة- مشكور على التفاعل و الله يعيننا واياك ان شا الله لكن حبيت اقول لك لا تفقد الامل القبول ان شا الله ماهو صعب بس لازم يكون بأقسام معينة انت يا اخي ابحث عن قسم القبول فيه سهل ويكون معتمد وانا اعرف ناس معدلاتهم اقل من معدلي وانقبلوا والحين يدرسون بأمريكا وانا ببحث وانت ابحث يا اخوي وكل ما لقينا شي بدري يكون افضل لنا ترا وان شا الله اللي يحصل شي يبلغ الثاني و الله ويفقنا واياك ان شا الله.