شيكاغو - Chicago هنا

عبير ممكن تعطيني ايميل لارس

السلام عليكم ورحمة الله وبركاته

أبشركم تم قبولي في معهد ديبول ووصلني الاي توني وباقي بس اخذ قرار الابتعاث

واللي يبي مساعده عن القبول في المعهد او المراسلات او حتى اجراءات السفاره .. انا في الخدمه

دراستي بتبدا في 26 مارس ... في احد معي من البنات؟؟ بليز خلونا نتعرف ونساعد بعض

انا ان شاء الله راح ابدأ معاك في الجامعة ..

بس قاعدة ادور عن سكن يكون حلو وامن وفيه سكيورتي ..

ماادري اختي مس مستري .. لقيتي سكن والا بعد ..

ودي قبل مااروح هناك يكون عندي خيارات علشان اقدر اقرر ..

ويعطيكم العافية ..

السلام عليكم ورحمة الله وبركاته .. وأسعد الله أيامكم بكل خير ..

مين عنده معلومات عن معهد BIR Training Center
طبعاً هو معهد تجاري ما يتبع جامعة ..
وياليت أعرف معلومات للي عنده فكره .. عن قوته وعدد ساعاته .. الموقع مو واضح أبداً بهذا الخصوص ..

رايحه على حسابي الخاص بإذن الله .. فهل يفرق لو أروح معهد تجاري وهل يأثر على طلب الإلتحاق بالبعثه مستقبلاً ..

ومشكورين .. : )

اهلين اختي هتان
أخيرا لقيت احد معي نفس تخصصي بعد !!!
بالنسبه للسكن للحين ماحددنا بالضبط
بس الحمد لله فيه شخص نعرفه هناك ووعد انه يساعدنا في الشقه وفي الفندق اول اسبوعين
انا مقرره اسكن بالداون تاون كل شي حولي وهالشي كنت احلم فيه هنا بالسعوديه
ممكن تراسليني على الخاص وتاخذين ايميلي وانشاء الله اساعدك بالسكن , لاني مريت بنفس وضعك وحابه اساعدك مثل مالقيت ناس ساعدتني
بليز ... خلينا نتواصل ونتعاون

اخت مشاعل ماعندي فكره عن المعهد الي ذكرتيه
بس نصيحه تدوري معهد تابع لجامعه لانه هو يدرسك اللغه من ناحيه اكاديميه تؤهلك لدخول الجامعه
والدكاتره الي حاضرونا بملتقى المبتعثين نبهو من المعاهد التجاريه ... يعني هم يفضلون معاهد الجامعه وبكذا ممكن يؤثر على انضمامك للبعثه عند المفاضله بين طالبي الالتحاق
الله يسهل عليك

الحييين شكاغو باردة مرررة يعني كئابة وكذا لدرجة ان الواحد مايروح لها
ولا محتمل الوضع خصوصا على الاطفال
وشهور البرد كم شهر

حبيت اسالكم عن جامعه
Loyola University Chicago

شرايكم فيها و في معهدها ؟؟؟


وجامعه ديبول ارسلت لهم اوراقي المطلوبه عالبريد و لا ردوا علي ؟؟
وجاني رد انهم يبون الاصل ؟؟ :\
شلون الاصل وهي بالاساس معادلة بعدين يقررون ؟؟

احد جرب طريقة المعادله بامريكا ؟؟ كيف؟؟؟

وش افضل الجامعات اللي تعادل ؟؟؟ بشيكاغو ؟؟؟

اختي دراستك متى تبدا اذا كانت في مارس قولي لي متى سجلتي

انا اللي طلبوا مني الاصل المكتب اللي عادلي الشهادة .. لانه كنت راسلتلهم شهاداتي بعد ختم الملحقية عليها انها صورة طبق الاصل ..

فهم كانوا يبون الشهادات مختومة من الجامعة صورة طبق الاصل وفي ظرف مسكر ومختوم .. او الاصل ..

انا ارسلتلهم الاصل وقلت لهم اني احتاجها .. بعد ماعادلولي اياها ارسلوها لي بالبريد ..

وبالتوفيق ..