اي سؤال حول شيكاغو من دراسة وتسجيل ومعيشة انا حاضرة

السلام عليكم
بالله ياجماعه كنت ابغى اسأل عن الشتاء فى شيكاغو هل الارض بيكون فيها ثلج يعنى الواحد يحتاج ياخذ بوت معاه ؟

كنت ابغى اسال طلاب معهد النوى التابع لجامعة الينوى ات شيكاغو بالنسبه للى يبغى يعبى الابلكيشن ويدفع عن طريق موقعهم على النت بالفيزا مثلا يدفع فقط رسوم الابليكاشن ولا رسوم الترم اللى حيدرسه كمان لانى شفت من الخيارات اذا تبغى تدفع رسوم الترم.

وعندى سؤال بس عبيييييييط مره خخخخخ يللا بالله لاحد يضحك سؤالى دحين لما اطبع الابلكيشن واعبيه وارسله على البريد حقهم وادفع رسوم الابليكاشن عن طريق موقعهم على النت ، كيف يعرفوا ان انا خلاص دفعت فلوس الابليكاشن خخخ

اللي اعرفه في شيكاغو مافي الا جامعه الدومينيكان اللي تعطي قبول مشروط والجامعه موجوده في اوك بارك .

ايوه الثلوج توصل نص متر ولازم بوت ....

- ادفعي رسوم الابلكيشن بس واذا وصلتي هنا روحي ادفعي لهم بنفسك افضل وهذا اللي انا سويته ...

- لانك بتقولي لهم انك دفعتي وهم بيتأكدوا انك دافعه عن طريق اسم صاحب الحساب المدفوع منه او ترسلي لهم وصل السداد من النت بعد ما تطبعيه ....

الاخ روكو الف شكر على مجهودك

الله يجزااك خيييير ويكثر من امثالك

اخوي ابو مساعد
تخصصي موب موجود في شيكاغو للأسف
من كذا بغيره لأقرب تخصص و بمشي حالي الى ماأفتك و اخلص البكالوريوس
و الساعات عديت كثير والله..يعني حول ال90 ..


اخوي روكو
بسألك.. جامعة ديبول..تعطي قبول مشروط؟
ولاهنت اذا قدرت تسأل لي من هناك ولاهناك عن جامعة لويس..اكون لك شاكرة جدا جدا جدا..
و ايه سؤال مهم جدا.. كيف اسعار السكن هناك..
يعني اذا ابي شقة بغرفة نوم وحدة و حجمها حلو و فمكان آمن و يم عوائل سعودية او طالبات سعوديات..
يعني تقريبا كم بيكون..؟

انا ساكنة بنيويورك حاليا و الشقة سعرها دمار بصراحة..حدها غالية..
و قالو لي ان باقي الولايات ارخص بكثير..

جامعة ديبول ماتعطي قبول مشروط . وبحاول اسئل لك عن جامعه لويس لو في حد يعرف عنها شي علمتك .

والسكن هنا غالي يعني مو مثل نيويورك لكن غالي كمان ,

يعني غرفه نوم وصاله من 1000دولار وطالع في الاماكن الزينه في الداون تاون او في الاوك بارك ,

ها الاماكن فيها عوائل لكن كل ما سكنتي بعيد قل السعر .

الله يعافيك ياروكو ماتقصر والله

الحين ابتلشت بالسيفيس

اول ماجيت اعبيها الحين فيه شي اسم لاشارع وهيك المقصود شارع بيتنا او شارع المكان اللي ادرس فيه

والله ماني عارف وش تقصدي لكن السفيس افتكر انا سويته من عند مكتب قدام السفاره بالرياض ...

او اكتبي لي وش مطلوب منك وانا اعلمك ..

السلام عليكم

قريت الموضوع كله بيومين صح البروسس حقي بديت اسمع صوته لكن اسألتي غير ولا مرت علي رقم ان الصفحات وصلت أكثر من 100 صفحة

راح اكون بشيكاغو بإذن الله في 6 سبتمبر وبحكم وقت وصلي لشيكاغو الملحقية وقت اجازة فبوصل ع طول مباشرة لشيكاغو

1- طريقة فتح الملف لي ولمرافقي زوجتي وكم المدة لفتح الملف والمطاليب لفتح الملف؟
2- طلعت لزوجتي فيزا F-1 وأخاف ما تتحمل لظروف معينة فكيف احولها لـ F-2 بعد ما أوصل؟
3- أفضل بنك لفتح الحساب علما اني بديبول يعني هل افتح بفرع معين يكون افضل بحكم خبرتكم؟
4-أفضل شرائح اتصال لي ولزوجتي وأوفر طريقة للاتصال بالاهل غير السكايب أقصد عن طريقة الموبايل سواء أنا أتصلت على الاهل او هم اتصلوا فيني؟
5- تعرفون الطريقة الجديدة للبنوك السعودية انك ما تقدر تفتح حسابك عن طريق النت الا لما توصلك رسالة من البنك فيها ارقام وهذه طريقة للامان طيب اذا صرت بامريكا لازم اجيب جاولي ولا كيف؟ وهل توصل الرسالة بنفس اللحظة لو جبت جوالي معي ولا وش الطريقة الي اقدر افتح حساباتي واخلص اموري واشغالي علما ان لي حساب بالراجحي والاهلي ورحت للبنكين وكلهم قالوا لازم وجود الرسالة ولا ما تقدر تفتح حسابك والاهلي قالي اذا وصلت امريكا و طلعت رقم جوال خلي أحد اخوانك يدخل رقم جوالك الجديد عن طريق الصرافة ولا ادري هل كلامهم مظبوط وجربه احد ؟
5-بالنسبة لتحويل الفلوس من حسابي بالسعودية لامريكا وش افضل طريقة وارخصها واسرعها؟
6- في شيكاغو وش افضل مركز طبي يظبط الاسنان لان اسناني اكلتها الفار الله يخلف؟

7-جزاكم ربي الجنة