سؤال للي عايشين في ولايات باردة..

احملي معاكي ثياب دافية احسن لك
بعدين هناك ما راحت تحقلي مثل الي في السعودية كل شي غالي وحجم كبير ولا يسوى
وحاولي تاخدي معاكي جاكيت مثل السلك يعني مو خلك لان الثلج او المطر ادا طاح عليه ما يتشربه ويصير مبلبل يعني رطب
بس ادا اخدت مثل السلك ما راح يتشرب وراح ينشف اسرع
والنصحية بجمل
نصحية مجرب عايش في متشقن في اقصى البروووووووووووودة

up

مشكورين ...

العيال مو مشكلة جاكيت فوق جاكيت وتدفوون بس حنا يالحريم خصوصا اللي بيلبسوون عبايات شووي مشكلة..

للاسف بنسلفانيا مافيها جامعة فيها تخصصي

ان شاء الله..غصب عن خشمي اتعوود..

الله يعينك ويعين الجميع ان شاء الله

انا سالفة البجامات الداخلية كنت ناسيتها لانه هنا بالشرقية محذووفة من قامووسي

بس الحين بشتري لي دررررررررزن بجامات

ههههههههههههه انتي كلامك مثل رجلي..اذا ماعجبنا الوضع نرجع هنا..

خخخخ احد يصل امريكا ويرجع للحر..

امممم اجل الكل ينصحنا انه مانشتري من هنا ملابس كثيرة.يقولون هناك متوفرة ورخيصة

ياربي والله احترنا



ابي مشاركاتكم يالبنات كيف تتعاملوون مع البرد هنا ك خصوصا االلي يلبسون عبايات ملووونة..

وهل صحيح ان االكلاسات بالمعاهد والجامعات فيها تدفئة؟؟

<<عشان الواحد مايثقل ملابس تحت العباية ويتوورط..لما يدخل الكلاس

الموضوع كله

جكيت من النوع الزين الغالي .. ويفضل مايكون قماااش لان لانزل مطر ولاثلح ماايصيرر رطب .. لكن بشرط تكون داخليته قماااش

للراحه .. واشتري لك بما يسمى بـ ( ام رقبه ) من السعوديه قبل لاتجين كثري منها واشتري لك من شرابات الصوف .. وكم صروال ثقيل .. وبسسسسسس

ويكون البس كالتالي .. ام رقبه على تي شيرت كم طووويل على صروال بجاااامه على شرابات صوووف على الجكيييت الممتاااز


على قلفزززززز ووووبسسسسس وتدفييين

الحل بسيط كلن يجمع الكراتين او الجرايد اللي في شقته وحط له صحن معدن ويشب فيهن نار وبكذا يدفي نفسه ههههههههههههههههههههههههه

<<< اتوقع يوم ويرحلونه للسعوديه لو سوى كذا بكندا

يعطيك العافية اخووي

بس انت بأي ولاية؟؟وكم درجة الحرارة تنزل بالشتاء؟؟

الان في اريزونا حر حر حر حر حر حر حر حر حر حر

يعني اذا زان الجو 50 فهرنهايت

يعني اذا طلعت من الجامعه شمس تصلخ الوجه الله يعين هذا الحين زين الجو عندهم

انا شايل هم الصيف اذا جاء

يقولون اشد من الرياض

تبون الجد انا رحلتي ان شاء الله شهر 12 هههههههههههههههههههههههه بس ماتتخيلون الملابس الللي اشتريتها لحد الحين
اشتريت كل السووق كل الجاكيتات والتيشيرتات والجنووز وكل شييي قسم لو تشوفوا ملابسي مره كثيره واهلي يهاوشوني كني بهاجر وكني بروح لمدينه مافيها سووق ههههههههههههههههههههههه <<<مهبووله شوبينق

انا بولايه وصلت فيها الدرجه لي 40 مره تحت الصفر اختي ماكو شي مو مقدور عليه شنو الاجانب يتحملون واحنا ما نتحمل
يعني السالفه مو معقده كلش لبسي هدوم ثقيله ودسوس وانتهى الموضوع والشتى لازم باص وتعتمدين على google map تقرين فيه متى يبي ايي الباص وهالامور وتطلعين على الدقيقه علشان لا تموتين وانتي ناطرته يعني
وبالنسبه لدوائر زرق بالايد هذا مو صحيح اللي راح يصير لو ايدج بره لمده 5 دقايق انج لو حشتي شي حيل احتمال يتكسرون اصابعج وتفقدينهم وماكو غشمره بهالسوالف الثلج ثلج واللي يقولج برد جده وبرد الكويت بالعظام قوليله حبيبي تعال جرب البرد بملواكي مو بس داخل العظام ههههههههههه الله يعينه بالشتا

هههههه

اصلا داخل الشقة دفا ..بتلبس صيف من الدفايات

بس البلا برا

مع انه رجلي قايل..انه الله لايعووق بشر..اول شي بيحطه بالشنطة الفرووة حقته