اي سؤال حول شيكاغو من دراسة وتسجيل ومعيشة انا حاضرة

هلا اختي
هذا رابط تخصصات البكالوريوس في الجامعة
http://www.uic.edu/ucat/catalog/DPML.shtml

وهذا رابط تخصصات الماستر والدكتوراة

FRANهي المسؤوله عن معهد اللغة ممكن تسالينها اي سؤال عن القبول تراها حليوة ومتعاونة
http://www.uic.edu/gcat/GPDP

شيكي وتأكدي بنفسك من كل التخصصات الي ببالك

هلا اخوي لاشكر على واجب
اول مرة اسمع فيه!! ممكن لانه غير معترف به من الوزراة لان ماقد شفت اسمه
المهم اخوي انصحك تقدم اختبار الايلتس (التوفل البريطاني قدمه كم مرة وصدقني هو اسهل من التوفل العادي وراح تجيب درجة وتدخل الجامعة طالب اكاديمي حاول مع ديبول روح لهم او ادرس عندهم تيرم على اساس يعطونك قبول مشروط وبالتوفيق اخوي

والله وانا اقرا كلامك دمعت عيوني تذكرت نفسي بالفعل كنت مثل كذى وممكن ازود وللاسف اكتشفت مع الايام ان الامور جدا سهلة بس المشكلة اننا مانحصل احد يساعدنا وينورنا من البداية

اول شي اقولك لاتخافي وان شاء الله اذا كنتي من محبات العلم بتستانسي هنا كثير
واكيد اكيد انصحك تسافري لان الشهادة من هنا احسن بكثير
لاتخافي من اللغة لانهم اول ماتجي يسوون لك امتحان مستوى وحسب مستواك يحطونك في الكلاس الي يناسبك وبعدين انتي بتدرسين لغة سنة او سنة ونص يعني غصب عليك بتتعلمين تتكلمين انجليزي لاتخافي بس لان الخوف حنا الي نكبره الين ماياكلنا ويخلينا ناكل وراه حبوب

انا موجوده في شيكاغو لا احتجتي اي شي لاتترددي بس ماادري وين انت مبتعثة؟؟ ولاي ولاية بالضبط لكن صدقيني اي ولاية احسن من تضيعي الفرصة على نفسك وتتمين مكانك وتتندمي طول عمرك على الفرصة الي ضيعتيها على نفسك وزوجك واطفالك حتى الولادات هنا بتشوفين الفرق والاهتمام مااقول ان السعودية مافيها تطور لكن امريكا غير عن كل الدول مثل ماقلت لك لاتجبنين وكل ماجا عقلك يوسوس لك تذكري ان البعثة رزق من الله وان رفسها انما هو رفض نعمة منه وانا متاكدة انك تقديرين وانك بتتفوقي لاني شفت هنا نماذج كثيرة اثبتت لي ان مافي شي مستحيل

اي سؤال لاتترددي انا مستعدة في اي شي فيها يتعلق بقبول لغة اما قبول جامعة فما اقدر لانه يحتاج توفل وغيره
وابقي طمنيني عليك كل فترة وفترة

فديت الدعوة وصاحبتها
مشكوووورة

ياليت اخوي تكتب لي اسم المعهد وافي لاجل اعرفه لان ماقد سمعت فيه ممكن لان اسمه موكامل

ياوجه القمر الله يعطيك العافية اولا انا مااقدر ارد عليك على الخاص
ثانيا ابيك تعطيني افضل معهد في شيكاغو بنظرك ومعرفتك علما ان زوجتي مستواها صفر في اللغة
ثالثا المكتب الي الوزارة متعامله معه والي جاب القبول على معهد ELS بشيكاغو اتصلت بهم وقلت لهم ابي اغير المعهد قالو لي جب عنوان المعهد الي تبي وحنا نغيره لك
السؤال مرة اخرى ابي افضل معهد في نظرك لاني مقتنع من نظرتك وخبرتك

الحين بحطها نومه الين موعد الامتحان تصبحون على خير ووفقكم ربي جميعا

قبل لاتروحين ردي علي تكفين

شكلك فعلا ماقدرت تفتح رسالتي

معهد الينوي في شيكاغو واسم مديرته فران FRANهذا المعهد في الدرجه الاولى في بعده مثل ديبول بس اهم شي لاتقرب كابلن
حتى ولو ماكانت المدام طلقة بالانجليزي في عندهم مستوى واحد يعني بيبداون معها من الصفر لاتخاف