شيكاغو - Chicago هنا

كلي تفاؤل ، طبعا المواصلات مثل القطار والباص افضل وارخص من السيارة اذا كنت بتتمشى خصوصا في الدوان تاون . تشتري لك بطاقة CTA بعشرة دلاور لمدة يوم كامل 24 ساعة تركب الباص والقطار زي ماتبغى..
طبعا بما إنك تختبر ايلتس فحاول تكون قريب من الاوك بارك والرفر فورست. عموما ابعد عن الدوان تاون اذا كنت تدور على الاسعار الرخيصة..
طبعا تقدر تاخذ سيارتك معك للدوان تاون بس ماانصحك لان السواقة في الدوان تاون غثيثة ،، ولكن فيه مواقف تقدر توقف فيها سيارتك لليوم ب15 دولار الى 20 دولار.

The Rhmony من ناحية انك تجي عشان تدرس في ديبول وانت على حسابك فصراحة ماادري وش اقولك .. يمكن تجلس 6 شهور وبعدين تنضم لأن اعرف شباب الان موجودين ولهم 6 شهور وماانضموا فيعني لازم تحسبها حسبه مضبوطه اذا شفت إنك ماعندك القدرة الماليه للعيش في شيكاقو .. فنصيحتي تروح مدينة صغيره واذا انضميت يصير خير تعال ادرس في ديبول او UIC ... بالتوفيق

شباب احد يعرف جامعات بشيكاغو تعطي قبول مشروط ؟

ضروري جدا الله يخليكم

اخوي عبدالله رديت عليك في موضوعك..

اخواني في معهد els في River forest وابغى اعرف كيف هو المعهد ؟؟ وابغى تجارب اللي درسو فيه بالذات هذا الفرع ؟؟وكيف المعيشه في هذي الضاحيه ؟؟؟

ولله يا اخ نايف احسدك علا المعيشة برفر فورست. شي جميل وراقي ويسحر النظر وأمان لأبعد الحدود وان كانت ممله نوعا ما. لكن المعهد ماعرف عنه اي شي الا أني يوم من الايام دخلته لقيتهم كل سعوديين لدرجة ان اعلام للأنديه السعوديه في غرفه المدرسين

الله يسعدك اخوي الصديق وقت الضيق انا مخطط للذهاب وحبيت اعرف معلومات لسى ما رحت

وفي ملف حق المعاهد المعتمده حملته من موقع الملحقية لقيت المعهد فيه نسبة السعوديين 50% وعدد الطلاب ككل 181 والسعوديين 91 فمحتار حقيقه !!!

ودي في منطقه تكون ممتازه من ناحية قوة المعهد والمعيشه والامان وما تكون كئيبه اقلها يكون جمبها مدينه كبيره وحلوه اقدر اروحلها في الويكند

شباب من يعرف لي عائلة كويسه في شيكاغو؟

أخوي المحامي متى ناوي تجي؟ ووين راح تدرس؟ هل انت مبتعث ولا على حسابك؟

اول شي شكرا على اهتمامك بطلبي وأن دل هذا فأنما يدل على حسن خلق وتربية صالحة اسئل الله ان تكون حصيلتها في ميزان اعمال والديك ووالدينا جميعا

دراستي بأذن الله ستكون على حسابي الشخصي،والمتوقع اني أكون في أمريكا في بداية شهر ابريل (4) والمعهد انا محتار بين INTRAX ENGLISH INSTITUTE ‐ CHICAGO أو IL CHICAGO Kaplan ، اتمنى من الله سبحانه وتعالي ان يرزقني بشخص او بمجموعة من اهل شيكاغو يقدر/ يقدرون يرجحون لي كفة الخيار بين المعهدين السابقين،ناهيك اني ابحث عن عائلة قريب من احد المعهدين يكون سعرها بحدود 600 دولار.

سؤال مهم هل تعرف جامعة تعطي قبول مشروط في شيكاغو في تخصص القانون؟سؤال تقليدي!

دمتم بود