مـعـلومـات عـن دالاس

كل الشكر لك أخي devilxvx

على تعاااونك معناا ..

حبيت أسالك اذا ممكن اني احصل سكن مع عائلة في مدينة دالاس ولا مستحيل , لاني سمعت انه من الصعب تلاقي لك سكن مع عائلة ..

تحيااتي

عااصم

ابوسهيل بالنسبة للسكن قلت لك تتحكم فيها امور كثيرة
كم ميزانتيك ؟ تفضل تسكن لحالك ولا مع روميت ؟ اذا تبي روميت كم واحد ؟ برضه تبي حول الجامعة ولا ماتفرق !!
فيه امور كثيرة انضحك بموقع rent.com بيفيدك كثير

عصام سبق سئلتني عن العوائل ورديت عليك
مافي شي مستحيل ان دورت زين بتلقى ،، لكن المشكلة احياناً الواحد يتورط بالعائلة يطلعون مهو امريكان ولا مسكنين اكثر من واحد بالبيت ــ لذلك الموضوع حوسة صراحة

أخي devilxvx ألف شكر لك ...

و متأسف اني سألتك مره ثانية , لكن ما انتبهت ..

حبيت أسألك اذا عندك معرفة في الشهادة البنكية ,, أنا طلعت شهادة بنكية من بنك الراجحي , ولكن البنك حطها لي مفتوحة ما كتب فيها اي شي .. مكتوب فيها المبلغ الموجود و الشهادة باللغة الانجليزية .. لكن مكتوب

To و بعدين متروك قداامه فااضي

و انا حااب اني اقدم على جامعة smu

تقبل تحيااتي

عااصم

السلام عليكم ورحمة الله وبركاته
اشكركم على الموضوع المفيد وعلى المعلومات الي قدمتوها لنا
حابة اسئل عن جامعة تكساس في دالاس The University of Texas at Dallas
من قبل شهر تقريبا كنت اشيك على موقع الوزارة وكانت تطلع لي اذا بابحث عن الجامعات الغير موقفة في دالاس
لكن الان ماصارت تطلع لي لايكون توقفت ؟؟؟
بس اذا بابحث بالجامعات في ولاية تكساس بدون لا احدد المدينة تطلع لي :s حيرني الموقع صراحة ..!
اذا احد عنده علم بهالموضوع ياليت تعطونا خبر علشان نتأكد
لاني حاطتها في بالي وابي اكمل الماستر فيها ان شاء الله

طيب اخواني راح اقدم لكم موقع خاص بطلاب دالاس وتلقون فيه كل الي تحتاجونه وان شاء الله يفيدكم
http://saudicowboy.com/index.php

تحيتي لكم وبالتوفيق ان شاء الله ..

هلا عاصم خذ راحتك حبيبي
تمشي ان شاء الله لان شخصياً شهادتي كان مكتوب فيها إلى من يهمه الامر وبدون تحديد ومشت لكن تبي تتطمن ارسل ايميل لجامعتك وشف وش يقولون ..

صمت الزهور
هلا اختي
الجامعة اللي انتي تبينها في RICHARDSON مهي في دالاس
يعني حطي في موقع الوزارة RICHARDSON وتطلع لك

طبعاً RICHARDSON تعتبر ضاحية لدالاس ..
المنطقة هذي معروف ان فيها عرب واجد واغلب الماطعم العربية هناك ..

اي سؤال انا بالخدمة ياجماعة لا احد يستحي

أخوي انا الشهادة حقتي حتى مو مكتوب فيها الى من يهمه الامر ولا شي ..

أخوي ابو سهيل .. عذرآ على تطفلي ,

ولكن..

هل انت مبتعث من وزارة التعليم ام من جهه عملك ..؟

و هل تأكدت من أن جامعة smu غير موقفة من الوزارة ..؟


تحيااتي

عااصم

أأأممين.... ويكون بعون الجميع

طيب اذا ممكن اسم المكتب الي يبي يجيب لك القبول ..؟ او انت متعامل مع شخص تعرفه ..؟

أشكر لك تعاونك و سرعة تجاوبك معي ..

تحيااتي لكـ

عااصم