شيكاغو - Chicago هنا

الأخ Abo Mssad

جزاك الله كل خير وجعلها في ميزان حسناتك

هل ممكن احصل سكن غرفتين وصالة في منطقة حلوة وآمنة في حدود 1300 دولار؟؟

ايش افضل ابحث عن شقة مفروشة وجاهزة ولا انا أأثثها ؟؟

اذا تعرف مواقع لشقق في شيكاغة يا ريت تحطها لنا اذا ما عليك امر

شكرا مرة ثانية وثالثة ورابعة .. وعاشرة

السلام عليكم

انا ياشباب وبنات دراستي تبدأ بمنتصف الشهر الجاي "خمسة ميلادي" ..

بمعهد لايولا .. بس الى الآن ماسويت ولا شي .. ولا حددت السكن ولا اي خطوة ..

ودي تفيدوني بأفضل موعد احضر فيه للبلد "الى الآن ماحجزت التذكرة" .. وافضل مكان للسكن وهالامور واي نصيحة بتفيدني ..

والنقطة المهمة مدري وش احسن خطوط تروح لهناك ؟ هل الاتحاد ولا فيه افضل .. لما كنت عند الطيار قالي في رحلة الرياض باريس بعدها من باريس على شيكاغو عالدلتا .. بس قلت له بعدين بحجز واحترت بالموعد وبالخطوط ..

جداً بكون شاكر لان هذه اهم خطوة بموضوع الابتعاث كله.

هلا فيك مهندس وليد.
طبعا تقدر تحصل ب1500 دولار في منطقة آمنه بإذن الله بس مو مفروشة. طبعا من ناحية الفرش ماعندك مشكلة ترى مو غالي مرة في أمريكا خصوصا اذا اخذت شيء لفترة معينه ويمشي حالك الين تخلص البعثة .
طبعا الشقق المفروشة واللي تكون جاهزة تكون غالية. والشقق الرخيصة راح تكون غالبا خارج الدوان تاون في مناطق النورث سايد وفيه عندك اوك بارك والفورست بارك والرفر فورست.

أخ بدر هل انت جاي لوحدك ولامعك عايلة؟
يفضل إنك تجي قبل الدراسة باسبوع ونص الى اسبوع كاحد اقصى عشان تتعرف عالاماكن وتشوف السكن المناسب وتعرف اماكن القطارات والباصات اللي راح توصلك لمعهدك ...الخ
من ناحية الخطوط فشوف لك اقصر محطة ترانزيت لأن بعض الدول تنتظر فيها من 5 الى 8 ساعات وبعض الدول تنتظر 3 ساعات او ساعتين ، طبعا كلها على حسب اليوم وجدول الرحلات. بس حاول تخلى الطيار يعطيك كل الخيارات وبعدين انت تقرر. طبعا الاتحاد من الخطوط اللي توصل لشيكاقو بس لازم تتأكد من وقت الانتظار في ابو ظبي.. اتمنى لك التوفيق

اشكرك أخي عبدالوهاب على كلماتك الرائعة.
متى راح تجي؟ ولا خلاص هونت؟

الله يعطيك العافية ابو مساعد .. انا ان شالله بحجز على بداية الشهر الجاي .. بعد اسبوعين .. على معهد لايولا .. انا عزابي ..

دخلت على مواقع تأجير الشقق ولقيت اسعار مختلفة .. من 700 دولار الى 1200 .. حطيت بالبحث استوديو "افكر اوفر واحط سريري بالصالة بلا غرفة نوم" .. هل هذا الشئ صح ؟

غير كذا مدري وش الميزات اللي كل الشقق تقدمها ووش الشغلات اللي انا اتكفل فيها .. يعني هل ممكن شقة سعرها يشمل النت وشقة لا ..

لاني قلت يمكن الشقة الغالية تشمل شغلات كثير والرخيصة سعرها يجذب بس تكون شقة وباقي التكاليف علي ..

انا عموما بدرس بلايولا فـ وش برأيك افضل سكن .. يهمني النظافة .. الامان .. القرب من المعهد .. واذا بالمبنى نادي رياضي تمام ..

