اي سؤال حول شيكاغو من دراسة وتسجيل ومعيشة انا حاضرة

مرحبا وجه القمر

حبيبتي ابي اييملك الله لايهينك

او ابيك تعلميني سكنك لاني بجي قريب جدا ولااعرف ولاشي ولااعرف كيف فيه احد بيستقبلنا بالمطار والا وشو تراني مره ضايعه وابي اسالك في كذا شغله او انتي احكيلي من يوم اوصل وش اسوي ووش لي ووش علي تكفين الله يسعدك

وجه القمر ساحبه على المنتدى من فتره طويله

لكن اللي يبغا استفسار او مساعده في شيكاغو يكتب هنا

وان شاء الله نساعده ونفيد باللي نقدر عليه من امور المعيشه والسكن والدراسه وكووووووووووول شي ....

بصراحة موضوع ولا اروع ..
شكرا وجه القمر وشكرا لكل الاخوان اللي تفاعلوا بالموضوع
وانا سعيد بعودة الموضوع ومايقصرون ان شاء الله الاخوان roko وغيرهم ان شاء الله

roko

الله يعافيك طيب ابي سكن قريب من معهد els ويكون سعره مناسب

وتراني سبق وقلت ماعرف شي ميييح مره يعني كيف بيستقبلونا الملحيه والا كيف انا سمعت اول يوم يودنا لسكن سعره مناسب بس مدري كيف الله يعافيكم مره محتاسه

اذا رايحين واشنطن على الخطوط السعوديه بتلقون المصري قدامكم بيوديكم فندق رخيص ويجيكم من بكره ويوديكم الملحقيه كمان تخلصوا ويرجعكم الفندق ومن هناك على المطار رحلتكم لانه جنب المطار ,

لكن اذا كنتم نازلين في شيكاغو ماراح يستقبلكم احد فأذا ماعندكم احد يستقبلكم اول ماتوصلوا خذوا لكم تاكسي وعلى فندق كارلتون في اوك بارك قريب من المعهد يعني تروحوا المعهد بالباص .

اسكني بالفندق كم يوم واسئلوا عن السكن الشهري سعره رخيص 625 دولار وغرفه صغيره لكن تنفع مؤقت إلى ان تشوفوا الشقق اللي حول المعهد وتسكنوا فيها ,

وانا خلال اليومين الجاي بشوف لكم اذا في شقق حول المعهد كويسه لان نظام الشقق هناك تجي من دون عفش وعقود طويله ...

اهئ اهئ

ليش حظي خايس كذا

طيب اخوي روكو
لاهنت..أبي اسألك عن جامعة لويس..الي يم شيكاجو..
وش رايك فيها و مستواها والمنطقة و المعيشة حوالينها..صعبة ولا سهلة.. وغالية ولارخيصة المنطقة؟
و نسبة السعوديين فيها زينة ولا مافيها احد و منقطعة؟
و جامعة ديبول ..ممكن تقارنها لي مع جامعة لويس ؟
لنفس الاشياء..
لأني حيييييل محتارة بينهم..
و قدمت على لويس بس وهقوني بشروطهم الكثيرة..و قلت اذا تستاهل الجامعة بقدم عليها..
و ديبول الكل يمدحها بس ابي اعرف اذا هي شديدة ولا مستواها جيد فالدراسة..

و في جامعة الينوي بشيكاغو هم بعد مدحوها لي كثير..بس هي شديدة و صعبة صح اخوي؟
انا ماابي ادش جامعة معقدة لأني محولة من جامعة لجامعة و ابي الجامعة الي بتتساهل معاي و تعادل لي ساعات كثير..

جزاك الله خير اخوي..
و جعله فميزان حسناتك يارب..

والله يا اختي طموحهـ شووووووووووووفي

انا ماعندي خلفيه عن جامعة لويس ولا اقدر افتي فيها لكن انا اقدر اتكلم عن جامعة UIC وجامعة ديبول في شيكاغو .

جامعة UIC جامعة حكوميه قويه ومحترمه والكل يمدح فيها واللي يتخرج منها مايحتاج ,

والدراسه فيها ماهي صعبه ولا سهله متوسطه على كلام اللي يدرسوا فيها ,

اما ديبول جامعه خاصه بس فخمه ومره ممتازه وفيها سعوديين كثير يدرسوا فيها وبرضه الدراسه فيها ماهي صعبه مره حلوه .

وبالنهايه الجامعتين هذولا افضل جامعتين بعد جامعة شيكاغو وكلهم قريبين من بعض والحياه في شيكاغو افضل لو درستي فيها مع انها

غاليه لكن تستاهل ...

طموحه وش تخصصك؟؟ وكم ساعة أخذتي ؟؟

السلام عليكم ورحمت الله وبركاته

اريد اكمال دراستي العليا
ماهي تكلفة الدراسة وتكلفة المعيشة سونيا

وهل يمكن العمل لتغطيىة اجور الدراسة

وهل الحصول على فيزا للدراسة سهل

وشكرا جزيلا

السلام عليكم .. وصباح الخير ع الجميع

أخواني / أخواتي

أحببت الاستفسار عن ولاية الينويز -مدينة شيكاغو- وعن الجامعات التي تمنح القبول المشروط فيها لمرحلة
البكالوريوس - تخصص الهندسة الكهربائية او الميانيكية - .

أتمنى أن أجد من يعطيني الجواب الشافي .. ولكم مني جل الاحترام والتقدير



محبكم