مابي شي غالي يطير المكافأة ولا شي رخيص مخيس يكرهني بعيشتي .. ابي شي حلو ومعقول ..

بالعربي ضعت بهالمواقع ومالي غير مساعدتكم بعد الله ..

ادري ان البعض يقول اسكن بفندق واجلس دور .. بس احس هالحل زحمة .. عالاقل ودي يكون عندي خيارات واضحة خاصة ان المنطقة اللي ابيها محددة .. منطقة المعهد ..

وشفت لك رد يبو مساعد تقول فيه ان لايولا تخلص عليك البعثة بسرعة .. مافهمت هالشي .. ؟ ماودي تكون نقطة سلبية لان ابي استفيد من مدة البعثة حتى لو طولت ..

باقي استفساراتي عن شيكاغو كتبتها بهالموضوع .. اتمنى تلقون عليه نظرة ..

http://www.mbt3th.us/vb/forum41/thread418347.html

شكراً لك.

ي آهل شيكاغو


انا ابي فزعتكم معي و ابي احد يوقف معي ـ..

انا متورط جدا ولا اعرف احد في شيكاغو .. و ابي احد يساعدني ويوقف معي

انا في ولاية اسمها نبراسكا تبعد عن شيكاغو ٧ ساعات

المهم ما حصلت سيارة الى في شيكاغو عن طريق النت و ب اشتريها منهه

ع كلامه نظيفه و لاكن ابي اتاكد من صحة كلامه ابي افحصها

ابي احد يتاكد لي من السيارة .. و يعمل فيني معروف

والله اني شايل هم و حاط الي قدامي والي وراي في ها السيارة

الله يحس انه فاضي ويعمل في اخوه اجرر يفزع لي ولا ينساني


الله يوفقكم يارب


- - - مشاركة محدثة - - -

ي آهل شيكاغو


انا ابي فزعتكم معي و ابي احد يوقف معي ـ..

انا متورط جدا ولا اعرف احد في شيكاغو .. و ابي احد يساعدني ويوقف معي

انا في ولاية اسمها نبراسكا تبعد عن شيكاغو 7 ساعات

المهم ما حصلت سيارة الى في شيكاغو عن طريق النت و ب اشتريها منهه

ع كلامه نظيفه و لاكن ابي اتاكد من صحة كلامه ابي افحصها

ابي احد يتاكد لي من السيارة .. و يعمل فيني معروف

والله اني شايل هم و حاط الي قدامي والي وراي في ها السيارة

الله يحس انه فاضي ويعمل في اخوه اجرر يفزع لي ولا ينساني


الله يوفقكم يارب

​السلام عليكم،

هل معهد English as a Second Language Program - Chicago سولكس SOLEX College مفتوح من قبل الملحقية؟
يعني لو رحت على حسابي ممكن انضم؟
لاني ما لقيته هنا http://sacm.org/pdf/ApprovedESL1112.pdf
بس موجود هنا http://www.mohe.gov.sa/ar/studyaboar...s19-5-2012.pdf

@mbt3th on Twitter | mbt3th on Facebook

أخ بدر من ناحية السكن تقدر ستديو تحصل بسعر رخيص بس مايشمل كل الخدمات يعني بس تستلم شقة فاضية وانت اللي تأثث وتدفع الفواتير من كهرباء وماء ونت وقد يكون فيها غسالة ملابس وقد يكون ما فيه.
وقد تحصل بسعر شوي مرتفع ولكن فيه مميزات كثيرة وفي الاخير الخيار لك .. متى تاريخ وصولك بالضبط؟؟؟
بالنسبة لمعهد ليولا المستوى فيه 4 شهور ومن وجهة نظري أنها كثيرة ، فيعني خلال ثلاث مستويات بتروح عليك سنة من البعثة . الا في حالة واحدة الللي هي إن تخصصك موجود في ليولا وممكن يعطونك قبول بعد المعهد.

Mishal دراستك في معهد على حسابك مالها علاقة بالملحقية لأنك إنت اللي تدفع ولكن اذا انضميت راح يطلبون منك تغيير المعهد الى معهد مفتوح وهذا الامر سهل جدا.